Category: шинжлэх-ухаан-технологи

Өнгөрсөн 7 хоногт iPhone X танилцуулах үеэр Apple энэ сарын 19-нд iOS 11 нийтэд гарна гэж зарласан. харин яг хэзээ, хэдэн цагт бол гэсэн асуултууд хэрэглэгчдээс их ирсэн тул энэхүү мэдээллийг бэлтгэн хүргэж байна.

Мэдээж Apple яг хэзээ гаргахаа зарлаагүй ч өмнөх үйлдлийн системүүдийн шинэчлэлээс харахад АНУ-н Баруун эргийн цагаар өглөөний 10 цагт гаргаж байсан.

Тухайлбал 2010 оноос хойших бүхий л томоохон өөрчлөлтүүд энэ цагт нийтэд татаж авахад бэлэн болсон билээ. Гэхдээ энэ цаг нь бидний байгаа газрын цагаар хэд юм бол? Доорх хүснэгтээс харахад манай Улаанбаатартай ижил цагийн бүс дэх Хонгконг, Бээжингийн цагаар Лхагва гарагийн шөнийн 01 цагт таарч байна.

iOS 11 дараах төхөөрөмжүүдийн хувьд дэмжих болно:

• iPhone X, iPhone 8, iPhone 8 Plus, iPhone 7, iPhone 7 Plus, iPhone 6s, iPhone 6s Plus, iPhone 6, iPhone 6 Plus, iPhone SE, iPhone 5s
• 12.9-inch iPad Pro 2nd generation, 12.9-inch iPad Pro 1st generation, 10.5-inch iPad Pro, 9.7-inch iPad Pro, iPad Air 2, iPad Air, iPad 5th generation, iPad mini 4, iPad mini 3, iPad mini 2
• iPod Touch 6th generation

Мөн та бидний бэлтгэсэн iOS 11-н хүн бүрт таалагдах 13 функц нийтлэлийг уншин уг шинэ үйлдлийн системийн хэрэглэгчдийн хувьд хамгийн их хүлээгдэж буй цоо шинэ функцуудтай танилцаарай.

“Apple” компани iPhone 8 гар утас болон бусад загварын гар утсуудаа ирэх долоо хоногийн мягмар гаригт буюу энэ сарын 12-нд танилцуулахаар болжээ. Apple компани брэндүүдийг манлайлагч, шинэ үеийн iPhone гар утас үйлдвэрлэлийн шатанд бүрэн угсарч дууссан бөгөөд одоо зөвхөн танилцуулж, худалдаанд гаргах ажил л үлдсэн байна. iPhone 8 утас бүх талаараа өмнөх загвараасаа илүү болж 16 мегапиксель зураг буулгах өндөр чанартайн дээр 4k нягтаршил бүхий бичлэг хийх чадвартай аж. Мөн гүн хар, тод цагаан өнгөний хослолтой төдийгүй AMELOD хэмээх шинэ дэлгэц нь хэдэн мянган өнгө ялгахын зэрэгцээ үл зурагдах дэлгэцтэй хийгдсэн гэв.

iPhone8-ийн дэлгэцэц ямар ч товчлуургүй, хурууны хээ таних мэдрэгч нь “Home Button”-ийг орлохын зэрэгцээ хэрэглэгчийн нүдийг таньж, цоож нь тайлагдах гэнэ. Apple компани iPhone 8 утсыг дангаар нь буш iPhone 8 Plus, iPhone 8 Pro гэсэн төрлүүдээр, өнгөний зургаан сонголттой байхаар төлөвлөснөө хэрэгжүүлсэн байна. Ердөө хоёрхон хоногийн дараа худалдаанд гарах iPhone8 утас дэлхий нийтэд хүлээлт үүсгээд байна.

Apple компани жил бүрийн шинэ бүтээгдэхүүн танилцуулах арга хэмжээгээ ирэх есдүгээр сарын 12-ны өдөр товлосон тухай Уолл Стрийт Журнал мэдээллээ.

Одоогийн байдлаар албан ёсны урилга тарааж эхлээгүй байгаа бөгөөд есдүгээр сард Apple гурван шинэ iPhone танилцуулах байх гэсэн таамаг бий. Хамгийн гол нь арван жилийн ойдоо зориулан гаргах эрс шинэчлэгдсэн, OLED дэлгэцтэй, нүүр хэсэг нь тэр чигтээ дэлгэц болсон гар утсыг тэд танилцуулна.

