Инстаграм өөрсдийн албан ёсны блогоороо
дамжуулан хэрэглэгчдийн нийтлэх видеоны хугацааг 15 секундээс 60 секунд
болгон уртасгах болсон тухайгаа мэдэгдлээ.
Өнгөрсөн хагас жилийн хугацаанд
хэрэглэгчдийн видео үзэх цаг 40% нэмэгдсэн учир Инстаграм энэхүү шинэ
үйлчилгээг нэвтрүүлэх болжээ. Нэг минутын видео байршуулах тохиргоо
гуравдугаар сарын 29-нөөс эхлэн туршигдаж эхэлсэн бөгөөд ойрын хугацаанд
бүх хэрэглэгчдэд нээлттэй болох аж.
Японы эрдэмтэд лабораторын аргаар арьс төлжүүлэн гаргаж авсан нь амжилттай болсон гэнэ. Хулганын эсээс авч лабораторид төлжүүлсэн арьсанд олон давхарга бий болж, хөлсний булчирхай хүртэл үүсчээ.
Лабораторид гаргаж авсан арьсыг дархлаа нь муудсан хулганад шилжүүлэн суулгахад төд удалгүй төлжиж, үс ургаж эхэлсэн байна.
Эрдэмтдийн хэлж буйгаар хүнд арьс шилжүүлэн суулгахад 5-10 жил шаардлагатай гэнэ. Гэсэн ч эрдэмтэд арьс нь галд шатаж, түлэгдсэн хүмүүсийн арьсыг лабораторийн аргаар төлжүүлэн, арьс шилжүүлэн суулгах боломжтой болсонд туйлын баяртай байгаа аж.
Эрдэмтдийн энэ арга нь биологийн олон нэгдлийн тусламжтайгаар хүний арьсыг нөхөн төлжүүлдэг одоогийн техникийг сайжруулахад чухал алхам юм. Нөгөө талаар энэхүү арга нь эм бэлдмэл болон гоо сайхны бараа үйлдвэрлэгчдэд бүтээгдэхүүнээ амьтан дээр туршихгүйгээр лабораторын аргаар гаргаж авсан арьсыг ашиглах боломжийг нээж өгч байгаа аж.
Утас, унадаг дугуй, цаг, машин ор гээд бүхий л зүйл цахим хэлбэрт шилжин ухаалаг болох болсон. Үүнтэй адил таваг ч ухаалаг болжээ.
Энэ таваг нь эрүүл хооллолтоор хичээллэдэг, биеийн жиндээ анхаардаг эмэгтэйчүүдийг сонирхлыг маш их татаж байгаа юм.
“Smartplate” нэртэй уг тавган дээр тавьсан бүх хоол хүнсний илчлэг, тэжээл, уураг, нүүрс ус гээд бүгдийг нь тодорхойлох бөгөөд хүний биед хэдэн цагийн дараа шингэхийг хүртэл харуулдаг байна. Энэ тавгийг хэрэглэхийн тулд тавагны аппликэйшнийг давхар гар утсандаа татах ёстой. “Smartplate” апп-ыг суулган ажиллуулснаар тавган дээр тавьсан хоолныхоо мэдээллийг утсаараа авах боломжтой юм. Хэд хэдэн өнгөний сонголттой энэ бүтээгдэхүүн зун гэхэд 229 ам.долларын үнэтэй худалдаанд гарах аж.
Японы
Йокогама их сургуулийн судлаачдын баг хүний элэгний үйл ажиллагааг бүрэн
гуйцэтгэж чадахуйц хэдхэн миллиметрийн хэмжээтэй жижигхэн элгийг
амжилттай ургуулж чадсан байна.
Мэргэжилтнүүд
уг элгийг дотор эрхтэнүүд үүсч боловсрох үйл явцад хувирч чаддаг үр
хөврөлийн бус үүдэл эсийг ашиглаж ургуулсан тухай телевизийн
“Эн-Эйч-Кей” суваг мэдээлжээ.
