Category: эдийн-засаг

Нийгмийн халамжийн тэтгэвэр, тэтгэмж, тусламж, үйлчилгээ, хөнгөлөлтөд 1.6 их наяд төгрөг олгожээ DNN.mn

Монгол Улсын нийгэм, эдийн засгийн 2023 оны эхний есөн сарын үзүүлэлтийг ҮСХ-ны Хамтын ажиллагаа, арга зүйн хэлтсийн дарга С.Норов танилцууллаа.

Тэрбээр “2023 оны эхний есөн сард нийгмийн халамж, үйлчилгээнд хамрагдагчид 2,509,170 хүн болж, өмнөх оны мөн үеэс 5.3 мянган хүнээр буюу 0.2 хувиар өсжээ. Үүнд

Хүүхдийн мөнгөн тэтгэмж -51.5%
Эх олон хүүхэдтэй өрх толгойлсон эх, эцгийн тэтгэмж – 9.6%
Нийгмийн халамжийн тэтгэвэр, тэтгэмж үйлчилгээ 11.8%
Бусад 27.1%-ийг эзэлж байна.

Нийгмийн халамжийн тэтгэвэр, тэтгэмж, тусламж, үйлчилгээ, хөнгөлөлтөд 2023 оны эхний есөн сард нийт 1.6 их наяд төгрөг олгожээ” гэв.

Гадаад худалдааны бараа эргэлтийн хэмжээ 18.1 хувиар өсчээ DNN.mn

Post author By Админ
Post date 2023-10-17
No Comments on Гадаад худалдааны бараа эргэлтийн хэмжээ 18.1 хувиар өсчээ DNN.mn

Гадаад худалдааны бараа эргэлтийн хэмжээ 2023 оны эхний 9 сард 18.1 тэрбум ам.доллар болж, өмнөх оны мөн үеэс 2.8 тэрбум ам.доллар буюу 18.1 хувиар өссөн байна.

-Экспорт 11.3 тэрбум ам.доллар болж, өмнөх оны мөн үеэс 26.6 хувиар,
-Импорт 6.8 тэрбум ам.доллар болж, өмнөх оны мөн үеэс 6.3 хувиар тус тус өссөн байна.

Манай улс БНХАУ-тай 2023 оны эхний 9 сард 13.0 тэрбум америк долларын худалдааг хийжээ. Энэ нь гадаад худалдааны нийт бараа эргэлтийн 72.3 хувийг эзэлж байна гэж Үндэсний Статистикийн Хорооноос мэдээллээ.

мэдээ цаг-үе эдийн-засаг

Oрон сууцны үнэ 9.3 хувиар өсчээ DNN.mn

Post author By Админ
Post date 2023-10-16
1 Comment on Oрон сууцны үнэ 9.3 хувиар өсчээ DNN.mn

Улаанбаатар хотын орон сууцны үнэ 2023 оны 9 дүгээр сард өмнөх оны мөн үеэс 9.3 хувиар, өмнөх сараас 1.9 хувиар тус тус өсжээ.

-Шинэ орон сууцны 1 м.кв талбайн дундаж үнэ – 3.85 сая төгрөг,
-Хуучин орон сууцны 1 м.кв талбайн дундаж үнэ -3.44 сая төгрөг байна.

Шинэ орон сууцны үнэ 1 м.кв талбайн дундаж үнэ Хан-Уул дүүрэгт хамгийн өндөр буюу 4.12 сая төгрөг байгаа бол хуучин орон сууцны хувьд Чингэлтэй дүүрэгт хамгийн өндөр буюу 4.21 сая төгрөг байна гэж Үндэсний Статистикийн Хорооноос мэдээллээ.

мэдээ цаг-үе эдийн-засаг

Улсын нэгдсэн төсвийн орлого 17.7 их наяд төгрөг болжээ DNN.mn

Post author By Админ
Post date 2023-10-16
No Comments on Улсын нэгдсэн төсвийн орлого 17.7 их наяд төгрөг болжээ DNN.mn

Улсын нэгдсэн төсвийн орлого, тусламжийн нийт хэмжээ 2023 оны эхний 9 сарын урьдчилсан гүйцэтгэлээр 17.7 их наяд төгрөг болж, өмнөх оны мөн үеэс 5.1 их наяд төгрөг буюу 40.7 хувиар өсчээ.

Харин тэнцвэржүүлсэн орлого 16.9 их наяд төгрөг болж, өмнөх оны мөн үеэс 5.4 их наяд төгрөг буюу 46.9 хувиар өссөн байна.

