Сүүлийн 15 жилийн судалгаагаар манай ойн нөөц 0.7 хувиар доройтсон байна. Тиймээс ойг хамгаалахад онцгой анхаарах хэрэгтэй болжээ. Монголд шилмүүст ой 12.5 сая, заган ой 6.5 сая га бий. Ойг хамгаалах ажлын хүрээнд говь, хээрийг ойжуулж заг тарих шаардлагатай гэдгийг эмч нар хэлж байна. Дэлхийн хуурай газрын 30 хувийг ой эзэлдэг. Ой бол хүчилтөрөгчийн үйлдвэр. Хүчилтөрөгчгүй бол хүн гурван секунд ч амьдарч чадахгүй юм.
Венийн технологийн их сургуулийн эрдэмтэд аюулгүй элсэн чихэр бүтээх шинэ технологи дээр ажиллаж.
Тэд үр дүнд нь орлуулагч эритрит гэх тусгай хэлбэрийг гаргаж авсан байна. Эритрит нь таргалуулдаггүй, шүдний өвчлөл үүсгэдэггүй, цусан дахь чихрийн хэмжээг ихэсгэдэггүй онцлогтой талаар “Ньюс Исраел” сайт бичжээ.
Үнэн хэрэгтээ эритритийг Азийн орнуудад хэрэглэж заншсан байдаг гэнэ. Голдуу өндөр агууламж бүхий чихрийн исгэгчээс гаргаж авдаг аж. Харин эрдэмтэд илүү хөнгөн, ашигтай аргаар эритрит гаргах аргачлал боловсруулсан байна. Тэр нь онцгой хэлбэртэй “Trichoderma reesei” нэртэй хөгц юм.
Хөгц сүрлийн химийн найруулганд нөлөөлдөг. Эрдэмтэд мөөгийг генетикийн аргаар өөрчилснөөр эритритийн хэмжээг өсгөжээ. Ийм аргаар гаргасан элсэн чихэр чихэрлэг байдлаараа жинхэнээс дутахгүй юм байна.
Эрдэмтэд “АННИККИ” компанитай хамтран эритрит гаргаж авах технологийн патентийг аваад байгаа гэнэ.
НИТХ-ын Тэргүүлэгчдийн тогтоол, Нийслэлийн Засаг даргын захирамжийн дагуу замын хөдөлгөөний хэт ачааллыг бууруулах зорилгоор өнгөрсөн оны есдүгээр сараас эхлэн нэгдүгээр эгнээнд байршуулан замын хөдөлгөөнд саад учруулсан тээврийн хэрэгслийг зориулалтын машинаар ачиж, шилдүүлдэг журамтай болсон.
Гэвч тээврийн хэрэгслийг ачсан талаар мэдээлэл өгдөггүй, хол зайд зөөж шилжүүлдэг зэрэг гомдол иргэдээс ирсээр байгаа учраас тээврийн хэрэгслийн дугуй түгжигч ашиглах журмыг Замын хөдөлгөөний удирдлагын төвөөс боловсруулжээ. Энэхүү журмыг НИТХ-ын Тэргүүлэгчдийн өнөөдрийн хуралдаанаар хэлэлцэн баталлаа.
Хориглосон тэмдэг бүхий замын зорчих хэсэг, ногоон байгууламж, явган зам, нийтийн эзэмшлийн зам талбай дээр зогссон, хөдөлгөөнд саад учруулсан, жолооч нь эзгүй байгаа болон бүрэн бус тээврийн хэрэгслийн жолооч талын урд дугуйг зориулалтын дугуй түгжигчээр түгжих юм байна.
Журмын дагуу замын хөдөлгөөний дүрэмд түр буюу удаан зогсохыг хориглосон газарт зайлшгүй зогсолтоос бусад хэлбэрээр зогссон, эсвэл хориглосон тэмдэг бүхий замын зорчих хэсэг, ногоон байгууламж, явган зам, нийтийн эзэмшлийн зам талбай дээр зогссон, хөдөлгөөнд саад учруулсан, жолооч нь эзгүй байгаа болон бүрэн бус тээврийн хэрэгслийн жолооч талын урд дугуйг зориулалтын дугуй түгжигчээр түгжих юм байна.