Энэ загварынх нь үнийг ойролцоогоор 999 ам. доллароос эхэлнэ гэж үзэж байгаа бөгөөд iPhone 7S/7S Plus загваруудыг мөн танилцуулах юм.

Түүнчлэн шинээр танилцуулах Apple Watch өөрөө сүлжээтэй болж, бусад төхөөрөмжтэй холбогдох шаардлагагүй болж магадгүй. Сүүлийн хоёр жилийн хугацаанд Apple-ийн гар утасны борлуулалт удааширсан шалтгааныг iPhone 7 утасны загвар онц өөрчлөгдөөгүйтэй холбоотой гэж үздэг.

Тиймээс энэ удаад эрс шинэчилсэн загвар танилцуулж, худалдаанд гаргаснаар дахин тэргүүн эгнээнд орж магадгүй аж.

Өнгөрсөн лхагва гаригт Нью-Йоркт “Samsung” корпораци шинэ “Galaxy Note 8” ухаалаг утсаа танилцуулсан талаар ТАСС агентлаг мэдээлжээ. Энэхүү ухаалаг гар утас нь “Galaxy S8”-тай ижил нугардаг ч илүү том буюу 6.3 инчийн “Amoled” дэлгэцтэй, хос камертай, “Snapdragon” процессор болон 6GB RAM, 64GB багтаамжтай юм байна. “Galaxy Note 8” нь “Samsung”-ийн гол нэрийн бүтээгдэхүүн “Galaxy S8”-тай харьцуулахад илүү том дэлгэц, илүү дэвшилтэт функцүүдтэйгээрээ давуу талтай аж.

“Samsung” корпорациас “Хамгийн гол нь өмнөх цэнэг хураагуурын асуудал дахин давтагдахгүй” гэж мэдэгджээ. Note загварын энэхүү цуврал бүтээгдэхүүнээ “Samsung” ирэх есдүгээр сарын 15-наас олон улсын зах зээлд гаргах юм байна. Үнийн хувьд өмнөх загвар болон “iPhone 7”-оос арай үнэтэй буюу 850 ам.долларт хүрэх төлөвтэй байгаа аж.

Өнгөрсөн онд энэхүү гар утасны өмнөх загвар цэнэг хураагуурын асуудал дагуулсантай холбоотойгоор тус компани нэлээд эрсдэлтэй алхам хийж байна гэж шинжээчид үзэж байна. Учир нь тус компаний “Note 7″ гар утасны шинэ загвар зургаан тэрбум ам.долларын нэмэлт зардал гаргахад хүргэсэн билээ. “Samsung”-ийн “Note” загварын гар утсууд “Galaxy S”-тэй харьцуулахад эрэлт бага ч дээрх хоёр загвар “Samsung” брэндийн “Apple”-тай өрсөлдөх нэрийн гол бүтээгдэхүүн гэж хэлж болохоор байгаа аж.

Цахилгаан автомашин үйлдвэрлэгч “Tesla” комапни “Model 3” загварын автомашины үйлдвэрлэлээ энэ баасан гарагаас эхлүүлнэ гэдгээ мэдэгдлээ. Зорилтот хугацаанаас хоёр долоо хоногийн өмнө үйлдвэрлэлийн бүх шаардлагыг хангасан гэдгийг тус компанийн Гүйцэтгэх захирал Илон Маск twitter хуудастаа жиргэжээ. Хэрэглэгчдийн хэрэгцээ шаардлагыг хангахуйц автомашин үйлдвэрлэх “Tesla”-ийн 15 жилийн хөдөлмөрийн үр дүн гэгдэж байгаа “Model 3” загварын үнэ 35 мянган ам.доллараас эхлэх юм. “Tesla”-ийн хувьд 12 дугаар сар гэхэд “Model 3” загварын автомашины үйлдвэрлэлээ 20 мянгад хүргэх зорилт тавиад байгаа юм. Энэхүү шинэ загварын хүлээлттэй холбоотойгоор Калифорнид байрлах тус компанийн хувьцааны ханш энэ онд 65 хувиар өсөөд байна.

Энэ баасан гаригт БНСУ-ын зах зээлд “Samsung Electronics” компани “Galaxy Note 7”-г “Note Fe” гэсэн шинэ нэртэйгээр танилцуулах юм. Батерейн асуудлаас болж зах зээлээс эргүүлэн татсан “Galaxy Note 7”-г энэ долоо хоногоос эхлэн худалдаанд гаргаж эхлэх бөгөөд үндсэн үнийнхээ дөрөвний гуравтай тэнцэх үнээр худалдаалагдах аж. “Galaxy Note 7” нь “Samsung Electronics” компанийн түүхэнд хамгийн их хохирол учруулсан бүтээгдэхүүнүүдийн тоонд багтаж байгаа юм. Харин энэ удаад тус компанийн зүгээс “Galaxy Note 7” гар утсыг 100 хувь аюулгүй хэмээн баталгаажуулж байна.

