Азийн хотуудын нөөцийн цогц менежмент Хот байгуулалтын “Nexus” төслөөс бүс нутгийн дөрөв дэх удаагийн семинарыг 2014 оны 11 сарын 5-наас 7-ны хооронд Улаанбаатар хотноо зохион байгуулах гэж байна. Семинарт “Nexus” төсөлд хамрагдсан Азийн 10 хотын төлөөлөл болох 70 орчим зочид, нийт 100 төлөөлөгч буюу Монгол Улсын Засгийн газрын яам, агентлаг, Нийслэлийн удирдлагуудын төлөөлөл, төсөл хэрэгжүүлж буй болон түнш “ESCAP”, “GIZ” зэрэг байгууллагуудын төлөөлөл, хотуудын цахим сүлжээний нэгдэл, олон улсын санхүүгийн, судалгааны байгууллага, хувийн хэвшил мөн нөөцийн цогц менежментийн чиглэлээр үйл ажиллагаа явуулдаг бусад байгууллагууд оролцоно.
Энэ удаагийн семинараар нөөцийн цогц төлөвлөлт, “Nexus” төсөл арга хэмжээг хэрэгжүүлэх, хот байгуулалт, төлөвлөлтөд тусгах, иргэдийн оролцоог хангах талаар ярилцаж хэрэгжилтийн явцад учирч буй хүндрэл, тулгамдаж буй асуудлыг хэлэлцэн, хотууд өөр өөрсдийн туршлага ололтоосоо хуваалцах юм.
Ази, Номхон далайн бүсийн хүн амын огцом өсөлт, хотжих үйл явц нь ус, эрчим хүч, хүнсний хангамжийн найдвартай байдлыг алдагдуулж хотуудын тогтвортой хөгжлийг эрсдэлд оруулж байгаа. Гэтэл Азийн ихэнх хотууд салбарын явцуу хүрээнд, хотынхоо хил хязгаарын хэмжээнд төлөвлөлт, менежментээ хийсээр байна. Тиймээс асуудалд цогц байдлаар, харилцан уялдаатайгаар хандах шаардлага амьдралаас урган гарч байна. Иймд хоорондоо хамаарал бүхий (ус-эрчим хүч-хүнс) гэсэн гол гурван салбарын харилцан үйлчлэл, нөлөөллийг ашиглах шаардлагатай. Ингэснээр хот ба бүсийн нөөцийн цогц менежмент, төлөвлөлтийн потенциалыг ашиглах боломж бүрдэх юм.
Nexus хандлага нь эрчим хүч, ус болон хүнсний хангамжийн салбарт найдвартай байдлыг хангах цогц төлөвлөлт, менежментийн арга замыг нэвтрүүлэхэд чиглэгддэг. Хот болон харьяа бүс нутгийн тогтвортой хөгжилд урт хугацаанд чухал үүрэг гүйцэтгэнэ. Энэ утгаараа хот болон бүс нутгийн байгууллага, аж ахуйн нэгж, түүнчлэн инженерийн хангамжийн байгууллагуудыг Nexus-т хамаарал бүхий салбаруудын цогц төлөвлөлт, менежментэд хамруулах нь чухал байгаа юм.
Энэхүү хэрэгцээ шаардлагад нийцүүлэн ХБНГУ-ын Эдийн Засгийн Хамтын Ажиллагаа, Хөгжлийн Яам(BMZ)-ны санхүүжилтээр Германы Олон улсын хамтын ажиллагааны нийгэмлэг (GIZ) НҮБ-ын Ази, Номхон Далайн Эдийн Засаг, Нийгмийн Хороо (UN ESCAP)-той хамтран “Азийн хотуудын нөөцийн цогц менежмент: хот байгуулалтын Nexus” төслийг хэрэгжүүлж байгаа ба төслийн хүрээнд бүс нутгийн 6 орны (Хятад, Индонези, Монгол, Филлипин, Тайланд, Вьетнам) 10 хотод техникийн туслалцаа үзүүлнэ.
Төсөл нь хотуудын захиргаа, төлөвлөлт хариуцсан алба нэгжүүдийн нөөцийн цогц төлөвлөлт, менежментийн чадавхийг бэхжүүлэх, мөн боломжтой нөхцөлд Nexus санаачлагуудыг практикт нэвтрүүлэх, хэрэгжүүлэхэд техникийн зөвлөх үйлчилгээ үзүүлнэ. Түүнчлэн тухайн улс, нутгийн түвшинд хуримтлуулсан ололт, туршлагыг бүс нутгийн мэдлэг түгээх, хэлэлцүүлэг явуулах платформд суулган мэдлэгийн сан үүсгэж Азийн хотуудын үйл ажиллагаанд дэмжлэг үзүүлэх юм.