Замын хөдөлгөөний ачаалал ихтэй зам талбай буюу Их, бага тойруу, Сөүлийн гудамж, хотын төвийн ачаалал ихтэй замуудын нэгдүгээр энгээнд байршуулсан тээврийн хэрэгслийг хөдөлгөөн чөлөөлөх үүднээс ойр зай буюу тусгай талбайд тусгай зориулалтын чирэгч автомашинаар зөөж шилжүүлэн дугуйг түгжих гэнэ.
Дугуй түгжигч ашиглахтай холбоотой үйлчилгээний хураамж нь 20.000 төгрөг бөгөөд тээврийн хэрэгслийн жолооч тухайн ажлын цагт багтаан автомашинаа аваагүй тохиолдолд тусгай зориулалтын ачигч, чирэгч автомашинаар тээврийн хэрэгслийг түр саатуулах тусгай хашаа, талбайд зөөж шилжүүлэн дугуйг түгжинэ.
Тээврийн хэрэгсэлд дугуй түгжигчийг ашигласан болон зөөж шилжүүлсэн хураамжийг тухайн тээврийн хэрэгслийн жолооч хариуцах юм.
Дугуйг түгжигчээр түгжихээс өмнө тухайн тээврийн хэрэгслийн жолооч ирсэн тохиолдолд гаргасан зөрчлийг гэрэл зургаар баримтжуулан эрх бүхий цагдаагийн алба хаагч гэрийн хаягаар Торгуулийн мэдэгдэх хуудас хүргүүлэх юм байна.
Английн хатан хааны гэр бүлийн загвар зохион бүтээгч Серап Поллард туслахын хамт
Английн хатан хааны загвар зохион бүтээгчээр олон жил ажилласан Серапп Поллардын загварын шоу өнгөрсөн долоо хоногт Туркийн Элчин сайдын өргөөнд боллоо.
Манай улс Турк улстай дипломат харилцаа тогтоосны 45 жилийн ой эл өдрүүдэд болж өнгөрлөө.
Энэ үеэр загвар зохион бүтээгч Серапп Поллард “Би Монголыг диваажин гэж хэлмээр байна. БНТУ-аас Монгол Улсад суугаа Элчин сайд Мурат Карагөзөд талархал илэрхийлье. Би энд үнэхээр сайхан өдрүүдийг өнгөрүүллээ. Хөдөө очоод Монгол гэрт орж үзсэн . Мөн монгол хатадын хувцас өмсч үзсэн. Монгол үндэсний хувцас гайхалтай санагдсан.
Монголын загвар өмсөгчдийг гайхалтай гэж хэлнэ. Аливаад маш сайн дасан зохицож чаддаг санагдсан. Би танай загвар өмсөгчдийг намхан гэж бодсон. Гэтэл тийм биш байлаа. Өндөр, ур чадвар сайтай, үг сонсдог, юмыг амархан сурдаг юм байна. Тиймээс хамтарч ажиллахад хялбархан байлаа. Тиймээс дараагийн загварын шоундаа эдгээр охидуудыг Лондонд урих бодолтой байгаа” гэж нэгэн хэвлэлд ярьжээ.
“Mongolian Mining Corporation” (MMC)- ы охин компани “Mongolian Coal Corporation” нь “Risun Mining”-тай хамтран ажиллах гэрээ байгуулсан тухай Хонконгийн хөрөнгийн биржийн цахим хуудаст мэдээлжээ.
Гэрээнд заасны дагуу “Mongolian Coal Corporation”, “Risun Mining” нь БНХАУ-ын Тяньжиний чөлөөт худалдааны бүсэд хамтарсан хөрөнгө оруулалттай компани байгуулахаар тохиролцсон аж. Ингэснээр Монголын коксжих нүүрсийг тээвэрлэх, худалдах үйл ажиллагааг явуулах юм.