Ургуулан
гаргаж авсан жижигхэн элэг нь яг л хүний жинхэнэ элэг шиг хорт бодисыг
маш үр дүнтйгээр хоргүй болгож гадагшлуулдаг аж. Судлаачдын багийн
ахлагч, профессор Хидэки Танигути цусанд шаардлагатай уургийг уг элэг
ялгаруулж чаддаг хэмээн ярьжээ. Японы судлаачид ургуулсан элэгнийхээ
клиникийн туршилтыг 2019 оноос эхлүүлэхээр төлөвлөж байгаа аж.
Уг элгийг хүнд өвчтэй хүмүүсийн элэгний хэвийн үйл ажиллагааг хангахын тулд шилжүүлэн суулгах бодолтой байгаа ажээ.
Гуравдугаар сарын 21-нд буюу маргааш жижиг хэмжээтэй, хямд
үнэтэй “iPhone 5SE” мөн “iPad” таблет компьютерийн шинэ хувилбарыг ч танилцуулж
магадгүй байна.Шинэ гар утас нь “iPhone 5” болон “iPhone 5S”-ийн адил 4 инчийн
дэлгэцтэй байх ч хүчин чадлын хувьд “A9” чипийг ашиглажээ. “Apple”
компани хэрэглэгчдийнхээ хүсэлтийн дагуу дээрх загваруудыг гаргаж байгаагаа
албан ёсоор мэдэгджээ.
“Apple” компани “iPhone 6” “iPhone 6S” утасныхаа дараагийн загвар болох “IPhone 7” загварыг ирэх намар худалдаанд гаргана хэмээн танилцуулсан. Энэ нь хэрэглэгчдийн дунд хүлээлт үүсгээд байгаа аж.
Гэхдээ үүнийг яг “iPhone 6”-ын үргэлжлэл гэж хэлж болохгүй гэнэ. Учир нь өмнөх загваруудаас эрс шинэчлэл хийжээ. Шинэ загвар ерөнхийдөө “iPhone 6s”-ийн их бие дээр суурилагдсан ч арын хэсэгт камераас өөр юу ч байхгүйгээрээ ялгагдана.
“IPhone 7” болон “iPhone 7 Plus”-т TSMC компанийн шинэ үеийн маш хүчирхэг процессор A10-ыг суулгасан гэх мэдээлэл байгаа. Өмнөх загваруудаас хамгийн гол ялгаа нь чихэвчний оролт юм. 3.1 мм-ийн өргөнтэй уламжлалт оролтыг “Lightning” оролтоор сольсон байна. Энэ нь утас илүү нимгэн болсонтой холбоотой аж. “iPhone 6” 7.3 мм, “iPhone 6S” 7.1 мм байсан бол “iPhone 7” саяхан худалдаанд гарсан хамгийн нимгэн таблет болох 6.1 мм “Ipod Touch”-той бараг ижил зузаантай байх юм.
OLED буюу органик гэрэлт диод дэлгэцийн нимгэн хальсан бүтэц бүхий органик материал нь өөрөөсөө гэрэл ялгаруулах учир электрон цацрагт хоолойт (CRT) болон шингэн кристал (LCD) дэлгэцтэй адил арын гэрэлтүүлэгч зэрэг нэмэлт эд ангиуд шаардлагагүй.
Шинэ загварын бас нэг онцлог шинж нь хосолмол дурантай камер болж байна. Энэ шинэ технологийг бид “IPhone 7” юм уу “iPhone 7 Plus”-т заавал харна. Хоёр камертай болсноор объектыг нэгэн зэрэг хоёр байдлаар зураглах боломжийг үүсгэж байгаа юм. Нэг камер ерөнхий дүрс авч байхад өөр камер тодорхой цэг дээр төвлөрөх боломжтой гэсэн үг.
“Apple” 2017, 2018 оноос OLED дэлгэцийг гар утсандаа ашиглаж эхэлнэ гэсэн төлөвлөгөө гаргасан байдаг. Тэгвэл энэ төлөвлөгөө “Iphone 7 plus” дээр хэрэгжих магадлал өндөр байна.
