Гэр ахуйн хэрэглэл, цахилгаан барааны үйлдвэрлэлээрээ тэргүүлэгч LG компанийнхан энэ жил зурагтны түүхэнд шинэ хувьсал хийлээ. Тус компанийн мэргэжилтнүүд хоёр талдаа дэлгэцтэй ухаалаг зурагт зохион бүтээжээ.
Энэхүү бүтээл нь хоёр өөр дэлгэцтэй төдийгүй хоёр дэлгэцээрээ өөр өөр дуу дүрсийг дамжуулах боломжтой юм.
Одоогоор зурагтыг худалдаанд гаргаагүй, туршилтын журмаар л танилцуулж байгаа аж. Зохион бүтээгчид шинэ бүтээлээ 111 инч болон илүү бага оврын 55 инч, 5.3 мм зузаантай хоёр хэмжээгээр гаргажээ.
Түүнчлэн тус зурагтын дэлгэцийг хамгийн сүүлийн үеийн OLED буюу органик LED технологиор хийсэн байна. Энэ нь бидний өдөр тутамдаа харж, ашиглаж байдаг плазм, шингэн кристалл дэлгэцийн дараагийн шатны технологи юм.
“Хоёр дэлгэцтэй зурагт нь бизнес эрхлэгчдэд хэр их ашиг авчрахыг бид таамаглаж чадахгүй. Гэхдээ олон дэвшилттэй боломж болон сайн үр дүн авчирна гэдэгт эргэлзэхгүй байна” хэмээн зохион бүтээгчдийн нэг доктор Жин В.Танг мэдэгджээ.
Э.НОМИН
Москва хотын ВДНХ үзэсгэлэнгийн цогцолборт робот зохион бүтээгчид, IT инженерүүд, программ хөгжүүлэгчид хүүхэд багачуудад зориулан орчин үеийн технологийн шийдэл, програм хангамжийн үзэсгэлэн, сурталт сурталчилгаа зохион байгуулж байна. Хүүхэд багачуудад шинэ үеийн техник технологи, тэр дундаа хиймэл оюун ухаан бүхий робот танилцуулах эл үзэсгэлэнд өнөөгийн робот-техникийн ололт амжилтыг дэлгэн харуулаад зогсохгүй “хиймэл оюун ухаан” хэмээн нэрийдэх болсон программчлагдсан оюун ухааны дээд хязгаарыг харах боломж олгож байгаа аж.
Технологийн гайхамшгийг өөртөө бүрэн нэгтгэж чадсан анхны нумарсан дэлгэц бүхий “Samsung Galaxy S6 Edge” утсыг борлуулах эрхийг Юнител групп авсан бөгөөд өнөөдөр албан ёсны танилцуулгыг нь хийлээ. Ийнхүү тус гар утасны давуу талуудыг хүргэж байна.
Английн “Daily Telegraph” сонинд “Дүрвэгсдийн амьдрал, эмгэнэлийг харуулах аймшигт дүр зураг” гэсэн тайлбартайгаар уг зураг хэвлэгджээ. Тус зургийг “Dogan” хэмээх байгууллага авсан байна. Зурагт буй талийгаач бяцхан хүү бол Грекийн Кос арлыг чиглэн явж байгаад Туркийн эрэгт живсэн цагаачдын завинд сууж явсан Сири иргэдийн нэг аж. Туркийн эрэгт живсэн энэ онгоцны зорчигчдоос 12 хүн нас барсаны тав нь хүүхэд, нэг нь эмэгтэй хүн байсан гэнэ.Энэ талаар “Independent” сонинд “Сири хүүхдүүдийн цогцсыг харуулсан энэ гашуудам зургийг авснаар Европ дүрвэгсдэд хандсан бодлогоо өөрчлөх болов уу” гэсэн бол “Huffington Post” сонинд “Юу болох нь энэ вэ? Дэвид Камерон” хэмээх гарчигтайгаар нийтэлж, улс оронг нь зорин ирэх цагаачдын эсрэг хатуу бодлого баримталж буй Их Британийн Ерөнхий сайд Дэвид Камероныг шүүмжилжээ.
Болгарын ерөнхий сайд Бойко Борисовын зорчиж явсан онгоц ослын буулт хийжээ.
Катарт төвтэй “Аль-Жазира” телевизийн гурван сэтгүүлчид Египетийн шүүх 3-3.5 жилийн ял оноожээ. Учир нь тус сэтгүүлчдийг Египетийн нэр хүндэд сөргөөр нөлөөлсөн мэдээ бэлтгэсэн хэмээн ийн ял оноожээ. Тэд 2013 онд Ерөнхийлөгч Мухамед Мурсиг цэргийн эргэлтээр түлхэн унагаасан талаар мэдээлсэн байна. Түүнчлэн Египетийн Засгийн газар хэвлэл, мэдээллийн хэрэгслүүдэд тавих хяналтаа чангатгаж байгаа аж. Саяхан гаргасан шинэ хуульд зааснаар террорист халдлагуудын талаарх албан ёсны мэдээлэлтэй харшилсан мэдээ гаргасан сэтгүүлчдэд их хэмжээний мөнгөн торгууль ногдуулах талаарч заасан байна.
АНУ-ын Виржиня мужийн телевизийн хоёр сэтгүүлчийг буудан хөнөөжээ. Хохирогчид WDBJ7 телевизийн сурвалжлагч Алисон Паркер, зураглаач Адам Вард нар байсан аж. Сэтгүүлчдийг өмнө нь WDBJ7 телевизэд ажилладаг байсан 41 настай Вестер Ли Фланаган үйлдсэн байна. Тэрээр хэргийн газраас зугатаах үедээ баригдсан бөгөөд энэ үеэр өөрийгөө бууджээ. Тэр даруйдаа эмнэлэгт хүргэгдсэн боловч шархаа даалгүй өөд болжээ. Энэхүү хэргийг өш хонзонгийн сэдэлтэй байж магадгүй хэмээн цагдаагийнхан үзэж байгаа аж. Хэргийн дараа Цагаан ордон Конгрессыг бууны хяналтын хуулийг батлахыг шаардсан албан бичиг хүргүүлжээ.