Тодруулбал, урд хөршийн Хэбэй мужийн Таншан, Баодин, Шинтай, Шицзячжуан болон Шаньдун мужийн хойд хэсгийн эцсийн хэрэглэгчид, ган, кокс химийн үйлдвэрт нүүрсээ нийлүүлэх юм байна.
Дубай, Испани, Бразил, Казахстанд охин компанитай, дэлхийд томд тооцогддог “Risun” группийн гишүүн “Risun Mining” нь БНХАУ-ын коксжих нүүрсний томоохон үйлдвэрлэгч, нийлүүлэгч аж.
Ийнхүү дээрх аж үйлдвэржсэн бүсэд “хар алт”-аа нийлүүлэх гол суваг нээсэн нь MMC-д зах зээлээ тэлэх, эцсийн хэрэглэгчидтэй урт хугацаанд хамтран ажиллаж, орлогоо нэмэгдүүлэх ач холбогдолтой юм.
Шинээр байгуулах “Tianjin Zhengcheng Import and Export Trade” компанийн 51 хувийг “Mongolian Coal Corporation”, үлдэх хувийг “Risun Mining” эзэмших гэнэ.
Тус компанийг байгуулахад 14 сая юанийн хөрөнгө шаардлагатай аж. Уг мэдээллийн дараа Хонконгийн хөрөнгийн биржид MMC-ы хувьцааны ханш дээшлэн, 0.49 хонконг доллар болов.
Алтны олборлолтыг дэмжих зорилгоор Уул уурхайн сайд, Эдийн засгийн хөгжлийн сайд, Монгол банкны ерөнхийлөгчийн хамтарсан тушаалаар Ажлын хэсгийг байгуулж “Алтны салбарын санхүүжилтийг дэмжих хөтөлбөр”-ийг боловсруулан батлуулсан.
Тус хөтөлбөрт хамрагдахаар “Алт үйлдвэрлэгчдийн холбоо”-ны гишүүн 35 компани хүсэлт ирүүлжээ.
Эдгээр компаниуд “Санхүүжилтийн хөтөлбөр”-ийг хэрэгжүүлэх арилжааны банкуудын тавьсан Уулын ажлын төлөвлөгөөг батлуулсан, төсөл хэрэгжүүлэх хангалттай нөөцтэй зэрэг шаардлагуудыг хангасан байх ёстой.
Алтны олборлолтыг хийж байгаа компаниудад хөнгөлөлттэй зээл олгох эхний шалгуурыг давсан аж ахуйн нэгжүүд арилжааны банкнаас хөнгөлөлттэй зээл авахад бэлэн болжээ.
Ингэснээр 2014 онд эргэлтийн хөрөнгийн санхүүжилтээр 200 тэрбум төгрөг олгох боломжтой юм байна.
Олон улсын бөхийн төрлүүдийн нэгдсэн холбоо буюу ФИЛА-ний танхимд дэлхийн 200 гаруй улсаас ердөө найман хүнийг хүндэтгэн өргөмжилсөн байдаг билээ. Тэгвэл саяхан нэгэн том үйл явдал боллоо. Учир нь дэлхийн сая сая хүнээс ердөө гарын арван хуруу ч хүрэхгүй цөөхөн хүн өргөмжлөгдсөн “Алдрын танхим”-д анх удаа Монголоос Адуучийн Басхүү шүүгч өргөмжлөгдөж, бөхийн салбартаа дэлхийн ес дэх хүндэт хүн боллоо. Тиймээс энэ удаа Адуучийн Басхүүг “Өдрийн зочин” буландаа онцолж байна.
