Монгол Улсын 2015 оны төсвийн хуульд өөрчлөлт оруулахтай холбогдож, Засгийи газар хэд, хэдэн төрлийн татварыг нэмэгдүүлэхээр болсон юм. Үүнд бууны албан татварын хэмжээг дараах байдлаар нэмэгдүүлэхээр болоод байна. Одоогийн мөрдөж байгаа хуулиар буунд 4000-6000 төгрөгийн татвар ногдуулдаг бол өөрчлөлтөөр 50.000-100.000 хүртэл нэмэгдүүлэхээр болжээ. Ингэхдээ бууны маркаас хамаарч дараах өөрчлөлт оруулсан байна.
Тодруулбал, үрлэн сумтай буу 50.000, 6.4 мм хүртэлх төрлийн буу 50.000, 6.5 буюу түүнээс дээш мм-ийн калибрийн бүх төрлийн буу 100 мянган төгрөгийн татвар ногдуулахаар заагаад байна. Ингэхдээ музейн үзмэр урлагийн тоглалтод ашиглаж байгаа болон ангийн зориулалтаар ашиглах боломжгүй болохыг тогтоож цагдаагийн байгууллага үнэмлэх олгосон буу, байгаль хамгаалагчийн эзэмшилд байгаа албаны буу, спорт, сургалтын зориулалтаар дагнан ашиглаж байгаа буунууд нь татвараас чөлөөлөгдөх боломжтой аж.