Category: нийгэм

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

Дархан хотод томилолтоор ажиллаж байсан төрийн албан хаагчийг сайд зоджээ DNN.mn

Дарханд томилолтоор ажиллаж байсан төрийн албан хаагч тэнд ажиллаж байсан төрийн сайдтай уушийн газар санаандгүй тааралджээ. Сайд уг албан хаагчийг мэдсэн даруйдаа золбин нохой харсан мэт хөөсөн гэнэ. Албан хаагч ч сайдын хөөсөн даруйд гараад ухасхийсэнгүй. Бас ч гэж нэр нөлөө, нас цолоо бодсон ч тэгэх хэмжээний хүн биш гэнэ. Ингэж алгуурласан нь уг албан хаагчийг “бүдүүн хүзүү” гарган гарч яваагүй гэсэн хэрэгт унагажээ. Унагаад зогссонгүй бүүр сайдад хоёр ч удаа алгадуулж байж нэг юм салсан гэнэ. Салах ч юу байх вэ, сайдыг дагаж явсан хүмүүс салгажээ. Сайд тэнд хүмүүстэй уулзаж байсан юм байх. Түүнчлэн сайд уг албан хаагчийг ингэж зодчихоод сэтгэл нь ханаагүйгээр барахгүй “тэр сайдын” гэж уг зодуулсан төрийн албан хаагчийн харьяалах яамны сайдын нэрийг хэлээд “золбингууд энүүгээр дахиж үзэгдвэл ална” гэж уушийн газраар нэг орилон заналхийлжээ. Уг сайд МАН-ын нөлөө бүхий гишүүн сайд байсан нь ийм бардам, ихэрхүү байхад нөлөөлсөн аж. Нэг намын сайдууд байж ийм араншин гаргаж байгаа нь тэд хоорондоо дайсан мэт болжээ. тэр сайдын попрол нь ихдээд, энэ сайдынхаа дургүйг хүргэжээ гэж эх сурвалжууд таамаглаж байна.

Categories
мэдээ нийгэм цаг-үе

Цасан шуурга шуурч, говь, тал, хээрийн нутгаар салхи шуургатай байхыг анхааруулж байна DNN.mn

Малчид, иргэд, тариаланчид, тээвэрчдийн анхааралд: 18-нд баруун аймгуудын нутгаар, 19-нд нутгийн баруун хагаст, 20-нд ихэнх нутгаар нойтон цас, цас орж, цасан шуурга шуурч, говь, тал, хээрийн нутгаар салхи шуургатай байхыг анхааруулж байна.

2024 оны аравдугаар сарын 17-ны 08 цагаас 20 цаг хүртэл: Нутгийн баруун хагаст үүлэрхэг, бусад нутгаар солигдмол үүлтэй. Алтайн уулархаг нутгаар нойтон цас, цас орно. Бусад нутгаар хур тунадас орохгүй. Төв болон зүүн аймгуудын нутгаар баруун өмнөөс хойш эргэж, бусад нутгаар баруун хойноос секундэд 5-10 метр, нутгийн зүүн хэсгээр секундэд 15-17 метр хүрч ширүүснэ. Нутгийн хойд хэсгээр хүйтэрч Дархадын хотгор, Хөвсгөлийн уулархаг нутаг, Идэр, Ерөө, Тэрэлж голын хөндийгөөр 2 хэм хүйтнээс 3 хэм дулаан, Монгол-Алтай, Хангай, Хэнтийн уулархаг нутаг, Тэс, Эг-Үүр, Орхон, Сэлэнгэ, Хараа, Туул, Хэрлэн, Онон, Улз, Халх голын хөндийгөөр 3-8 хэм, говийн бүс нутгийн баруун өмнөд хэсгээр 15-20 хэм, бусад нутгаар 9-14 хэм дулаан байна.

УЛААНБААТАР ХОТ ОРЧМООР: Багавтар үүлтэй, хур тунадас орохгүй. Салхи баруун өмнөөс хойш эргэж секундэд 6-11 метр. 4-6 хэм дулаан байна.