А.Басхүүгийн Монголын болоод дэлхийн чөлөөт бөхийн хөгжилд оруулсан хувь нэмрийг энд тоочвол дуусахгүй биз ээ. Тэрээр бөхийн спортын төлөө бүхий л амьдралаа зориулсан гэхэд болно. 1971 онд анх улсын шигшээ багийн тамирчнаар орж 1975-1980 онд “Замчин” нийгэмлэг ба Октябрийн районы БТС-ын хороонд дасгалжуулагч, 1980-1982 онд БТСУХ-ны Спортын сургалтын төвд бөхийн багш, 1982-1987 онд Улсын залуучуудын шигшээ багийн дасгалжуулагч, 1987-1989 онд Улсын шигшээ багийн дасгалжуулагч, 1989-1993 онд Улсын шигшээ багийн ахлах дасгалжуулагч, 1993-2009 онд МЧБХ-ны ерөнхий нарийн бичгийн дарга болжээ. Түүнчлэн 2012 оноос ССАЖЯ-ны харьяа Спортын бэлтгэлийн төвийн Үндэсний шигшээ багийн ерөнхий дасгалжуулагчаар ажиллаж байгаа тэрээр ёстой л багаас нь өндөрлөгт хүртлээ шат бүрт нь ажиллаж явснаараа Монголд ганцхан гэгддэг аж. А.Басхүүгийн амжилт бүр аавтай нь холбоотой. Түүний аавыг Доржийн Адууч гэдэг. Монголын Ардын арми, Төр захиргаа, ХАА-н үйлдвэрлэлд 40 гаруй жил хөдөлмөрлөж, эх орныхоо аюулгүй байдлын төлөө зүтгэсэн гэдгээр нь нутгийн зон андахгүй. А.Басхүү аавынхаа тухай ярихдаа “Миний өнөөдрийн амжилт аавтай минь салшгүй холбоотой. Аавын маань хийж бүтээсэн арвин их ажил бүтээл, хойч үеийнхэнд өв болон үлдээсэн олон арван барилга, зам харгуй, цэцэрлэг одоо ч Монголын баруун зах хязгаар Ховд аймгийн Ховд хот болон Булган суманд чимэг дурсгал болон гялалзсаар байна” гэв.
Нээрээ л Ховд аймагтаа домог болсон Адууч даргыг Ховдчууд дэлхийд данстай хөвгүүдээс нь ч илүү хүндлэн дурсдаг юм билээ. Харин түүний ээж Шагдаржавын Дунхүү арван сайхан хүүхэд төрүүлсэн нь өдгөө бүгд эх орондоо хийсэн бүтээсэн зүйлтэй, ёстой л эцэг, эхийнхээ хайрласан нэрийг өндөрт өргөж яваа улс. Эхээс арван сайхан хүүхэд зулай зулайгаа гишгэлэж төрсөн ч өдгөө гурван нь бурхан болжээ. Түүний эгч Гантогтох гавьяат багш, тэрээр ард түмний хайртай дуучин Адарсүрэнгийн эхнэр байсан бөгөөд таван сайхан хүүхдийг нь өсгөсөн нэгэн. Харин Ганболд эгч нь хүний их эмч, ах Батхүү жолооч, дүү Бархүү бизнесмэн төдийгүй боксын дэд мастер цолтой аж. Түүний дүү нар ахаасаа дутахгүй спортод амжилт гаргаж яваа хүмүүс. Дүү Баатархүү гавьяат тамирчин, улсын начин гээд бараг ахаасаа их гуншинтай нэгэн байсан. Баатархүүгийн хувьд 1983 оны Зөвлөлт холбоот улсын Бүх ард түмний VIII нээлттэй спартакиадад оролцсон гадаадын 22 орны тамирчдаас цорын ганц мөнгөн медалийг Монголын бөх А.Баатархүү авсан нь чөлөөт бөхийн хувьд манай улс төдийгүй дэлхийн бөхийн спортын түүхнээ давташгүй амжилт байв. Харин Баасанхүү дүү нь өдгөө зэрэг дэвээрээ Басхүү ахынхаа дараа бичигдэж буй олон улсын шилэгдмэл шүүгч гэдгийг мэдэх байх. Отгон дүү охин Туяа нь зураг зүй, геодизын мэргэжилтэй юм байна.
Д.Адууч болоод түүний хүүхдүүдийн эх орондоо оруулсан хувь нэмрийг өгүүлсэн киног Монгол кино үйлдвэр Мосфильмтэй хамтран бүтээж байсан удаатай аж.
