2024 оны 2 дугаар сарын байдлаар Улаанбаатар хотод орон сууцны үнэ өмнөх оны мөн үеэс 11.0 хувиар, өмнөх сараас 1.8 хувиар өссөн байна.
Шинэ орон сууцны 1 метр квадрат талбайн дундаж үнэ 3.99 сая төгрөг харин хуучин орон сууцны 1 метр квадрат талбайн дундаж үнэ 3.78 сая төгрөг байна.
Дэлгэрэнгүй мэдээллийг энд дарж авна уу.
Ирэх дөрөвдүгээр сарын 1-нээс төрийн албан хаагчдын цалин 10 хувиар нэмэгдэх бол нийтлэг үйлчилгээний ажиллагсдын цалин 20 хувиар нэмэгдэх юм. Үүнд нийтдээ 225.2 мянган хүн хамрагдана.
Энэ талаарх журам өнгөрөгч долоо хоногийн Засгийн газрын хуралдаанаар батлагдсан. Ингэхдээ нэр заасан сумдууд болон Багахангай, Багануур, Налайх дүүрэгт ажиллаж байгаа төрийн захиргааны албан хаагч, багш, эмч, цагдаа онцгой байдал, шүүхийн шийдвэр гүйцэтгэх байгууллагын алба хаагч, цэргийн офицер ахлагчид таван жилд нэг удаа зургаан сарын үндсэн цалинтай дүйцэхүйц хэмжээний мөнгөн урамшууллыг олгохоор болжээ. Хөдөөгийн суманд ажиллаж байгаа төрийн захиргаа, үйлчилгээ, улс төрийн албан хаагчдад сар бүр үндсэн цалинг 40 хувиар, харин аймгийн төвийн сум болон нийслэлийн алслагдсан гурван дүүрэгт ажилласан төрийн албан хаагчдад 20 хувийн цалингийн нэмэгдлийг олгохоор зохицуулжээ.
Өмнө зөвхөн төрийн захиргааны албан хаагчид орон нутагт ажиллагсдын цалингийн нэмэгдлийг авдаг байсан бол дөрөвдүгээр сарын 1-нээс хэвтээ, босоо томилгооноос үл хамааран төрийн захиргааны албан хаагчдад мөн нийтлэг үйлчилгээний болон улс төрийн алба хаагчид авахаар байгаа юм. Ирэх сарын 1-нээс нягтлан бодогчдын цалингийн сүлжээг TY мэргэжлийн гэсэн шинэ ангилалд оруулах аж.
2024 оны I-II сард Монгол Улс 10.6 сая тонн чулуун нүүрс экспортолжээ
Монгол Улс 10.6 сая тонн чулуун нүүрс экспортолсон нь өмнөх оны мөн үетэй харьцуулахад 35.5 хувиар өссөн үзүүлэлт болсныг Гаалийн ерөнхий газар мэдээлж байна. Ийнхүү нүүрсний экспортоос 1.3 тэрбум ам.долларын орлого төвлөрүүлээд байгаа аж.
Төмрийн хүдрийн экспорт 1.1 сая тонн болж, өмнөх оны мөн үеэс 35.3 хувиар өссөн үзүүлэлттэй байна. Харин зэсийн баяжмалын экспорт 2023 оны мөн үеэс 16.1 хувиар өсөж, 445.2 сая ам.долларын орлого олоод байгааг Гаалийн ерөнхий газар тодотголоо. 2024 оны эхний хоёр сард төмрийн хүдэр, зэс болон цайрын баяжмал, чулуун нүүрсийг 100 хувь БНХАУ-д экспортолжээ.
2023 онд Монгол Улсын нүүрсний экспорт түүхэн дээд түвшин буюу 70 сая тонн дөхөөд байсан юм.
Монголбанкнаас мэдээлснээр манай гадаад валютын албан нөөц 4.9 тэрбум ам.долларт хүрсэн байна.