БАГАНУУР ОРЧМООР: Багавтар үүлтэй, хур тунадас орохгүй. Салхи баруун өмнөөс хойш эргэж секундэд 7-12 метр. 5-7 хэм дулаан байна.

ТЭРЭЛЖ ОРЧМООР: Багавтар үүлтэй, хур тунадас орохгүй. Салхи баруун өмнөөс хойш эргэж секундэд 6-11 метр. 1-3 хэм дулаан байна.

Categories
мэдээ нийгэм цаг-үе

Нийтийн тээврийн 1126 автобус иргэдэд үйлчилж байна DNN.mn

2024 оны аравдугаар сарын 17-ны өдрийн 09:00 цагийн байдлаар нийтийн тээврийн 1126 автобус иргэдэд үйлчилж байна.

Categories
мэдээ нийгэм цаг-үе

Баруун 4 замын уулзвараас Нарны зам хүртэлх авто замын хөдөлгөөнийг нээлээ DNN.mn

Баруун 4 замын уулзвараас Нарны зам хүртэлх авто замыг шинэчилж, төлөвлөсөн хугацаанаас өмнө хөдөлгөөнийг нээлээ.

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

Д.Отгонжаргал: Такси үйлчилгээ явуулах зөвшөөрлийг зөвхөн ААН-д олгоно DNN.mn

Нийтийн тээврийн бодлогын газрын дарга Д.Отгонжаргалтай таксины зөвшөөрлийн талаар ярилцлаа.

-Өнөөдрийн байдлаар такси үйлчилгээ явуулах зөвшөөрлийг хэдэн иргэн, аж ахуйн нэгж /ААН/ авсан бэ. Таксины зөвшөөрөл олгох хугацаа нь үргэлжилж байгаа юу?

-Албан ёсоор такси үйлчилгээ эрхэлж байгаа таван ААН-ийн 251 тээврийн хэрэгсэл бүртгэлтэй байна. Зөвшөөрлийг шаардлагатай бичиг баримтуудаа бүрдүүлээд ирсэн тохиолдолд олгож байгаа. Манай улсад 1990 оноос хойш такси үйлчилгээ эрхэлдэг компаниуд бий болсон. Албан ёсны такси 2002 онд 3400 хүрч байсан гэсэн статистик мэдээлэл бий. Такси үйлчилгээ явуулдаг ААН-үүд албан ёсны шаардлагаа хангаагүйн улмаас хасагдсаар байгаад одоо 251 такси явдаг болсон байна. Иргэдэд хүртээмжтэй, техникийн бүрэн бүтэн байдлыг хангасан такси л шаардлагатай байгаа юм.

-Орон нутгийн ААН-үүд зөвшөөрөл авсан уу. Ямар таван ААН энэ зөвшөөрлийг авсан юм бэ?

-Одоогоор орон нутгаас ААН бүртгүүлээгүй. “Вип такси” ХХК, “Стар авто трэйд” ХХК, “ТБ сервис”, “Мөнх такси” ХХК, “Юбикаб бригада хоршоо” ХХК гэсэн таван компани бүртгүүлсэн.

-Ямар бичиг баримт бүрдүүлэх шаардлагатай вэ?

-Такси үйлчилгээ эрхлэхэд тавигдах ерөнхий шаардлагуудыг тусгасан 2013 онд баталсан стандарт бий. Тус стандартад зааснаар такси үйлчилгээ эрхлэгч байгууллагууд нь техникийн болон хүний нөөцийн чадавхтай байх ёстой. Дэлгэрүүлбэл, тухайн ААН мэргэшсэн боловсон хүчинтэй, татварын өргүй, засвар үйлчилгээ, угаалга хийх газартай, жолооч нь дүрэмт хувцастай, машин нь таних тэмдэгтэй, техникийн оношилгоонд хамрагдсан байх ёстой.

-Зөвшөөрөлтэй таксиг яаж таньж үйлчлүүлэх вэ?

-Зөвшөөрөлтэй такси нь өөрийн ААН-ийнхээ нэр хаягтай, такси гэсэн бичиглэлтэй байх ёстой.