А.Басхүүг “Алдрын танхим”-д олон жил уйгагүй ажилласан гээд зүгээр ч нэг өргөмжилчихөөгүй. Анх 1976 онд улсын шүүгч болсноосоо хойш түүний амжилт гэрлийн хурдаар ахисан. Тэрээр 1983 онд олон улсын шилэгдмэл шүүгч болж 2009 оноос олимпийн зэрэглэлийн шүүгч болж байлаа. Энэ хугацаанд олимпийн их наадамд найм, Дэлхийн аварга шалгаруулах тэмцээнд 30, “Дэлхийн цом”-ын тэмцээнд дөрөв, Европын болон Азийн аварга шалгаруулах тэмцээн, Азийн наадмыг 45 удаа тус тус шүүжээ. Энэхүү амжилтыг нь үнэлж 1991 оноос Азийн бөхийн нэгдсэн хорооны шүүгчийн комиссын гишүүнээр, 2006-2008 онуудад Олон улсын бөхийн холбооны Шүүгчийн зөвлөлийн гишүүнээр томилогдож байлаа. Түүний хамгийн хүндэлж хайрлаж явдаг шагнал нь 1988 оны Сөүлийн олимпийн наадмаас хүртсэн “Алтан шүгэл” шагнал гэсэн. Энэ шагналыг хүссэн хүн болгон хүртээд байдаггүй учраас тэр. Одоо тэрээр хэдий шүүгчийн ажлаа хийхгүй байгаа ч “Монголын чөлөөт бөхийн салбарт салхи оруулж, ийм тактикаар явбал дэлхийн манай тамирчид одоогийнхоос ч илүү амжилт үзүүлнэ” хэмээн сэтгэл нь зовнингуй ярьж суусан. Түүний үндсэн ажил нь дасгалжуулагч учир чөлөөт бөхийн олон арван шавь нар бий. А.Басхүүгийн бэлтгэн дасгалжуулсан тамирчдаас нь гавьяат тамирчин 11, олон улсын хэмжээний мастер 26, спортын мастер 37, дөрвөн гавьяат дасгалжуулагч төрөөд байна.
Д.ДАВААСҮРЭН
Он гарснаас хойш эхний зургаан сарын байдлаар хилийн чанадад манай улсын нийт 158 иргэн гэмт хэрэ, зөрчилд холбогдсон тухай ГХЯ-ны Консулын газраас мэдээллээ. Дээрх иргэдийн 87 нь хулгаа, хүний амь нас хохироож, хил, гаалийн журам зөрчсөн 22, оршин суух журам зөрчсөн 14, биеэ үнэлж танхайрсан 13, хүчингийн хэрэгт 5, хар тамхи биедээ авч явсан хэргээр 1, замын хөдөлгөөний журам зөрсчн 7 хүн байгаа аж. Эдгээрээс хамгийн их буюу 99 хүн БНХАУ-д саатуулагдаад байгаа аж.
Хөлбөмбөгийн бурхны хүү гэгдэх Лионел олны анхааралд өртөх дургүй гэж ярьдаг ч түүнийг өдгөө дэлхий нийт анхааралдаа аваад байгаа. Эгэл жирийн Аргентин гэр бүлээс гаралтай тэрээр Италиас гаралтай. 1883 онд Лионелийн өвөг Анжело Месси Италийг орхин, Аргентин улсад суурьшсан аж. Мессигийн холын хамаатнууд одоо ч Италид амьдардаг гэнэ. Гэвч өдгөө Лиогийн гэр бүл Италид буй хамаатнуудтайгаа холбоогүй байдаг аж. Лионел Аргентиний Санта-Фе мужийн хамгийн том хот Росариод Мессигийн отгон хүү болон мэндэлжээ. Тэрээр ах Родриго ба Матиас, эгч Мария Солийн хайр халамжинд өсчээ. Ердөө таван настайдаа бяцхан Месси аав Хорхегийн дасгалжуулдаг байсан хүүхдийн “Грандоли” хөлбөмбөгийн багт сурч эхлэв. Харин Мессигийн ээж цэвэрлэгчийн ажилтай байжээ.