Төслийн хүрээнд өнгөрсөн хугацаанд бүс нутгийн семинарыг гурван удаа зохион байгуулсан (2013 онд Taйландын Бангкок хотод хоёр удаа, 2014 онд Вьетнамын Да Нанг хотод нэг удаа) ба эдгээр семинарын хүрээнд Nexus-т хамааралтай технологийн өнөөгийн түвшин, хотуудын Nexus төслүүдийн явц, ахиц дэвшлийг танилцуулж хэлэлцүүлсэн. Түүнчлэн хотуудын төлөөлөлд хот байгуулалтын Nexus санаачлагуудыг дэмжих орчин нөхцлийг бий болгох талаар төр засгийн төлөөлөл болон холбогдох бусад талуудтай хэлэлцүүлэг өрнүүлэх боломж олгосон.
Өмнө нь явагдсан семинаруудын үр дүнд тулгуурлан энэ удаагийн семинар дараах зорилтуудыг тавьж байна. Үүнд:
Оролцогч хотуудын nexus төсөл арга хэмжээний төлөвлөлт, хэрэгжилтийн явцтай танилцах, тулгамдаж буй асуудал, туршлага, ололтоосоо хуваалцах.
Оролцогч улс орнуудын nexus хандлагыг дэмжих бодлого, хөтөлбөрүүдтэй танилцах, nexus-ийн үүсгэл санаачлагыг хөгжүүлэхэд тустай үндэсний бодлого, түүний бүрэлдэхүүн хэсгүүдийг хэлэлцэх.
Хот байгуулалтын nexus –ийн засаглалын цар хүрээ, тэр дундаа хотуудын Nexus Ажлын хэсгийн гүйцэтгэх үүрэг, хот төлөвлөлтийн үйл явцад тусган институтчилахад шаардагдах бусад арга хэрэгслүүдийг хэлэлцэх.
Nexus төсөл арга хэмжээнүүдийг хэрэгжүүлэхэд тустай зөвшилцөл, төлөвлөлтийн явцад иргэдийн оролцоог бэхжүүлэх нөхцөл боломжуудыг эрэлхийлж хэлэлцүүлэх.
Хот байгуулалтын nexus–ийн арга хэмжээнүүдийг шинээр гарч ирж буй Habitat III –ын хөтөлбөрт суулгах алхмууд, тэдгээрийг олон улсад өрнөж буй яриа хэлэлцээрт онцгойлон авч үзэх хэрэгцээ шаардлагуудыг тодорхойлох гэж Улаанбаатар хотын Захирагчийн ажлын албанаас мэдээллээ.
Category: нийгэм
Японы “Жайка” олон улсын байгууллагын төлөөлөгчдийг Бодлогын хэрэгжилтийг зохицуулах газрын дарга Я.Буянжаргал, холбогдох мэргэжилтнүүд хүлээн авч уулзлаа. Төлөөлөгчид Эсэн мэнд амаржихуйн чиглэлээр Монгол Улсаас Япон улсад суралцсан эх барих эмэгтэйчүүдийн эмч, эх баригчдад сургалтын дараах үнэлгээ хийсэн талаар танилцуулж, орон нутагт сурсан зүйлээ хэрэгжүүлж үр бүтээлтэй ажиллаж байгаад баяртай байгаагаа илэрхийллээ. Мөн Өвөрхангай аймгийн БОЭТ, ЭХЭМҮТ, КНАГ-ын эх барих эмэгтэйчүүдийн эмч нарт ургийн зүрхний бичлэг хэрхэн хийх, хянах, үнэлэх талаар хичээл заасан байна.
Тус байгууллагаас сургалтад ашигласан Ургийн зүрхний бичлэгийн аппарат, чагнах зөөврийн болон халаасны аппарат тус бүр нэгийг бэлэглэхээ мэдэгдлээ.
“ITB Asia” үзэсгэлэн яармаг 2014 оны 10 дугаар сарын 29-31-ний өдрүүдэд 7 дахь жилдээ Сингапур Улсын Marina Bay Sand-ын үзэсгэлэнгийн танхимд зохион байгуулагдлаа.