-Километр тутмын үнийг нэгдсэн журмаар тогтоож өгсөн үү. Эсвэл ААН-үүд өөрсдөө тогтоох уу?

-Авто тээврийн тухай хуульд зааснаар тээвэрлэгч буюу ААН Нийтийн тээврийн бодлогын газартай харилцан тохиролцож үнийг нь тогтоодог. Одоо албан ёсны үнэ нь нэг километрийг 1500 төгрөгөөр тооцож бодогдоно.

-Зөвшөөрөлгүй таксиг яаж ирлүүлэх вэ. Хэрэв би хоёр найзыгаа ажлаас нь очиж аваад гэрт нь хүргэж өгвөл намайг торгох уу?

-Зөвшөөрөлгүй таксиг иргэд мэдээлж болно. Мөн хяналт шалгалтаар энэ зөрчлийг илрүүлнэ. Ноднин жилийн арванхоёрдугаар сарын 7-нд УИХ-аас тогтоол гаргасан байдаг. Тус тогтоолоор такси үйлчилгээ явуулах зөвшөөрлийг ААН-д олгож, иргэнд олгохгүй байхаар шийдвэрлэсэн. Хоёр найзыгаа хүргэж өгсөн тохиолдолд таныг торгох үндэс-лэл байхгүй. Яагаад гэвэл нийтийн тээврийн үйлчилгээ эрхлээгүй шүү дээ.

-Зөвшөөрөл авахын тулд 3-10 сая төгрөгийн тэмдэгтийн хураамж төлнө гэсэн шүү дээ. Яагаад ийм хэмжээний хураамж төлж байгаа юм бэ?

-Хот доторх, хот орчим гэх мэтээр зорчих чиглэлээсээ хамаарч хураамж нь өөр, өөр байх юм. Хэдэн төгрөгийн хураамж төлөхийг НИТХ-аас тогтоодог.

-Улс орнууд такси үйлчилгээгээ хэрхэн зохицуулж байна вэ. Олон улсын стандарт ямар байдаг вэ?

-Манай улс олон улсын жишгийг дагаж байгаа шүү дээ. Тусгай зөвшөөрөлтэй, төлбөр тооцооны хэрэгсэлтэй, таних тэмдэгтэй, зүүн талдаа жолооны хүрдтэй, зорчигч баруун талаар нь буух нөхцөлийг хангах зэрэг стандартын шаардлага байдаг. Японд жолооны хүрд нь баруун талдаа байх ёстой гэдэг шаардлага тавьдаг. Хууль дүрмийг бид мөрдөж, хэрэгжүүлэх ёстой шүү дээ. Яагаад буруу талдаа жолооны хүрдтэй таксигаар үйлчлээд, зорчигчийг замын зорчих хэсэг дээр буулгахыг хүмүүс зөвшөөрөөд байгаа юм бэ. Тиймээс зөв талдаа жолооны хүрдтэй такси үйлчилгээ нэвтрүүлэх ажлыг үе шаттайгаар хийнэ.

Ө.АНХЗАЯА

 

Categories
мэдээ нийгэм нүүр-хуудасны-онцлох онцлох-нийтлэл

ТОЙМ: Өдрийн сонинд Хямралын “нүхэн гарц” нийтлэл хэвлэгдлээ DNN.mn

“Өдрийн сонин”-ы пүрэв гаригийн дугаар хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Нийслэлийн Ардчилсан
намын дарга, НИТХ-ын төлөөлөгч Т.Батцогт “Надаас гадна АН-ын дарга Л.Гантөмөр, Ерөнхий нарийн бичгийн дарга Н.Ганибал нар хамтдаа хариуцлагаа хүлээж ажлаа өгөх ёстой” гэснийг “Улс төр” нүүрээс үргэлжүүлэн уншаарай.

Ц.Элбэгдоржийн өдрийн тэмдэглэл нийтлэгдлээ.

