Монгол Улсын Батлан хамгаалах яаманд 60 ширхэг “Вольф” бенз загварын автомашиныг Герман улсаас бэлэглэлээ. Цэргийн зориулалт бүхий эдгээр автомашинуудыг Зэвсэгт хүчний анги, байгууллагуудад хуваарилан хүргүүлэх юм байна. Өчигдөр хүлээн авах ёслолын ажиллагаа тус яамны урд талбайд болжээ. Арга хэмжээнд Батлан хамгаалахын сайд Б.Бат-Эрдэнэ, Герман улсаас монголд суугаа онц бөгөөд бүрэн эрхэт элчин сайд Ш.Дюпель болон холбогдох албаны хүүмүүс оролцлоо. Ноён Ш.Дюпель: “Афганистан улсад манай хоёр орны цэргийн алба хаагчид галын шугаманд хамтдаа зогсч, дэлхийн энх тайвны төлөө тэмцэж байгааг энд дурдах нь зүйтэй. Цаашид ч хамтын ажиллагааг нэмэгдүүлэх болно” гэлээ.
О.ӨНӨР