Тус үзэсгэлэн яармагт 73 улсын 825 төлөөлөгчид оролцож түүнчлэн 110 улсын 9100 орчим хүн тус үзэсгэлэн яармагт бүртгүүлсэн бөгөөд өмнөх жилээс үзэгчдийн тоо 7 хувиар нэмэгдсэн байгаа аж.
Монгол Улсаас анх удаа Монголын булан нээгдсэн бөгөөд Бүгд Найрамдах Сингапур Улсад суугаа Онц бөгөөд Бүрэн эрхт Элчин сайд Б.Дэлгэрмаа тус булангаар 10 дугаар сарын 31-ний өдөр зочиллоо. Энэхүү үзэсгэлэн яармагт Монгол Улсаас “Аялал Жуучлал-Ирээдүй” ТББ албан ёсны түншийн хувьд “ITB-Berlin”-тэй хамтран анх удаа оролцсон бөгөөд уг байгууллага нь “ITB-Berlin 2015” үзэсгэлэн яармагт Монгол Улсыг өөрийн түнш улс болохыг олон улсын аялал жуулчлалын зах зээлд урьдчилан таниулах өндөр ач холбогдолтой ажээ.
Энэ үеэр Элчин сайд Б.Дэлгэрмаа “ITB Berlin”-ны Захирал ноён David Ruetz болон Түнш орнуудыг хариуцсан газрын захирал Rika Jean Francoise нартай ажил хэргийн уулзалт хийв.
David Ruetz “ITB Berlin”-ы талаар товч танилцуулахдаа Монгол Улс “ITB-Berlin”-тэй хамтран ажиллах гэрээнд гарын үсэг зурж түнш орон болсноор жилийн турш Монгол Улсын аялал жуулчлалын салбарыг тогтвортой хөгжүүлэх 8 шат бүхий төсөлд хамрагдах бөгөөд үүгээр дэлхийн 44,797,162 хэрэглэгч бүхий цахим болон өдөр тутмын мэдээллийн хэрэгслээр Монгол Улсыг дэлхийн жуулчдад сурталчлан таниулах арга хэмжээ авах тухай онцлов.
“ITB Asia” үзэсгэлэн яармагт Монгол Улсаас аялал жуулчлалын салбарт олон жил тогтмол үйл ажиллагаа явуулж байгаа манай ууган компаниудын нэг болох “New Juulchin World Tours” болон “Zendmen Travel” зэрэг компани оролцож байна.
Нийслэлийн Засаг Дарга “Нийслэлийн Гамшгаас хамгаалах албадыг шинэчлэн байгуулах тухай” А/913 дугаар захирамж гаргалаа. Захирамжаар шинээр томилогдсон албадын удирдлага болон нийт бүрэлдэхүүнд сургалт зохион байгуулж, мэргэжлийн удирдлагаар ханган бэлэн байдлыг дээшлүүлэх талаар тодорхой ажил зохион байгуулж ажиллахыг нийслэлийн Онцгой байдлын газарт үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Азийн хотуудын нөөцийн цогц менежмент Хот байгуулалтын Nexus төслөөс бүс нутгийн дөрөвдэх удаагийн семинарыг 2014 оны 11 сарын 5-наас 7-ны хооронд Улаанбаатар хотноо зохион байгуулах гэж байна. Семинарт Nexus төсөлд хамрагдсан Азийн 10 хотуудын төлөөлөл болох 70 орчим зочид, нийт 100 төлөөлөгч буюу Монгол улсын Засгийн газрын яам, агентлаг, Нийслэлийн удирдлагуудын төлөөлөл, төсөл хэрэгжүүлж буй болон түнш ESCAP, GIZ зэрэг байгууллагуудын төлөөлөл, хотуудын цахим сүлжээний нэгдэл,олон улсын санхүүгийн, судалгааны байгууллага, хувийн хэвшил мөн нөөцийн цогц менежментийн чиглэлээр үйл ажиллагаа явуулдаг бусад байгууллагууд оролцоно. Энэ удаагийн семинараар нөөцийн цогц төлөвлөлт, Nexus төсөл арга хэмжээг хэрэгжүүлэх, хот байгуулалт, төлөвлөлтөнд тусгах, иргэдийн оролцоог хангах талаар ярилцаж хэрэгжилтийн явцад учирч буй хүндрэл, тулгамдаж буй асуудлыг хэлэлцэн, хотууд өөр