  • Ерөнхий сайд л.Оюун-эрдэнэ “Монгол улс шхаб-ын гишүүн орнуудтай харилцан ашигтай хамтын ажиллагаа хөгжүүлэхэд бэлэн байна” гэлээ.
  • Сонголт нэгэнт хийгдсэн, төлөөлөгчийн ажлаа л сайн хийх ганцхан даалгавар үлдлээ
  • Дархан хотод томилолтоор ажиллаж байсан төрийн албан хаагчийг сайд зоджээ

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Хямралын “нүхэн гарц”” нийтлэл хэвлэгдлээ

  • ЦЕГ-ын Урьдчилан сэргийлэх газрын Гэмт хэрэг, зөрчлөөс урьдчилан сэргийлэх хэлтсийн ахлах мэргэжилтэн, цагдаагийн хошууч  Б.Бадамхатан “Зөвхөн цагдаагийн дүрэмт хувцас нь гоё гээд энэ ажилд орвол хүнд хэцүү бэрхшээлийг давж чадахгүй” хэмээснийг “Өөрөөс нь” нүүрээс уншаарай.

ДЭЛХИЙН МЭДЭЭ: Марк Рютте: Путин юу гэж бодох нь хамаагүй зүйл

АРЫН НҮҮР: Алга дарам мэдэгдлээс чинь өөр зүйл хэрэгтэй байна, ЭМЯ-ныхаан

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы пүрэв гаригийн дугаараас уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://tsahim.dnn.mn/login

Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.

“Өдрийн сонин”-той холбоотой мэдээ мэдээллийг 1900-1987-гоос лавлана уу

 

“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Төрөлт 2023 онооc хойш 1.5-аар буурчээ DNN.mn

Улсын хэмжээнд 2024 оны эхний есдүгээр сард 43 116 эх амаржиж, 43 428 хүүхэд төрүүлсэн нь 2023 оны мөн үеийнхээс амаржсан эхийн тоо 5 616  буюу 11.5 хувь, төрсөн хүүхдийн тоо 5 605-аар цөөрсөн байна.  Мянган хүнд ногдох төрөлт 2023 оны мөн үетэй харьцуулахад 1.5-аар буурчээ. Улаанбаатар хот болон Баян-Өлгий, Увс, Орхон, Говьсүмбэр, Ховд, Дархан-Уул аймагт 1000 хүнд ногдох төрөлт улсын дунджаас 0.2-3.8-аар илүү бусад аймагт 0.3-6.6-аар доогуур гарчээ.

Энэ оны эхний есдүгээр сарын байдлаар нас баралт 13 219 болж 2023 оны мөн үеийнхээс 298-аар нэмэгджээ. Мянган хүнд ногдох төрөлт 12.5 хувь, нас баралт 3.8 хувь, ердийн цэвэр өсөлт 8.7 хувь байна.

Categories
мэдээ нийгэм

Нийслэлийн хэмжээнд зарлан дуудах мэдэгдлийн тараалт 72.2 хувьтай үргэлжилж байна DNN.mn

Нийслэлийн хэмжээнд хугацаат цэргийн албаны 2024 оны II ээлжийн цэрэг татлагыг аравдугаар сарын 18-20-ны өдрүүдэд зохион байгуулахаар болсон. Үүнтэй холбогдуулан Нийслэлийн цэрэг татлагын товчоо өнөөдөр хуралдлаа. Хуралдаанаар цэрэг татлагыг зохион байгуулах байранд ариутгал, халдваргүйжүүлэлтийг хийх, иргэдээс ирсэн өргөдөл, гомдлыг цаг тухай бүр хурдан хугацаанд шийдвэрлэх асуудлаар хэлэлцлээ. Мөн хуралдааны үеэр төрийн тусгай албан хаагчдын нэгдсэн эмнэлгээс цэрэг татлагад хамрагдах эрчүүдийн эрүүл мэндийн асуудал болоод цаашид анхаарах шаардлагатай зарим зүйлсийн талаар мэдээлэл хүргэлээ. Нийслэлийн хэмжээнд зарлан дуудах мэдэгдлийн тараалт 72.2 хувьтай үргэлжилж байна.