Б.ОДГЭРЭЛ

Түрүү жилийн өдийд “Тесла моторс” компани автомашины салбарт хувьсал хийх цоо шинэ загварын машинаа танилцуулж байв. “Тесла моторс” компанийн гүйцэтгэх захирал Элон Маск дундаж орлоготнуудад зориулсан “MODEL-3” загварын цахилгаан машинаа танилцуулсан юм. “Тесла”-гийн цахилгаан машинууд хэрэглээнд ороод эхэлсэн тухай мэдээллүүд дэлхийн хэвлэл мэдээллийн хэрэгслүүдээр хөвөрч буй энэ үед Фэйсбүүкийн нэгэн постыг онцолъё.

Монголын геологи, уул уурхайн мэргэшсэн институцийн ерөнхийлөгч М.Дагва нүүр хуудсандаа “Гурав байна уу дөрвөн жилийн өмнө Бээжинд нэг хуралд оролцох үеэр “Тесла” компанийн захирлын илтгэлийг сонсож, үзэсгэлэнгийн танхимд тавьсан Тесла машинд сууж үзэн, энэ компанийг биширч байж билээ. Цахилгаан машины батарей солих хугацааг ердийн машины банк дүүргэх хугацаанаас богино байлгахын тулд 3D програм ашиглан дизайныг нь гаргасан тухай, Невадагийн цөлд байгуулсан нарны станцад түшиглэн хойд америкийг хэрсэн цэнэглэх станцууд байгуулж, цахилгаан машин авсан хүмүүс уг станцуудаас машинаа үнэгүй цэнэглэх боломж олгож байгаа тухай мэдээллүүд тухайн үед тархинд их л цочир сонин бууж байсан. Саяхан Шанхайд буусан буудлын гадна Теслагийн сүперчарж станцуудад машинууд залгаатай байгааг, Тесла аль хэдийн урд хөршид ороод ирсэн байгааг нүдээр харлаа.Ашлее Вэнс гэгч хүний бичсэн Элон Маскийн тухай бэстсэллэр номыг ойрд ажлын заваар барьж тавих байдлаар уншаад байгаа юм. Бизнес уруу орсоноос хойш асуудлыг бизнес модель талаас нь харахыг оролддог болж. 90-ээд оны дот.ком-ын халуурлын үеэр энэ чиглэлийн хоёр ч бизнесийг бий болгон амжилттай зарж хөрөнгөжсөн залуу SpaceX, Tesla, Solar City гэсэн төслүүд уруу өөрийн мөнгийг оруулж, тухайн салбар бүрт уламжлалт бизнесийн схем, тогтолцоог эвдэж. SpaceX-ийн хувьд Америкийн батлан хамгаалах – аж үйлдвэрийн мангасууд болох Локхийд Мартин, Бойнг зэрэг аваргуудтай тулахын зэрэгцээ Орос, Хятад улсуудын эрх ашигтай ч харгалдаж. Сансарын бизнес маш их улс төржсөн, зах зээлийн хамгаалалттай, капиталист нийгэмд ийм салбар байдаг гэдэгт итгэмгүй бизнес бөгөөд энэ тал дээр Элон Маскийн туулж буй сорилтын дэргэд iPod, iTunes-ээ зах зээлд гаргах үедээ дуу бичлэгийн салбартай Стийв Жобсын хийсэн тулаан бол хүүхдийн тоглоом гээд хэлчихэд буруудахгүй юм гэнэ. “Гэр бүлийнхэнд минь намайг оросуудад нухуулчих вий гэх айдас байдаг” гэж Маск өөрөө хэлж. Тесла Моторс компани бол бүр машин үйлдвэрлэх, зарах тогтолцоог тэр чигээр нь өөрчилсөн, машинаа “бензин колонк”-той нь хамтаар нь зарж байгаа бизнес модель юм байна. Машинаа вэб хуудсаараа дамжуулаад зарчих тул бүхэл бүтэн машины дилерүүдийн тогтолцоог үгүйсгэж байгаа, цахилгаан машинд тос солих шаардлага байхгүй тул сервис үйлчилгээ хийдэг бизнесийг ч мөн үгүй хийж байгаа юм байна” хэмээн онцолжээ.