2021 оны дөрөвдүгээр сард гадаад валютын нөөц 4.8 тэрбум ам.долларт хүрсэн ч үүнээс хойш буурсан юм. Монголбанк нь эзэмшин, удирдаж байгаа гадаад валютын улсын нөөцийн гадаад төлбөрийг түргэн гүйцэтгэх чадвар, найдвартай байдлыг хангах үүрэг хүлээдэг. Монголбанк дахь гадаад валютын улсын нөөц нь дараах төрлийн активаас бүрдэнэ:
Оны эхний хоёр сард манай улсын гадаад худалдааны нийт бараа эргэлт 3.8 тэрбум ам.доллар болжээ.
Энэ нь 2023 оны мөн үеэс 394.5 сая ам.доллар буюу 11.5 хувиар өссөн үзүүлэлт аж. Экспортын дүн импортын дүнгээс 644.4 сая ам.доллароор давж, гадаад худалдааны баланс эерэг гарсан байна.
Экспортод 2.2 тэрбум ам.долларын бараа, түүхий эд гаргасан нь өнгөрсөн оны мөн үетэй харьцуулахад 0.1 хувиар буурчээ.
2024 оны эхний хоёр сард экспортолсон
Улаанбаатар хотод орон сууцны үнэ энэ оны нэгдүгээр сарын байдлаар өмнөх оны мөн үеийнхээс 9.3, өмнөх сарынхаас 1.4 хувиар нэмэгджээ.
Шинэ орон сууцны нэг метр квадрат талбайн дундаж үнэ нэгдүгээр сард 3.91 сая төгрөг болж, Хан-Уул дүүрэгт хамгийн их буюу 4.20 сая төгрөгийн үнэтэй байв.
Харин хуучин орон сууцны нэг метр квадрат талбайн дундаж үнэ өнгөрсөн сард 3.79 сая төгрөг болж, Сүхбаатар дүүрэгт хамгийн их буюу 4.45 сая төгрөгийн үнэтэй байсныг Үндэсний статистикийн хороо мэдээллээ.
Brent маркийн газрын тосны нэг баррелийн үнэ сүүлийн нэг сард анх удаа 84 ам.долларыг давжээ.
Лондонгийн ICE биржийн мэдээллээр, Brent маркийн газрын тосны тавдугаар сарын фючерс үнэ нэг баррель нь 84.08 ам.долларт хүрсэн байна. Дөрөвдүгээр сард нийлүүлэгдэх WTI маркийн газрын тосны үнэ нэг баррель нь 79.52 ам.долларт хүрч, өмнөх сараас 1.26 хувиар өсжээ. Газрын тосны үнийн өсөлт АНУ-ын түүхий эдийн нөөц буурч буурч байгаатай холбоотой гэж шинжээчид үзэж байна. Reuters агентлагийн эх сурвалжийн мэдээллээр, ОПЕК-ийн орнууд энэ оныг дуустал олборлолтоо нэмж бууруулна гэсэн хүлээлттэй байна. ОПЕК газрын тосны үнийг 80-85 ам.долларт барина гэж тооцоолж байна.
Монгол Улсын Ерөнхий сайд Л.Оюун-Эрдэнийн ахалдаг Аялал жуулчлалыг хөгжүүлэх Үндэсний хорооны энэ оны эхний хуралдаан өнөөдөр боллоо.