өөрсдийн туршлага ололтоосоо хуваалцах юм. ө Ази, Номхон Далайн бүсийн хүн амын огцом өсөлт, хотжих үйл явц нь ус, эрчим хүч, хүнсний хангамжийн найдвартай байдлыг алдагдуулж хотуудын тогтвортой хөгжлийг эрсдэлд оруулж байгаа. Гэтэл Азийн ихэнх хотууд салбарын явцуу хүрээнд, хотынхоо хил хязгаарын хэмжээнд төлөвлөлт, менежментээ хийсээр байна. Тиймээс асуудалд цогц байдлаар, харилцан уялдаатайгаар хандах шаардлага амьдралаас урган гарч байна. Иймд хоорондоо хамаарал бүхий (ус-эрчим хүч-хүнс) гэсэн гол гурван салбарын харилцан үйлчлэл, нөлөөллийг ашиглах шаардлагатай. Ингэснээр хот ба бүсийн нөөцийн цогц менежмент, төлөвлөлтийн потенциалыг ашиглах боломж бүрдэх юм. ө Nexus хандлага нь эрчим хүч, ус болон хүнсний хангамжийн салбарт найдвартай байдлыг хангах цогц төлөвлөлт, менежментийн арга замыг нэвтрүүлэхэд чиглэгддэг. Хот болон харьяа бүс нутгийн тогтвортой хөгжилд урт хугацаанд чухал үүрэг гүйцэтгэнэ. Энэ утгаараа хот болон бүс нутгийн байгууллага, аж ахуйн нэгж, түүнчлэн инженерийн хангамжийн байгууллагуудыг Nexus-т хамаарал бүхий салбаруудын цогц төлөвлөлт, менежментэд хамруулах нь чухал байгаа юм. ө Энэхүү хэрэгцээ шаардлагад нийцүүлэн ХБНГУ-ын Эдийн Засгийн Хамтын Ажиллагаа, Хөгжлийн Яам(BMZ)-ны санхүүжилтээр Германы Олон улсын хамтын ажиллагааны нийгэмлэг (GIZ) НҮБ-ын Ази, Номхон Далайн Эдийн Засаг, Нийгмийн Хороо (UN ESCAP)-той хамтран “Азийн хотуудын нөөцийн цогц менежмент: хот байгуулалтын Nexus” төслийг хэрэгжүүлж байгаа ба төслийн хүрээнд бүс нутгийн 6 орны (Хятад, Индонези, Монгол, Филлипин, Тайланд, Вьетнам) 10 хотод техникийн туслалцаа үзүүлнэ. ө Төсөл нь хотуудын захиргаа, төлөвлөлт хариуцсан алба нэгжүүдийн нөөцийн цогц төлөвлөлт, менежментийн чадавхийг бэхжүүлэх, мөн боломжтой нөхцөлд Nexus санаачлагуудыг практикт нэвтрүүлэх, хэрэгжүүлэхэд техникийн зөвлөх үйлчилгээ үзүүлнэ. Түүнчлэн тухайн улс, нутгийн түвшинд хуримтлуулсан ололт, туршлагыг бүс нутгийн мэдлэг түгээх, хэлэлцүүлэг явуулах платформд суулган мэдлэгийн сан үүсгэж Азийн хотуудын үйл ажиллагаанд дэмжлэг үзүүлэх юм. ө Төслийн хүрээнд өнгөрсөн хугацаанд бүс нутгийн семинарыг гурван удаа зохион байгуулсан (2013 онд Taйландын Бангкок хотод хоёр удаа, 2014 онд Вьетнамын Да Нанг хотод нэг удаа) ба эдгээр семинарын хүрээнд Nexus-т хамааралтай технологийн өнөөгийн түвшин, хотуудын Nexus төслүүдийн явц, ахиц дэвшлийг танилцуулж хэлэлцүүлсэн. Түүнчлэн хотуудын төлөөлөлд хот байгуулалтын Nexus санаачлагуудыг дэмжих орчин нөхцлийг бий болгох талаар төр засгийн төлөөлөл болон холбогдох бусад талуудтай хэлэлцүүлэг өрнүүлэх боломж олгосон. ө Өмнө нь явагдсан семинаруудын үр дүнд тулгуурлан энэ удаагийн семинар дараах зорилтуудыг тавьж байна. Үүнд: ө
- Оролцогч хотуудын nexus төсөл арга хэмжээний төлөвлөлт, хэрэгжилтийн явцтай танилцах, тулгамдаж буй асуудал, туршлага, ололтоосоо хуваалцах.