ДЭМБ-аас гар утас тархины хорт хавдар үүсгэдэг гэж дүгнэжээ. Энэ дүгнэлтийг гаргах судалгааны явцад цахилгаан соронзон туяаг хамгийн ихээр ялгаруулдаг смартфоны жагсаалтыг гаргасан байна.
Мэргэжилтнүүд “Мotorola Вгаvо”, “Моtогоlа Аndroid 2 Global” смартфоныг хамгийн аюултайд тооцсон байна. Харин “Sony Еricsson Satio”, “Sоnу Еricsson Хреria Х10 Мini Рго” утас удаалжээ.
Тэдгээрээс гадна “Моtогоlа-1335”, “Nokia Аstound “, “Моtorola Dеfу”,”Моtогоlа Grasр”, “ZТЕ Salute”, “LG Rumог 2”, “Моtогоlа Аndroid”, “Sаnуо Vего”, “Моtогоlа Dгоid 2”, “НТС Desire”, “LG Сhocolate Тоuсh”, “Моtoгоlа Аtrix 4G”, “Куосега Wild Сагd М1000”, “Куосега Х-tc” зэрэг ухаалаг утаснууд хамгийн ихээр хорт туяа ялгаруулдаг нь тодорхой болжээ.
Их Бритнийн зохион бүтээгч “Huis E-Ink” нэртэй нэгэн шинэ удирдлага зохиож, худалдаанд гаргажээ. Уг удирдлага нь яг л ухаалаг гар утас шиг мэдрэгч бүхий дэлгэцтэй бөгөөд яг л утас шиг хуруугаараа дарж хажуу тийш нь чирэх хөдөлгөөнөөр дүрс буюу удирдах зүйлсийн жагсаалтыг солих боломжтой.
Үүгээр гэрт байгаа удирдлагаар ажилладаг бүхий л цахилгаан хэрэгслүүдээ удирдаж болох юм. Энэхүү бяцхан шидэт удирдлагад тус тусынх нь функцыг байрлуулсан өөр өөр дэлгэц үүсгэх боломжтой. Ингээд дэлгэцээ солин удирдах цахилгаан хэрэгслэлдээ тохирсныг сонгоод ажиллуулна.E -Ink дэлгэцтэй учир батерейнд тун хэмнэлттэй аж.
APSCO (Asia Pacific
Space Cooperation Organization) байгууллагын гишүүн найман орон хамтарч зайнаас
тандах хиймэл дагуул бүтээх болсон талаар Ираны төлөөлөгч мэдээлжээ. Уг төсөлд
Иран, Турк, Бангладеш, Хятад, Пакистан, Тайланд, Монгол, Перу улсууд нэгдэхээ
мэдэгдэж ерөнхий төлөвлөгөөг баталсан байна. Дэлгэрэнгүй ажлын төлөвлөгөө болон
санхүүжилтийн асуудлыг гуравдугаар сарын 28-нд хэлэлцэж эхлэхээр болсныг мөн
мэдээлжээ. APSCO байгууллага нь засгийн газар хоорондын, ашгийн бус байгууллага
бөгөөд 2005 онд байгуулагдсан юм байна. Байгууллагын төв нь Бээжин хотод
байрладаг аж.
“Apple” компани шинэ
бүтээгдэхүүн болох iPhone 5se, iPad Air 3-аа энэ сарын 21-ний даваа гаригт
танилцуулна хэмээн Bloomberg мэдээллээ. Apple компани шинэ бүтээгдэхүүнээ
гуравдугаар сарын 15-нд танилцуулж, 18-нд онлайн захиалгаа авч эхэлнэ гэж
мэдэгдэж байсан ч ийнхүү бага зэрэг хойшилжээ. Онлайн урилгаа аль хэдийнэ
тараасан аж. Арга хэмжээ Калифорни мужийн Купертино дахь компанийнхаа төв
байранд болох юм.