Тесла компани шинэ загварын MODEL-3 цахилгаан машинаа танилцуулах үеэрээ мастер төлөвлөгөөнийхөө талаар сонирхуулж байсан юм. “Тесла”-гийн мастер төлөвлөгөө дөрвөн үе шатнаас бүрдэж буй. Эхний буюу хөгжүүлэлтийн үедээ маш өндөр үнэтэй цөөн тооны машин үйлдвэрлэх бол хоёр дахь үедээ MODEL S ба седан загварын өндөр үнэтэй машиныг дундаж хэмжээгээр үйлдвэрлэхээр төлөвлөж байжээ. Харин гурав дахь үедээ SUV төрлийн MODEL –X загварыг үйлдвэрлэх зураг гаргаад ажилласан байна. “Тесла”-гийн төлөвлөгөөний дөрөв дэх шат нь өнгөрсөн жил танилцуулсан MODEL-3 цахилгаан машин юм.

“Тесла” компани БНХАУ-д автомашины үйлдвэрлэлээ эхлүүлэхээр Шанхай хоттой хамтран ажиллаж байгаагаа баталгаажуулаад удаагүй байна. Тус компанийн гүйцэтгэх захирал Элон Маск энэ оны эцэс гэхэд үйлдвэрлэлийн төлөвлөгөөгөө илүү тодорхой боловсруулна хэмээн онцолжээ. БНХАУ-д үйлдвэрлэлээ эхлүүлэх хэлэлцээрт хүрснээр “Тесла” орон нутгийн бусад автомашин үйлдвэрлэгчидтэй илүү хүчтэй өрсөлдөөн үзүүлэх аж. Энэ хамтын ажиллагаа эхэлбэл автомашины импортын тариф нь 25 хувиар буурч, “Model S” седан болон “Model X” спорт загварын автомашины үнэ АНУ-ынхаас хямд байж, илүү өндөр ашиг олох боломжтой юм байна. “Тесла ийнхүү бусад улсад үйлдвэрлэлээ эхлүүлэх нь дэлхийн хамгийн том цахилгаан автомашины зах зээлд байр сууриа нэмэгдүүлэхэд шаардлагатай алхам” гэж “Fiat Chrysler”-ийн БНХАУ дахь салбар нэгжийн захирал асан Билл Руссо мэдэгджээ.

Ц.СҮРЭН

Баасан гарагт Самсунг компани CHG90 нэртэй компьютерийн шинэ дэлгэц танилцуулсан нь дэлхийн хамгийн өргөн дэлгэцэнд тооцогдож байна.

Түүнийг “super ultra wide” гэсэн шинэ ангилалд орох анхны дэлгэц гэж үзэж байгаа юм. Дэлгэцний хэмжээс нь 32:9. Харьцуулбал ultrawide ангиллын дэлгэцүүд 21:9 харьцаатай байдаг бол энгийн дэлгэцүүд 16:9 гэсэн хэмжээстэй байдаг.

Шинэ дэлгэц нь компьютерийн тоглоомчдын мөрөөдлийн дэлгэц болж байна. Түргэн хариу үзүүлэх чадвар (quick response), AMD-ийн FreeSync 2 технологитай зэрэг нь CHG90-ийг тоглоомчдын зах зээлд зориулсан гэдгийг харуулж байгаа юм.

49 инчийн супер өргөн дэлгэцэн дээр Эксел яаж харагдахыг дараах зурагнаас харж болно.

Мөн дэлгэцийг бүхэлд нь тоглоом тоглоход ашиглаж болохоос гадна хоёр хуваан өөр өөр ажилд зориулж болох юм. $1,500-ын үнэтэй CHG90 дэлгэцийг өнөөдрөөс Амазон онлайн дэлгүүрээс захиалж болох юм байна.