Улсын нэгдсэн төсвийн нийт зарлага, эргэж төлөгдөх цэвэр зээлийн нийт хэмжээ 14.7 их наяд төгрөг болж, тэнцвэржүүлсэн тэнцэл 2.2 их наяд төгрөгийн ашигтай гарлаа.

Дэлгэрэнгүй мэдээллийг https://tinyurl.com/wdyxm63s холбоосоор хандаж аваарай.

мэдээ эдийн-засаг

Татварын орлого өмнөх оныхоос таван их наяд төгрөгөөр өсчээ DNN.mn

Post author By Админ
Post date 2023-10-16
No Comments on Татварын орлого өмнөх оныхоос таван их наяд төгрөгөөр өсчээ DNN.mn

Татварын нийт орлого энэ оны эхний есөн сарын урьдчилсан гүйцэтгэлээр 16 их наяд төгрөгт хүрч, өмнөх оны мөн үеэс 5.2 их наяд төгрөгөөр өсжээ.

Орлогын албан татварын орлого 1.9 (80%) их наяд төгрөг,
Нийгмийн даатгалын орлого 629.3 (30%) тэрбум төгрөг,
Нэмэгдсэн өртгийн албан татвар 562.9 (20%) тэрбум төгрөгөөр тус тус өссөн нь голлон нөлөөлжээ. Харин онцгой албан татвар 77 тэрбум төгрөгөөр буурчээ.

Татварын нийт орлогод энэ оны эхний есөн сарын байдлаар

Орлогын албан татварын эзлэх хувь өмнөх оны мөн үеэс 4.9 нэгж хувиар,
Бусад татвар, төлбөр, хураамжийн орлогынх 7.4 нэгж хувиар тус тус өсөж,

Харин

Нэмэгдсэн өртгийн албан татварынх 5.1 нэгж хувиар,
Онцгой албан татварын орлогынх 2.6 нэгж хувиар,
Нийгмийн даатгалын орлогынх 2.5 нэгж хувиар,
Гадаад үйл ажиллагааны орлогынх 2.1 нэгж хувиар тус тус буурсан байна.

мэдээ цаг-үе эдийн-засаг

Шинэ орон сууцны үнэ Хан-Уул дүүрэгт хамгийн өндөр буюу 4.12 сая төгрөг байна DNN.mn

Өнгөрсөн сард нийслэл дэх орон сууцны дундаж үнэ өмнөх оны мөн үеэс 9.3 хувиар өсчээ.

Харин өмнөх сараас 1.9 хувиар нэмэгдсэн нь үнийн өсөлтийн хурд эрчимжсэн үзүүлэлт болж байна. Түүнчлэн шинэ орон сууцны нэг м.кв талбайн дундаж үнэ Хан-Уул дүүрэгт хамгийн өндөр буюу 4.12 сая төгрөг байгаа бол хуучин орон сууцных Сонгинохайрхан дүүрэгт хамгийн хямд буюу 2.57 сая төгрөг байгаа юм.

Тайлант хугацаанд шинэ орон сууцны үнийн жилийн өсөлт 11 хувь, хуучин орон сууцных 7.4 хувьтай гарчээ.

мэдээ эдийн-засаг

“Өнгөрсөн жилийн инфляцийн 14-15 хувийн өсөлтөд махны үнэ голлон нөлөөлсөн” гэв DNN.mn

Өчигдрийн УИХ-ын чуулганы нэгдсэн хуралдаанаар Хүнс, хөдөө аж ахуй, хөнгөн үйлдвэрийн сайдад тавьсан Малчдын өмнө тулгамдаж буй асуудлын талаарх асуулгын хариуг сонссон юм.

Энэ талаар Улсын Их Хурлын гишүүн, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд Х.Болорчулуун мэдээлэл хийв. Тэрбээр “Мал аж ахуйн салбараас жилд дунджаар 500.0-600.0 мянган тонн мах, 15.0-20.0 сая ширхэг арьс шир, 33.0-35.0 мянган тонн ноос, 10.1 мянган тонн ноолуур, 750.0-850.0 сая литр сүү, 225.0-250.0 сая ширхэг өндөг үйлдвэрлэн 2022 оны байдлаар дотоодын нийт бүтээгдэхүүний 12.6 хувийг, нийт экспортын 5.6 хувийг бүрдүүлсэн” талаар онцлов.

