“Бөхбилэгт” дэвжээний бөхчүүд шинэ оны босгон дээр сайн үйлсийн аян өрнүүлж, даваа гарагт хүүхдүүдэд бэлэг тараажээ.
Тус дэвжээний улс, аймгийн цолтой болон залуу бөхчүүд “Сос” хүүхдийн хотхоны 130 гаруй хүүхдэд шинэ жилийн бэлэг тусгайлан бэлдэж гардуулсан байна. Тодруулбал, Дархан аварга Г.Өсөхбаяр, улсын аварга Ч.Санжаадамба, улсын арслан Р.Пүрэвдагва, улсын гарьд Д.Рагчаа, улсын харцага Т.Мөнгөнцоож, Г.Батбаяр, М.Бадарч тэргүүтэй тус дэвжээний бөхчүүд Баянзүрх дүүрэгт үйл ажиллагаа явуулдаг тус хүүхдийн хотхоны багачуудыг сонгож ийнхүү шинэ жилийн бэлэг түгээж хүүхдүүдийг баярлуулжээ.