- Оролцогч улс орнуудын nexus хандлагыг дэмжих бодлого, хөтөлбөрүүдтэй танилцах, nexus-ийн үүсгэл санаачлагыг хөгжүүлэхэд тустай үндэсний бодлого, түүний бүрэлдэхүүн хэсгүүдийг хэлэлцэх.
- Хот байгуулалтын nexus –ийн засаглалын цар хүрээ, тэр дундаа хотуудын Nexus Ажлын хэсгийн гүйцэтгэх үүрэг, хот төлөвлөлтийн үйл явцад тусган институтчилахад шаардагдах бусад арга хэрэгслүүдийг хэлэлцэх.
- Nexus төсөл арга хэмжээнүүдийг хэрэгжүүлэхэд тустай зөвшилцөл, төлөвлөлтийн явцад иргэдийн оролцоог бэхжүүлэх нөхцөл боломжуудыг эрэлхийлж хэлэлцүүлэх.
- Хот байгуулалтын nexus–ийн арга хэмжээнүүдийг шинээр гарч ирж буй Habitat III –ын хөтөлбөрт суулгах алхмууд, тэдгээрийг олон улсад өрнөж буй яриа хэлэлцээрт онцгойлон авч үзэх хэрэгцээ шаардлагуудыг тодорхойлох гэж Улаанбаатар хотын Захирагчийн ажлын албанаас мэдээллээ.
Замын–Үүдийн “Борхойнтал – тээвэрчдийн холбоо” ТББ –аас энэ пүрэв гаригт буюу арваннэгдүгээр сарын 6-наас хил хоорондын ачаа тээврийн хэрэгслийн хөдөлгөөнийг хугацаагүй зогсоох шийдэлд хүрчээ.
Хил хооронд ачаа тээвэрлэдэг жолооч нарын хөдөлгөөнийг зогсоох болсон талаараа МҮОНРТ-ийн олон нийтийн мэдээллийн төвд өнөөдөр 11.00 цагт мэдээллэх бөгөөд Хятад Улсын Эрээн хотын гааль, хорио цээрийн хашааны төлбөрийг бууруулах, мөн энэ төлбөрийг гаалийн бичиг бүрдүүлэлтийн мөнгөтэй нэгтгэж нэг цонхны үйлчилгээтэй болгон шийдвэрлэх, Эрээн хотод зам тээврийн осол, зөрчилд холбогдсон жолоочийн асуудлыг ажлын хэсгийн оролцоотой шийдвэрлэх, Боомтын зөвлөлд тээвэрчдийн төлөөллийг оролцуулах зэрэг шаардлага тавьж буй аж.
Өнгөрсөн сарын 24-нд манай улсын иргэн Б,Г,Ц тэргүүтэй 10-аад залуу соргог бөхөнгийн 162 эвэр аван Баянгол дүүргийн нутагт явж байхад нь байгаль хамгаалагчид саатуулсан байна. Соргог бөхөн нь олон улсын хэмжээнд “устаж болзошгүй”, Төв Азийн хэмжээнд “устаж байгаа” гэсэн ангилалд багтаж, “Улаан ном”-д орсон аж. Нэн ховорт тооцогдсон соргог бөхөнгийн 162 эвэр гэдэг нь 81 толгой гэсэн үг.
Харин манай улсын иргэд ОХУ-аас хууль бусаар хил давуулан оруулж ирж, өмнөд хөршийнхөнд худалдан борлуулах гэж байсан нь урьдчилсан байдлаар тогтоогдоод байгаа талаар Дүүргийн II прокурорын газрын эх сурвалж бидэнд мэдээлэв. Үүнээс үзэхэд Казахстан, ОХУ, Монгол Улс, БНХАУ-ыг дамжсан хулгайн анчид, эд эрхтний наймаа хийдэг томоохон сүлжээ байгаа бололтой. Дээрх хүмүүст Ан агнуурын тухай хууль тогтоомж, зөрчсөн, эд зүйл хууль бусаар хил нэвтрүүлсэн гэсэн үндэслэлээр Эрүүгийн хуулийн тусгай ангийн 203, 175 дугаар зүйлд зааснаар сэжигтнээр тооцон ШШГЕГ-ын харьяа Цагдан хорих 461 дүгээр ангид саатуулаад буй гэнэ.