Японы Коосэн сургуулийг төгссөн залуу инженерүүдийн бүтээсэн, дотор нь хүн ордог, гурван метр орчим өндөр “Скелетоникс-Skeletonics ®” роботыг Монголд авчрах гэнэ. Коосэн Японы Үндэсний Технологийн Хүрээлэнгийн Монгол дахь төлөөлөгчийн газраас санаачлан Нийслэлийн Иргэдийн Төлөөлөгчдийн Хурал хамтран, Японы элчин сайдын яам, Коосэн загварын Монгол дахь гурван сургуулийн дэмжлэгтэйгээр “Коосэн-Технологийн баяр”-ыг зургадугаар сарын 1-нд Үндэсний цэцэрлэгт хүрээлэнд зохион байгуулах юм. Өдөрлөгийн үеэр аварга роботыг хүүхдүүдэд танилцуулах ажээ. Коосэн-Японы Үндэсний Технологийн Хүрээлэнгийн Монгол дахь төлөөлөгчийн газрынхан энэ тухай мэдээлэхдээ “Скелетоникс-Skeletonics®” робот нь хүний хөдөлгөөн мэдэрч, зааварчилгааны дагуу олон даалгавар хийх чадвартай. Өөрөөр хэлбэл, дотор нь байгаа хүний гар хөлийн хөдөлгөөнийг мэдэрч ажилладаг учраас бусад хүн хэлбэртэй роботуудын хийж чадахгүй үйлдлийг чаддаг онцлогтой” гэв. Уг роботыг зургадугаар сарын 1-нд болох Эх үрсийн баяраар Монголын хүүхэд залууст танилцуулахаар роботыг зохион бүтээгч, Скелетоникс компаний захирал Ака Томохиро ирэх юм.

Ака Томохиро өөрийн бүтээсэн роботынхоо тухай “Энэхүү роботыг хийе гэсэн санаа их энгийн байсан. Анх Коосэн-Робокон тэмцээнд оролцоод амжилт үзүүлж чадаагүй маань цаашид улам хичээж, өөрийн роботоо илүү сайн, хүчирхэг болгоход түлхэц болсон юм. Үнэхээр ч тэр хичээл зүтгэл маань надад 2008 оны Коосэн-Робокон тэмцээнд тэргүүн байрыг авчирсан. Тухайн жилийн роботын үзүүлбэр маань хоёр хөл дээрээ явдаг робот байсан. Энэ роботынхоо алхмыг нь томруулахын тулд хүний хөлийн хөдөлгөөнийг судалж, холбоосны механизмыг томруулах технологийг туршиж, их биетэй аварга робот бүтээх боломжтой гэсэн санаа төрж билээ. Энэ нь “Скелетоникс-Skeletonics®” роботын эхний загвар байсан. Роботондоо хүний гар хөлийн холбоосыг бүтээж өгснөөр чөлөөтэй хөдлөх боломжтой болсон. Роботынхоо анхны загварыг гаргаснаас хойш шинэчлэн сайжруулсаар тав дахь загвараа гараад байна. Цаашид зургаа дахь загвараа хийх бөгөөд шинэ гарах загварыг өмнөхөөсөө боловсронгуй байхаар зорьж ажилладаг” хэмээн ярьсан байдаг.

Дашрамд дурдахад “Коосэн боловсролын загвар” нь хүүхдийг 15 наснаас нь элсүүлж, таван жилийн хугацаанд инженерийн үндсэн боловсролыг эзэмшүүлэн, бүтээлч инженерүүдийг бэлтгэдэгээрээ онцлогтой.

Nokia 3310 гар утас шинэчлэгдэн дахин борлуулагдахаар болсон билээ. Энэ удаа Финландын HMD Global стартап компани шинэчилсэн Nokia 3310-ыг зах зээлд гаргаж байгаа юм.

Анхны хувилбараасаа жижиг, хөнгөн болсон шинэ утас нь 2.4 инчийн өнгөт дэлгэц, 2 мегапикселийн арын камер, 16 MB хадгалах байгууламж, 32 MB хүртэл өргөтгөх боломжтой MicroSD картны оролт, LED гэрэлтэй бүтээгджээ.

Улаан, шар өнгөтэй загварууд нь гялгар материалаар бүтээгдсэн байх бол хөх, саарал нь бүрсгэр (matte) өнгэтэй байна. Нэг цэнэглэлтээр 22 цаг ярих боломжтой, идэвхгүй нөхцөлд 31 хоног цэнэгээ хадгална. Алдарт Snake (могой) тоглоомыг суулгахаач мөн мартаагүй байна.

Шинэ Nokia 3310 Британид тавдугаар сарын 24-нд 49.99 паундын үнэтэй гарахаар болжээ. Харин Нидерланд, Бельгид зургаадугаар сарын 5-наас, Германд тавдугаар сарын 26-наас 59.99 еврогийн үнэтэй худалдаалагдаж эхлэхээр болсон байна. Бусад улс орнуудад хэзээ зарагдаж эхлэх талаар мэдээлэл гараагүй байгаа ажээ.