Энэ үеэр НЗДТГ-ын Цэргийн штабын дарга Г.Ялалт “Өмнө нь бид цэргийн төв дамжин дээр давтан үзэж дахин онош тавьдаг байсан. Энэ удаагийн цэрэг татлагаар дүүргүүдийн эрүүл мэндийн нэгдсэн үзлэгийн дараагаар шууд цэргийн ангид хүргэгдэхээр зохион байгуулж байна. Мөн хугацаат цэргийн албан хаагчдыг алба хаах хугацаанд нь боловсролтой болгох гэсэн томоохон зорилт тавьж англи хэл, компьютерын мэдлэгийг дээшлүүлэх зарим хичээлийг хөтөлбөртөө тусгаад буй” гэлээ.

Нийслэлийн есөн дүүрэг дэх цэрэг татлагын байрууд:

  • Баянгол дүүрэгт 96 дугаар сургууль
  • Баянзүрх дүүрэгт 14 дүгээр сургууль
  • Сонгинохайрхан дүүрэгт 83 дугаар сургууль
  • Хан-Уул дүүрэгт 34 дүгээр сургууль
  • Чингэлтэй дүүрэгт 5 дугаар сургууль
  • Сүхбаатар дүүрэгт 3 дугаар сургууль
  • Багануур дүүрэг Гүн галуутай цогцолбор сургууль
  • Налайх дүүрэг Политехник коллеж
  • Багахангай дүүрэг Хангай цогцолбор сургууль дээр тус тус цэрэг татлагыг зохион байгуулна.
Categories
мэдээ нийгэм

“Эрүүл хооллолт Эрүүл амьдрал” аян эхэллээ DNN.mn

Монгол Улсын засгийн газраас 2024 оныг Нийгмийн эрүүл мэндийг дэмжих жил болгон зарласан.  “Нийгмийн эрүүл мэндийн хуулыг дэмжих үйл ажиллагааны хүрээнд, Нийгмийн эрүүл мэндийн Үндэсний төвөөс “Эрүүл хоололт Эрүүл амьдрал” сэдэвт аяныг эхлүүллээ.

Уг аяны хүрээнд Нийслэлийн болон Орон нутгийн Эрүүл Мэндийн төвүүд, ЕБС-ын сургуулиудад сургалт зөвлөгөө өгч эхлээд байгаа юм.

НЭМҮТ-ийн Хүнсний аюулгүйн албаны ахлах ажилтан Ж.Баясгалан “Эрүүл зөв хооллолт нь хүний биед хэрэгтэй нүүрс, өөх тос, уураг, ус, эрдэс бодис гэх зүйлсийг зөв зохистой  хэмжээнд авах ёстой ойлголт. Иймээс идэж буй хоол хүнснийхээ орц найрлагыг мэдэж байх нь зүйн хэрэг юм. Тиймээс бид энэхүү аяныг хэрэгжүүлж байгаа” гэлээ.

Энэхүү аянд хамрагдсанаар бараа бүтээгдэхүүний шошго уншиж таних, зөв  зохистой хооллолтын тухай ойлголтыг авах юм. Аяны хүрээнд 600 орчим албан байгууллага хамрагдаад буй бөгөөд сургалт зөвлөгөө авахыг хүссэн байгууллагуудад нээлттэй сургалт явуулахад бэлэн хэмээн мэдэгдлээ.

 

А.Мөнхбаатар

Ц.Норовжамбал

Categories
мэдээ нийгэм цаг-үе

Өнөөдөр орой 2 байршилд авто зам хааж, шинэчилнэ DNN.mn

Өнөөдөр орой дараах 2 байршилд авто зам хааж, шинэчилнэ.

  • Кино үйлдвэрийн баруун талаас Доржийн гудамж хүртэлх авто замыг аравдугаар сарын 16-ны өдрийн 22:00 цагаас 19-ний өдрийн 06:00 цагийн хооронд хааж, шинэчилнэ.
  • Баянгол дүүрэг, Дилав хутагт Жамсранжавын гудамжны уулзвараас 25 дугаар эмийн сангийн уулзвар хүртэлх авто замыг аравдугаар сарын 16-ны өдрийн 23:00 цагаас 18-ны өдрийн 06:00 цагийн хооронд хааж, шинэчилнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.