Өмнөговь аймгийн удирдлагууд хоёрдугаар сарын 1 хүртэл уурхайн ажилчдыг нэвтрүүлэхгүй байх шийдвэр гаргалаа.
Тодруулбал Тавантолгой, Оюу толгой, Нарийн сухайтын бүлэг ордын уул уурхайн аж ахуй нэгж байгууллагын ажилчид, жолооч, иргэдийг хоёрдугаар сарын 1 хүртэл нэвтрүүлэхгүй байхаар аймгийн онцгой комиссын хурлаар шийдвэрлэжээ.
ВАШИНГТОН. /Worldometers/. Дэлхий дахинд “COVID-19” халдварын тохиолдлын тоо 84 сая 978 мянга давж, эдгэрсэн хүний тоо 60 сая 095 мянгад хүрлээ.
Ховд аймгийн Алтай сумын Засаг дарга захирамж гаргаж, Улаанбаатар хотод коронавирусийн халдвар авсан иргэний нэгдүгээр хавьтал тус суманд ирсэнтэй холбоотойгоор нэгдүгээр сарын 5-ныг хүртэл хязгаарлалт тогтоожээ.
.jpg)
Эрүүл мэндийн яамнаас коронавиурсийн халдварын нөхцөл байдлын талаар мэдээлж байна.
ХӨСҮТ-ийн Тандалт, судалгааны албаны дарга А.Амбасэлмаа “12-р сарын 31-ний өдөр 17764 хүнд PCR шинжилгээ хийхэд 5 хүнд коронавирус илэрлээ. Таван хүний нэг нь ХӨСҮТ-ийн сувилагч, хоёр нь Баянзүрх эмнэлгийн голомтын хавьтал, хоёр нь Мөнххада компанийн ажилтан байна.
Тус компанийн хоёр ажилтан хаанаас халдварласан нь тодорхойгүй бөгөөд тандалт судалгааг хийж байна. Өнөөдрийн байдлаар “Мөнххада” компанийн 114 хүнээс ойрын хавьтал 24 хүнийг тусгаарлан шинжилгээнд хамрууллаа.
Коронавирусийн дотоодын халдвар 740, Улаанбаатарт 410, улсын хэмжээнд 1220 боллоо. Үүнээс 837 буюу 68.6 хувь нь эдгэрлээ” гэв.
2020 оны 12 дугаар сарын 30-ны өдрийн 08:00 цаг хүртэлх өнгөрсөн 24 цагийн хугацаанд нийслэлийн есөн дүүрэгт зохион байгуулж буй байнгын үйл ажиллагаатай болон Баянзүрх дүүрэгт нэмэлтээр гаргасан нийт 25 шинжилгээний төв, тандалт, хариу арга хэмжээний 36 баг ажиллаж 11,635 хүнд коронавируст “Ковид-19” халдварын шинжилгээ хийжээ.
Нийслэлийн хэмжээнд коронавируст “Ковид-19” халдварыг илрүүлэх, тандах шинжилгээг 2020 оны 11 дүгээр сарын 14-ний өдрөөс эхлэн зохион байгуулж буй бөгөөд өнөөдрийн байдлаар нийт 357,426 хүнд шинжилгээ хийгээд байна гэж Нийслэлийн эрүүл мэндийн газраас мэдээллээ.
УОК-ын Шуурхай штабын дарга, Хурандаа Б.Ууганбаярын “Эцэг эх нь тусгаарлагдсан хүүхдүүдийг шаардлагатай бол хүүхэд хамгааллын төвд авна. Зүчи зочид буудалд тусгаарлагдсан гэр бүлийн 5 настай хүүхэд эцэг эхээ санаж байна, гэр бүлийн хараа хяналт суларч байна гэсэн гомдол ирсэн. Улсын хэмжээнд 3502 хүн гэрийн ажиглалтад шилжсэн бол өчигдрийн 170 иргэний 132 нь Эх нярай үндэсний II эмнэлгээс эмчлүүлж гарсан. Өнгөрсөн хугацаанд 87000 мянган тээврийн хэрэгслээр 3 сая тонн барааг улсын хилээр нэвтрүүлсэн. Цагдаагийн байгууллагын хяналт дор 5300 тээврийн хэрэгслээр хүнс тээвэрлэсэн бөгөөд үүний 1600 нь тир буюу том оврын ачааны машинаар хүнс тээвэрлэн нэвтрүүлсэн” гэлээ.
УИХ-ын гишүүн Б.Энхбаяр нарын 13 гишүүний өргөн мэдүүлсэн Шүүгчийн эрх зүйн байдлын тухай хуульд өөрчлөлт оруулах тухай, Прокурорын тухай хуульд өөрчлөлт оруулах тухай, Авлигын эсрэг хуульд өөрчлөлт оруулах тухай хуулийн төслүүдийн хэлэлцэх эсэхийг Хууль зүйн байнгын хорооны хуралдаанаар хэлэлцлээ.
Уг хуулийн төсөлд ҮАБЗ-ийн зөвлөмжөөр шүүгчдийг албан тушаалаас нь түдгэлзүүлэх, Ерөнхий шүүгчдийн огцруулах, УЕП, түүний орлогчийн бүрэн эрхийг дуусгавар болгох, АТГ-ын дарга, дэд даргын бүрэн эрхийг түдгэлзүүлэх заалтыг хүчингүй болгохоор тусгасан байна.
