Нийслэлийн Засаг дарга Су.Батболд хэвлэлийнд мэдээлэл хийлээ. Тэрбээр ярихдаа “Баянзүрх дүүргийн 41 тойргийн 35 тойрогт сонгууль маргаангүй явагдсан бол зургаан тойрогт маргаан үүссэн. Дээрх суудалд нэр дэвшигчдийн талаарх шүүхийн шийдвэр эцэслэн гарах хүртэл би хүлээцтэй хандсан. Дүүргийн ИТХ асуудлаа шийдэх ёстой гэж таван сар хүлээсэн. Саяхан хоёрдугаар сарын 23-ны өдөр дүүргийн Сонгуулийн хорооноос “Зургаан тойрогт дахин сонгууль явуулах ёстой” гэсэн шийдвэр гарсан. Тиймээс олонх нь болох 35 төлөөлөгчийн саналыг харгалзан гаргасан ИТХ-ын шийдвэрийг үндэслэн Э.Бат-Амгаланг дүүргийн Засаг даргаар батламжилсан. Миний гаргасан захирамж хууль зүйн үндэслэлтэй, үүнийгээ би хаана ч хамгаална.
Харин өнөө өглөө нийслэлийн Захиргааны хэргийн анхан шатны шүүхээс Баянзүрх дүүргийн Засаг даргыг томилсон захирамжийн үйлчлэлийг түдгэлзүүлж байна гэсэн. Би УИХ-ын гишүүн байсан хүн. Шүүхийн өмнө гаргасан шийдвэрээ нотлох болно. Гэхдээ шүүхийн шийдвэрийг хүндэтгэн хүлээн авч байна. Тиймээс миний гаргасан захирамжийн үйлчлэл зогсож байна. Захирамжийн үйлчлэл зогссон учир хуучин нөхцөл дахиад сэргэнэ гэлээ.
Сонгуулийн шинэ хуулийн дагуу Баянзүрх дүүргийн маргаантай байгаа зургаан тойргийн сонгууль ирэх аравдугаар сард дахин явагдана гэдгийг нийслэлийн Засаг дарга тайлбарлалаа.