Category: мэдээ
Өчигдөр Японы нийслэл Токио болон түүний ойролцоо орших хотуудад хүчтэй мөндөр орсноос байшин барилга болон машин эвдэрсэн байна. Митака хотын оршин суугчдын ярьснаар гурван сантиметр том мөндөр нэг цаг гаруй орсон байна. Үүний улмаас машин, байшин, болон гарааш эвдэрч сүйджээ. Нийтдээ 68 мм хур тунадас унаж байшингуудын нэгдүгээр давхар усанд автжээ. Токиогийн ойролцоо орших жижигхэн хотууд нэлээд хохирол амссан тухай мэдээллээ.
Ю.ДЭЛГЭР
БНХАУ-ын Гадаад хэргийн яамны албан ёсны төлөөлөгчид анх удаагаа Тайванийг зорилоо. Гадаад хэргийн яамны орлогч сайд Жан Житюнь тэргүүтэй төлөөлөгчид маргааш Тайбэй хотноо хүрэлцэн очих юм байна. Энэ үеэр Тайваньд БНХАУ-ын Консулын газар нээгдэх юм байна.
Ма Инцю Тайванийн Ерөнхийлөгчөөр сонгогдсоноос хойш хоёр улсын харилцаанд нааштай өөрчлөлтүүд гараад байгаа билээ.
Ю.ДÝËÃÝÐ
D хэсгийн сүүлчийн тоглолтын үеэр Урагвайн шигшээ багийн хөлбөмбөгч Луйс Суарес өрсөлдөгч болох Италийн шигшээ багийн хөлбөмбөгч Жоржо Кьеллинигийн мөрнөөс хазаж олныг шуугиулаад авав. Суарес бол Урагвайн багийн шилдэг довтлогч төдийгүй ур чадварын хувьд дажгүй хөлбөмбөгч. Гэхдээ түүний хувьд ингэж хүн хазаж, цус амссан нь гурав дахь удаагаа тохиолдож буй бөгөөд хөлбөмбөг сонирхогчид түүнийг “махчин” гэх боллоо. Тэрээр анх 2010 онд Голландын хөлбөмбөгчийг хазаж долоон тоглолтын эрхээ хасуулж байсан бол 2013 онд Ливерпүүл болон Челси багуудын тоглолтын үеэр Бранислав Ивановичын гарыг нь хазсан. Суаресийн энэ балмад үйлдлийг Английн хөлбөмбөгийн холбоо шалгаж, тоглогч хазсан үйлдэлд нь тухайн үед 10 тоглолтоор торгож, тэрээр клубтээ их хэмжээний торгууль төлж дахин ийм үйлдэл гаргахгүй хэмээн уучлалт гуйж байсан удаатай. Гэвч түүний “махчин” араншин засрахгүй бололтой. Энэ удаагийн тоглолтын үеэр шүүгч ямар нэгэн шийтгэл өгөөгүй ч FIFA тэмцээний дараа ямар нэгэн хариуцлага тооцох нь тодорхой биз ээ.
Дэлхийн дөрвөн удаагийн аварга Италийн шигшээ багийн ерөнхий дасгалжуулагч Чезарь Пранделли ажлаа өгөхөөр өргөдөл гаргав. Тэрээр энэ шийдвэрээ ингэж тайлбарлажээ. “2014 оны ДАШТ-ээс Итали хасагдсан хариуцлагыг би үүрнэ. Би Италийн шигшээг амжилтад хүргэхээр ард түмнээс хүндэтгэл хүлээсэн хүн. Гэвч төлөвлөсөн ажлаа хийж чадсангүй, бас ард түмнийхээ итгэлийг алдлаа. Бүх хариуцлагыг би хүлээх болно гэжээ.
Италийн шигшээ баг 2014 оны дэлхийн аварга шалгаруулах тэмцээний хэсгийн шатанд Английг хожиж, Коста Рика, Уругвайд хожигдсон. Харин сүүлчийн тоглолтодоо Уругвайн шигшээтэй хийж 1:0-ийн харьцаатай хожигдсон билээ.
Монголын төмөр замын инженерүүдийн холбооноос төмөр замтай холбоотой төрийн бодлого дээр иргэд болон улстөрчдийг улстөржихгүй байхыг хүсч мэдэгдэл гаргалаа.
Уг мэдэгдэлд хоёр хөрштэйгөө найрамдалт харилцаагаа улам батжуулж, өргөн, нарийн гэдэг дээр бус үр өгөөжийн тухай ярилцах, нийт төмөр замчдыг улстөрийн хэрүүлдээ хольж хутгахгүй байхыг уриалжээ.