Өчигдөр Барселон хотын төвд үл таних этгээд машинаараа явган хүний зам руу орж хүмүүсийг дайрсан хэрэг гарсан байна. Үүний улмаас 13 хүн нас барж, хэдэн зуун хүн гэмтэж бэртжээ. Машин явган хүний зам руу орчихоод аль болох олон хүнийг дайрахыг хичээж байсан тухай гэрчүүд мэдүүлэв.
Испанийн хууль сахиулах байгууллагын мэдээлсэнээр уг хэргийг гурван хүн зохион байгуулалттайгаар үйлдсэн болохыг тогтоожээ. Тэд “Фургон” хөлсөлсөн байна. Жолооч нь уг хэргийг үйлдсэнийхээ дараа “La Luna de Istanbul” зоогийн газарт орж тэнд байсан хүмүүсийг барьцаалжээ. Гэвч энэ нь үнэн эсэхийг шалгаж байгаа гэнэ.
Испанийн сэтгүүлчдийн мэдээлсэнээр уг хэргийг үйлдсэн хоёр этгээд нь исламын шашинтан аж. Харин энэ хэргийн хариуцлагыг хүлээнэ гэдээ саяхан “Исламын улс” бүлэглэл мэдэгдсэн байна.
Ю.ДЭЛГЭР