Тэрээр Марадонагийн тоглож байсан “Ньюэллз Олд Бойз”-ийн секцэд 1995 оноос суралцаж эхэллээ. Түүний авьяас чадвар үеийн хүүхдүүдээс ялгарч, Аргентиний хамгийн агуу баг “Ривер Плейт”-д тоглохоор болсон. Мессигийн аав Хорхе отгон хүүгээ хөлбөмбөгч болгохыг мөрөөддөг тул Лионелийг “Ривер Плейт”-д явахад хязгааргүй их баярласан гэдэг. Гэвч энэхүү баяр тун удалгүй харамсал болохыг мэдээгүй байж. “Танай хүү үнэхээр гоц авьяастай юм. Түүнд их ирээдүй байна. Гэвч Лионел гормоны дутагдал гэх өвчтэй байна. Манай эмч нарын тооцоогоор тэр 140 см-ээс илүү өсөхгүй гэнэ. Түүний өсөлт нь бараг зогсчихож. Бидэнд маш их харамсалтай байна” гэж “Ривер Плейт” багийн эмч нар хэлжээ.
Соматропин буюу гормоны дутагдал өвчин нь биеийн болон сэтгэцийн хөгжлийг зогсоодог аж. 11 настай Лионел Месси 132 см өдөртэй байжээ. Үүнийг алдарт хөлбөмбөгч хожим дурсахдаа “Тухайн үед надад эмнэлгийн туслалцаа яаралтай хэрэгтэй байсан. Надад хүлээх хугацаа огт байгаагүй” хэмээн дурсчээ. Сарын 900 ам.долларын төлбөртэй энэхүү эмчилгээг “Ньюэллз”, “Ривер Плейт” хийхийг зөвшөөрөөгүй гэнэ. Аргаа барсан эцэг Хорхе Европын багуудын академиуд руу захидал илгээн, хүүгийнхээ эмчилгээнд туслахыг хүсчээ. Цаг хугацаа өнгөрөх тусам Лионел Мессигийн өвчин улам бүр хүндэрнэ. Харин аавынх нь хүсэлтийг хэн ч тоохгүй байжээ. Ингэсээр 2000 онд Мессигийн гэр бүл Испанийн Барселона хотод иржээ. Лионелийн аав Хорхе Месси хүүгээ хөтлөн, “Барселона” клубийн хүүхдийн багийн бэлтгэл дээр очжээ. Хөлбөмбөгийн талбайд уран гоёмсог хууралт хийн, өөрөөсөө өндөр хамгаалагчдаас айхгүй тоглож буй Лио Мессиг харсан “Барселона” багийн ерөнхий захирал Карлес Рексач “Манай багт ямар гайхамшигтай, авьяаслаг тоглогч хүрэлцэн ирснийг ойлгоход ердөө хоёр минут хэрэгтэй байсан” гэж ярьжээ. Мессигийн хурд, техник, тоглолт бүгд Карлес Рексачийг уулга алдахад хүргэж “Энэ хүү дэлхийн хамгийн шилдэг тоглогч болно” гэж хэлжээ. Ийнхүү “Барселона” Лионел хүүгийн эмчилгээг даах гэрээг шууд байгуулахаар болжээ. Баярласан аав Хорхе Месси, бахдам авьяастай хүүг эгнээндээ нэгтгэсэн “Барса”-гийн ерөнхий захирал хоёр анхны гэрээгээ ам арчдаг цаасан дээр байгуулсан гэдэг. Месси “Барса”-гийн хүүхдийн багийн төлөөх анхны тоглолтдоо таван гоол оруулжээ.
Мессигийн амжилтын эхлэл
“Барселона” Лионел Месси хүүгийн эмчилгээний төлбөрийг хоёр жил гаруй хийжээ. Энэ хугацаанд 140 см-ээс өндөр болохгүй гэж яригдаж байсан Месси 30 см өсчээ. Мөн энэ хугацаанд хүүхдийн багаас нэгдүгээр баг хүртэл дэвшин тоглохоор болжээ. Ингээд 16-хан настай Лионел Месси Португалийн “Порту” багийн эсрэг тоглолтод анх удаа “Барселона” багийн өмсгөлийг өмсөж, сэлгээнд багтлаа. Харин 2004 оны аравдугаар сарын 16-нд Лионел “Барса”-гийн төлөөх анхны албан ёсны тоглолтоо “Ла лиг”-ийн “Эспаньол” багийн эсрэг хийв. Лионел Месси “Ла лиг”-т хамгийн залуудаа гоол оруулсан тамирчин юм. Тэрээр 17 нас, 10 сар, долоон хоногтой байхдаа “Ла лиг”-ийн анхны гоолоо оруулжээ. Үүнээс эхлэн түүний өдгөөгийн гайхамшигт амжилтын эхлэл тавигдсан юм.