Хэрэв дээрх сэжигтнүүдийн гэм буруутай нь шүүхээр тогтоогдвол 162 сая төгрөгийг гурав нугалж төлүүлэх, хөдөлмөрийн хөлсний доод хэмжээг 151-250 дахин нэмэгд үүлсэнтэй тэнцэх хэмжээний төгрөгөөр торгох юмуу, 3-5 жил хорих ял ногдуулах аж.
100 айл дахь барилгын материалын худалдааны төвүүд өнөөдрөөс эхлэн даваа гариг бүр амрахаар болжээ. Өнгөрөгч хугацаанд пүрэв гаригт амардаг байсан бөгөөд энэ өөрчлөлт байнга үргэлжлэх эсэх нь тодорхойгүй байгаа аж. Барилгын материалын төвийнхний хувьд даваа гаригт үйлчлүүлэгч хамгийн багатай өдөр гэж үзэж байгаа учраас уг шийдвэрийг дэмжиж буй гэнэ.
Нийслэлд үйл ажиллагаа явуулж буй хувийн хэвшлийн орон сууцны компаниудын ашиглаж буй хэмжих хэрэгслийн баталгаажуулалт, ашиглалтыг нийслэлийн Мэргэжлийн хяналтын газраас шалгажээ. Шалгалтад нийтийн аж ахуйн үйлчилгээний тусгай зөвшөөрөлтэй хувийн хэвшлийн 40 аж ахуйн нэгжийн харьяа ус, цахилгааны төлбөр тооцоог гүйцэтгэдэг 74 аж ахуйн нэгжийг хамруулсан аж. Ус сувгийн удирдах газартай усны төлбөр тооцоо хийдэг 194 аж ахуйн нэгж байдгийн 45 нь орон сууцны доторх цэвэр, бохир усны шугам сүлжээний ашиглалт, засвар үйлчилгээний тусгай зөвшөөрөл авсан байдаг аж.
Шалгалтад хамрагдсан аж ахуйн нэгжүүд баталгаажуулалтын хугацаа дууссан тоолуураар усны төлбөр тооцоо хийдэг, хэмжих хэрэгсэл суурилуулах тусгай зөвшөөрлийг Стандартчилал, хэмжил зүйн газраас аваагүй нийтлэг зөрчилтэй байжээ. Мөн зарим аж ахуйн нэгжүүд тусгай зөвшөөрөлгүйгээр цахилгааны төлбөр тооцоо гүйцэтгэдэг, айл өрхийн цахилгааны төлбөрийг аж ахуйн нэгжийн үнээр тооцдог байсан аж. Шалгалтаар 102 зөрчил илрүүлж, 61-ийг нь арилгуулж, усны 185 тоолуурыг баталгаажуулсан байна.
Сүүлийн жилүүдэд ” стресс” гэдэг үг их хэрэглэгдэх болсон билээ. Хүн бүр сэтгэл санааны хямралд орж, ингэсний дараа хэвийн байдалд орох гэж нэлээд зүдэрдэг. Тиймээс хэрвээ сэтгэл санаа хямрах бүрийд тайвшруулах эм уугаад байвал, үүндээ дасчихаж мэднэ. Би маш сайн үйлчилдэг аргаа та бүхэндээ хэлэх гэсэн юм.
Та гэнэт цухалдаад эхэлбэл, хоёр гараа дээш нь өргөж, дараа нь өвгөнд дээрээ огцом буулга. Хэд хэдэн удаа ингэхэд, зүв зүгээр болж, та дэмий санаа зовж, сэтгэл түгшихээ болино.
Энэ нь шинжлэх ухааны үндэстэй юм. Стресийн нөлөөгөөр хүмүүс мөрөө өргөж, шуугаа чангалдаг. Ингэснээр өнгөцхөн амьсгалж, улмаар цусанд очих стрессийн дааврыг ихэсгэдэг юм. Гараа өргөснөөр амьсгалаа гүн авч түргэн гаргадаг, ингэхэд цус хүчилтөрөгчөөр баяжиж, цухалдал арилгна. Эрүүл мэндэд тустай ийм хөдөлгөөнийг 15минут тутамд давтан хийж болно. Хийгээд үзээрэй.