МҮСБХ-ны Үндэсний супер лигийн “Бүх оддын тоглолт” нэгдүгээр сарын 30-наас хоёрдугаар сарын 1-ний өдрүүдэд “Буянт-Ухаа” спортын ордонд болох гэж байна. Оддын тоглолтын эхний өдөр буюу нэгдүгээр сарын 30-нд Монгол Улсын залуучуудын шигшээ баг америк легионеруудтай, нэгдүгээр сарын 31-нд Бүх оддын тоглолт болж, сүүлийн өдөр буюу хоёрдугаар сарын 1-нд Монгол Улсын шигшээ баг легионеруудын эсрэг тоглох ажээ. “Бүх оддын тоглолт 2015”-ыг “Сэнгүр”, “Sprite” брэнд, “Скайтел” компаниуд ивээн тэтгэх ажээ.
Нэгдүгээр сарын 31 (18.00 цагт, Баасан гариг)
Монгол Улсын залуучуудын шигшээ баг, АНУ-ын ленионеруудын багуудын халз тоглолт.
Энэ жилийн Үндэсний супер лигийн Бүх Оддын тоглолтын нэг онцлог нь 11-н багт ирээд буй 26 легионер тоглогчдыг 2 баг болгон хуваан өрсөлдүүлэхээр болсон.
Залуучуудын шигшээ баг нь 2013 онд дэлхийн универсиад наадамд Япон, Филиппинийг хожин шигшээ 16-т, Оюутны Ази тивийн АШТ-нд 4 хожил 1 хожигдолтойгоор 5-р байранд шалгарсан юм. Улмаар энэхүү багийн үндсэн бүрэлдэхүүнээр ирэх 7-р сард БНСУ-д болох Дэлхийн Универсиад наадамд, дэлхийн шилдгүүдтэй өрсөлдөнө.
Мөн энэхүү тоглолтын үеэр үзэгчдийн хамгийн их хүсэн хүлээдэг гайхамшигт Спрайт Слэйм Данкын тэмцээн зохион байгуулагдана.
Нэгдүгээр сарын 31 (13.00 цагт, Бямба гариг)
Үндэсний супер лигийн дасгалжуулагчдын санал дээр үндэслэн шалгарсан Супер лигийн “ОДОД” тоглогчид энэ удаа нэг баг болон өрсөлдөнө.
-Бүх Оддын тоглолт
-Ур чадварын тэмцээн
-Багийн тэмцэн
-Холын зайн шидэлтийн тэмцээн
-Спрайт слэйм данк шоу арга хэмжээнүүд
Хоёрдугаар сарын 1 (13.00 цагт, Ням гариг)
Инчёний Азийн наадамд Монгол түмнээ баясгаж, шилдэг наймд шалгарсан Монгол улсын шигшээ багийн залуус АНУ-аас ирсэн легионеруудын багийн эсрэг халз тоглолтыг хийнэ.
Гуравдахь удаагаа зохион байгуулагдах гэж буй энэхүү халз тоглолтонд 2013 онд Легионеруудын баг хожсон бол 2014 онд Монгол улсын шигшээ баг цаг дуусах мөчтэй зэрэгцэн хожлыг байгуулсан нь таны нүдэнд илхэн байгаа гэдэгт итгэлтэй байна.
