CУИС-ийн судалгаанд суурилсан инновацийн бүтээл болох “Босоо цагаан гурвалжин” үндэсний орчин үеийн бүжгэн жүжгийн анхны тоглолт өчигдөр боллоо.
Соёлын яам Соёл, урлагийг дэмжих сан, СУИС-ийн дэмжлэгтэйгээр бүтэж буй уг бүтээлд хүн төрөлхтний соёлын биет бус өвд бүртгэгдсэн морин хуур, хөөмий, уртын дуу; Яаралтай хамгаалах шаардлагатай соёлын биет бус өвийн жагсаалтад бүртгэгдсэн бий биелгээ, лимбэний битүү амьсгаа, цуур зэрэг соёлын биет болон биет бус өвийн олон элементийг оруулснаараа онцлог юм.
Өвөг дээдсээс уламжлан үлдээсэн чулуун судрын гайхамшгийг бүжгийн хэлээр амилуулж, эх түүх, өв соёлоо хойч үедээ уламжлуулж өвлүүлэх зорилготой энэхүү уран бүтээлийн цомнолыг Ардын багш, доктор, профессор С.Дулам, хөгжмийг Төрийн соёрхолт хөгжмийн зохиолч С.Соронзонболд нар бүтээсэн бөгөөд найруулагч, бүжиг дэглээчээр МУУГЗ Д.Баярбаатар, удирдаачаар МУУГЗ Н.Туулайхүү, ерөнхий зураачаар Б.Нямхүү, хувцасны зураачаар Б.Баярцэцэг нар ажиллажээ.
.