Засгийн газраас 2023-2025 оныг “Монголд зочлох жил” болгон зарлан, бодлого арга хэмжээ хэрэгжүүлсний үр дүнд өнгөрсөн онд 651,061 жуулчин хүлээн авч, дотоодын эдийн засагт 1.2 тэрбум ам.доллар буюу 4.4 их наяд төгрөгийн орлого төвлөрүүлсэн байна. Тухайлбал, 2023 онд жуулчдад зориулах эвент арга хэмжээний төлөвлөгөө болон санхүүжилтийг Засгийн газраас гаргаж 69 арга хэмжээ, үүнээс онцлох 23 хөтөлбөрийг дэмжин ажиллажээ. БНХАУ, ОХУ, БНСУ, Япон Улсын жуулчдад чиглэсэн тусгайлсан хөтөлбөр гаргаж, аялал жуулчлалын салбарын эрх зүйн таатай орчныг бүрдүүлэх, Монгол Улсыг дэлхийд таниулах гадаад сурталчилгаа маркетингийн цогц арга хэмжээг хэрэгжүүлснээр цахим орчинд манай орныг сонирхох хэрэглэгчдийн хандалт нэмэгдэж байна. Мөн өвлийн аялал жуулчлалыг хөгжүүлэх зорилтын хүрээнд Хөвсгөл аймагт “Хөх баавгай” хөтөлбөр хэрэгжүүлж, орон нутагт “Нэг жуулчин-Нэг хонь” хөтөлбөрийг эхлүүлэн нутгийн иргэдэд түшиглэсэн аялал жуулчлалыг хөгжүүлэх, гадаадын жуулчдыг нэмэгдсэн өртгийн албан татвараас чөлөөлөх, буцаан олгох зэрэг ажил хэрэгжиж байна.
Монгол Улсыг 2024 онд гадаадад сурталчлах, жуулчны урсгалыг нэмэгдүүлэх зорилгоор “Go MonGOlia” арга хэмжээг зорилтот орнуудад зохион байгуулахаар төлөвлөж байна.
Энэ удаагийн Үндэсний хорооны хурлаар аялал жуулчлалыг хөгжүүлэх, тулгамдсан асуудлыг тодорхойлж тухай бүр Үндэсний хороо болон Засгийн газрын хуралдаанаар хэлэлцүүлэн шийдвэрлүүлэх чиг үүрэг бүхий Ажлын алба байгуулж, Монголд ирсэн жуулчдын ая тухтай амрах нөхцөлийг бүрдүүлэх зорилгоор аялал жуулчлалын дэд бүтцийн бүтээн байгуулалтыг бодлогоор дэмжих шийдвэрүүдийг гаргалаа.
Хэрэглээний бараа, үйлчилгээний үнэ энэ оны нэгдүгээр сард улсын хэмжээнд өмнөх оны мөн үеийнхээс 7.6, өмнөх сарынхаас 0.8 хувиар нэмэгджээ.
Хэрэглээний бараа, үйлчилгээний үнэ нэгдүгээр сард өмнөх оны мөн үеийнхээс 7.6 хувиар өсөхөд хүнсний бараа, ундаа, усны бүлгийн үнэ дүнгээрээ 11.7 (согтууруулах бус ундааны дэд бүлгийн үнэ 5.6 хувь), хувцас, бөс бараа, гутлын бүлгийн үнэ дүнгээрээ 5.9, гэр ахуйн тавилга, гэр ахуйн барааны бүлгийн үнэ дүнгээрээ 6.6, эм тариа, эмнэлгийн үйлчилгээний бүлгийн үнэ дүнгээрээ 7.8, зочид буудал, нийтийн хоол, дотуур байрны үйлчилгээний бүлгийн үнэ дүнгээрээ 14.4, боловсролын үйлчилгээний бүлгийн үнэ дүнгээрээ 16.8 хувиар өссөн нь нөлөөлсөн байна.
Харин дээрх үнэ энэ оны нэгдүгээр сард өмнөх сарынхаас 0.8 хувиар өсөхөд хүнсний бараа, ундаа, усны бүлгийн үнэ дүнгээрээ 1.8, согтууруулах ундаа, тамхины бүлгийн үнэ дүнгээрээ 0.3, хувцас, бөс бараа, гутлын бүлгийн үнэ дүнгээрээ 0.5, эм тариа, эмнэлгийн үйлчилгээний бүлгийн үнэ 0.9 хувиар өссөн нь нөлөөлжээ.