Месси одоогийн байдлаар “Ла лиг”-т тав, “Аваргуудын лиг”-т гурав түрүүлээд байна. 2011-2012 оны улиралд “Аваргуудын лиг”-т 12 гоол оруулж, Марко Ван Бастен, Жиан Фер Папиний дараачаар нэг улиралд оруулсан гоолын тоогоороо бичигдэх болсон. Мөн Европын хөлбөмбөгийн холбооны хамгийн нэр хүндтэй тэмцээн “Аваргуудын лиг”-ийн мэргэн буучийн жагсаалтыг гурван жил дараалан тэргүүлсэн анхны хөлбөмбөгч юм. Түүний амжилт домогт Иохан Круифф, Мишел Флатини, Марко Ван Бастен нараас давж, дэлхийн шилдэг хөлбөмбөгч шагналыг сүүлийн дөрвөн жил дараалан хүртээд байна. 2012 онд тэрээр Барселона багтайгаа “Аваргуудын лиг”-ийн шөвгийн 16-д Байер Леверкузен багийг хожсон тоглолтод таван гоол оруулсан юм. Ингэснээр “Аваргуудын Лиг”-ийн түүхэнд нэг тоглолтод таван гоол оруулсан анхны хөлбөмбөгч болж нэрээ мөнхөлсөн билээ. Месси бол ер бусын тоглогч. Тэрээр маш бүтээлч, хамгаалагчдыг хялбархан давж гарах өндөр ур чадвартай, төв болон хоёр жигүүрээр, тэр ч бүү хэл бүр төвийн довтлогчийн байрлалд ч тоглох чадвартай тал бүрийн авьяастай тоглогч юм.
Мэсси үнэндээ намхан жижиг биетэй хэдий ч хурдтай, биеийн хүч сайтай учраас өөрөөсөө өндөр биерхүү өрсөлдөгчийг давуу талаараа илүүрхэж тоглодог. Түүнчлэн итгэмээргүй хүчирхэг бөгөөд түүнийг булангийн цохилт, чөлөөт болон торгуулийн цохилтоос эцсийн цэг тавих мэргэжилтэн гэж хэлж болно.
Лио толгойгоор ч тун муугүй тоглодог бөгөөд шаардлагатай үед тэрээр хэд хэдэн төрлийн үүрэг хүлээн авч тоглох чадвартай гэж үзэж болно. Түүнийг хөлбөмбөгийн ертөнцөд туйлын амжилттай замаар замнахаар заяасан тоглогч гэдэг.
Манай гаригийн долоон тэрбум хүнээс нэг сая нь хөлбөмбөг тоглож, таван сая нь үздэг. Харин бүгд Лионел Мессиг хэн болох, юу хийж чадахыг мэддэг юм. Авьяаслаг Аргентин эр энэ өдөр 27 нас хүрч байгаа юм. Дэлхийн шилдгээр дөрвөн удаа тодорсон тэрбээр өөрийг нь алдарт Марадонатай харьцуулах хэрэггүй гэж үздэг.
Учир нь түүний хүртээгүй цорын ганц цом бол дэлхийн аварга. Каталоны багаас авдаг түүний цалин ядуу буурай зарим улсын жилийн төсөвтэй тэнцэхүйц гэгддэг. Шигшээ багтаа сайн тоглодоггүй гэгддэг супер довтлогч энэ дэлхийн аваргад багтаа хувь нэмрээ оруулна, бүхнийг өөрчилнө гэдэгтээ тун итгэлтэй байгаа аж.
С.АЛТАН