Хууль санаачлагчдын зүгээс уг өөрчлөлтийг оруулснаар шүүгч, шүүх эрх мэдлийн байгууллагын удирдлага хууль тогтоох болон гүйцэтгэх эрх мэдлийн байгууллагаас хараат бусаар шударга ажиллах, хариуцлагын тэнцвэрт байдлыг хадгалах эрх зүйн орчин бүрдүүлэх, Монгол Улсын Үндсэн хуульд оруулсан нэмэлт, өөрчлөлтөд нийцсэн шүүхийн багц хуулийн 2020 онд багтаан хэлэлцэн батлах үндсэн суурь тавигдана гэж үзжээ.
Ийнхүү байнгын хорооны гишүүдийн олонхын саналаар уг хуулийн төслийг хэлэлцэхийг дэмжлээ.
Эх, хүүхдийн эрүүл мэндийн үндэсний төвд өчигдөр дөрвөн ихэр хүүхэд мэндэлсэн.
Ихрүүд эрүүл саруул төржээ. 1.7 кг жинтэй төрсөн хүүгийн бие тааруу байгаа учраас тусгаарлан эрчимтэй эмчилгээ хийж эхэлжээ. Ээжийнх нь бие сайн байгаа гэнэ.
Гурван хүү, нэг охины аав Баттулга Сэлэнгэ аймгийн Мандал сумын уугуул, Ерөө сумын цагдаа аж. Ихрүүдийн эгч нь ой долоон сартай. Үндэсний статистикийн хорооны Хүн ам, орон сууцны тооллогын товчооны дарга А.Амарбал “Дөрвөн ихэр хүүхэд амьд төрж, бүртгүүлсэн тохиолдол үгүй. Монгол Улс анх удаа дөрвөн ихэр хүүхэд бүртгэлээ” гэв. Ихрүүдийг хэсэг хугацаанд эмнэлгийн хяналтад эмчилнэ. Цаашид гэртээ гарах, улсын асрамжид оруулах талаар ярилцах юм байна.
Эмэгтэй хүнийг зодож, амь биед нь аюултайгаар дээрэмдсэн гэмт хэргийг цагдаагийн алба хаагчид шуурхай ажиллаж 6 цагийн дотор илрүүлэн дайчлан баривчиллаа.
Тодруулбал “2019 оны 1 дүгээр сарын 19-ны өдөр 17 цаг 25 минутад БГД-ийн 6 хороо Сити 18 дугаар байр “Гэрлүүгээ манай охин орох гэж байгаад эрэгтэй хүнд зодуулж дээрэмдүүлсэн байна” гэсэн дуудлага мэдээллийг хохирогчийн аав өгчээ. Тус дуудлага мэдээллийн дагуу харьяа дүүргийн цагдаагийн хэлтэс материалжуулан ажиллаж Нийслэлийн цагдаагийн газрын Мөрдөн шалгах газрын Хүнд гэмт хэрэгтэй тэмцэх хэлтсийн эрүүгийн тасгийн алба хаагчид уг гэмт хэргийг үйлдсэн байж болзошгүй эрэгтэй 29 настай, Б-г Баянгол дүүргийн нутаг дэвсгэрээс 22 цаг 25 минутад дайчлан баривчиллаа. Сэжигтэн Б нь урьд өмнө буюу 2016 онд “дээрэмдэх” гэмт хэргээр ял шийтгэл эдэлж байсан байна.
Ирэх оны Улсын төсвийн урсгал зарлагад хийх шинэчлэлүүдийг танилцуулвал, цахим бүртгэл хяналтын талаар төрийн албан хаагчдын орон тоо, цалингийн нэгдсэн цахим систем, Эрүүл мэндийн даатгалын санд мөн цахим систем нэвтрүүлэхээр болоод байна.
Мөн төрийн мэдээлэл солилцооны ХУР системээр үзүүлэх үйлчилгээний тоог нэмэгдүүлэхээр болжээ. Хэрэглээний зардлын хэмнэлтийн тухайд төрйн захиргааны байр ашиглалтын зардлыг бодит хэрэглээгээр төлөвлөх, тоолууртай болгох, шатахууны зардлын зохистой хэрэглээг хэвшүүлж, ухаалаг систем нэвтрүүлэхээр болжээ. Байгууллагын үйл ажиллагааны зардлын тэлэлтийг хязгаарлаж технологи нэвтрүүлж ашиглана гэсэн байна.
Ижил сургууль, цэцэрлэгт харилцан адилгүй төсөв хуваарилдаг байдлыг арилгаж санхүүжилтийг ил тод болгоно гэсэн байна.
Эрүүл мэнд, боловсролын салбарт сум, өрхийн эмнэлэгт ЭМД-ын сангаас санхүүжилт олгож, Улсын 2-р төв эмнэлэг, ХСҮТ-ийг бие даалгаж хүрэх үр дүнгээр нь тооцон санхүүжүүлэхээр болжээ Эрүүл мэндийн салбарын санхүүжилтийг төр, хувийн хэвшлийн эмнэлгүүдэд үе шаттайгаар ялгаваргүй олгохоор төлөвлөжээ. Боловсролын салбарт багшийн үр дүнгийн урамшууллыг элсэлтийн ерөнхий шалгалт болон анги дэвших шалгалтын үнэлгээтэй уялдуулан олгохоор ирэх оны төсөвт төлөвлөөд байна. Ижил сургууль, цэцэрлэгт харилцан адилгүй төсөв хуваарилдаг байдлыг арилгаж санхүүжилтийг ил тод болгоно гэсэн байна.