УИХ-ын гишүүн Ц.САНДАГ-ОЧИР “21 аймаг, есөн дүүргийн хэмжээнд зоорины асуудал үүссээр байна. Өнгөрсөн жилийн инфляцийн 14-15 хувийн өсөлтөд махны үнэ голлон нөлөө үзүүлсэн. Яагаад гэхээр орон нутаг зоорьгүйгээс болоод хавар мах, ногоо үнэд ордог. Хэрэв зоорьтой бол хямд үнэтэй мах, төмс хүнсний ногоо идэх боломжтой. Мөн нийслэлийн сургууль, цэцэрлэгт зоорины асуудал тулгамдаж байна. Гэх мэтчилэн маш олон талын ач холбогдолтой учир онцгой анхаарал хандуулахыг хүсч байна” гэлээ.

гадаад мэдээ нийгэм эдийн-засаг

Аргентины төв банк бодлогын хүүгээ 133 хувь болгож нэмэгдүүллээ DNN.mn

Post author By Админ
Post date 2023-10-13
No Comments on Аргентины төв банк бодлогын хүүгээ 133 хувь болгож нэмэгдүүллээ DNN.mn

Аргентин улсад инфляцын томоохон асуудал үүсээд байгаа билээ. Тэгвэл тус улсын төв банк ерөнхийлөгчийн сонгууль болохоос 10 өдрийн өмнө буюу пүрэв гарагт /2023.10.12/ бодлогын хүүгээ 118 хувиас 133 хувь болгож нэмэгдүүлжээ.

Есдүгээр сарын инфляцын түвшин танилцуулагдсаны дараа төв банк бодлогын хүүг нэмэх шийдвэр гаргасан байна. Тус улсад инфляцын түвшин есдүгээр сард өмнөх сартай харьцуулахад 12.7 хувь, өмнөх жилийн есдүгээр сартай харьцуулахад 138 хувь болсон аж.

Цаг ирэх тутам бараа бүтээгдэхүүний үнэ нэмэгдэж байгаа нь Аргентинд амьдарч буй таван хүн тутмын хоёрыг нь ядуурлын түвшин рүү түлхжээ. Тус улсын төв банк пүрэв гарагийн орой /2023.10.12/ эдийн засагчдаас санал асуулга авч инфляцын түвшин энэ жилийн төгсгөл гэхэд өмнөх жилтэй харьцуулахад 180 хувь болно гэж судлаачид таамаглаж буй мэдээлсэн байна.

Зарим шинжээчид төв банкны бодлогын хүүгээ нэмэх шийдвэрийг хэтэрхий оройтож гаргалаа гэж үзэж байгаа юм. Тухайлбал нэрээ нууцлахыг хүссэн хувийн банкны менежер “Одоо бодлогын хүүгээ өсгөөд нэмэргүй. Хүүгээ өсгөлөө гээд песог ам.доллароор их хэмжээгээр сольж байгаа явдал зогсгохгүй” гэжээ.

мэдээ цаг-үе эдийн-засаг

ГЕГ: Он гарснаас хойш экспорт 26.6 хувиар өсчээ DNN.mn

Post author By Админ
Post date 2023-10-13
No Comments on ГЕГ: Он гарснаас хойш экспорт 26.6 хувиар өсчээ DNN.mn

Он гарснаас хойш буюу 2023 оны эхний 9 сарын дүнгээр Монгол Улс экспортод 11296.2 сая ам.долларын бараа, түүхий эд гаргасан нь өнгөрсөн оны мөн үетэй харьцуулахад 26.6 хувиар өссөн байна.

Экспортод нийлүүлсэн барааны 98.7 хувийг валютын төлбөртэй худалдаа эзэлж байна

Экспортын барааны нийт дүнд эрдэс бүтээгдэхүүн 9730.8 сая ам.доллар буюу 86.1 хувь; сувд, үнэт ба хагас үнэт чулуу, үнэт металл, гоёлын зүйлс, зоос 581.2 сая ам.доллар буюу 5.1 хувь; нэхмэлийн материал болон нэхмэл эдлэл 367.8 сая ам. доллар буюу 3.3 хувийг тус тус эзэлж эдгээр нь нийт экспортын дүнгийн 94.5 хувийг эзэлж байна

Монгол Улс дэлхийн 76 оронд бараа экспортлосноос БНХАУ-д 91.0 хувь, Швейцар-т 4.5 хувь, БНСУ-д 1.2 хувь тус тус ногдож нийт экспортын 96.6 хувийг дээрх орнууд эзэлж байна гэж ГЕГ-аас мэдээллээ.