Монгол Улс ОХУ-аас энэ сарын 26-27-нд 740 иргэнээ татан авсан тухай УОК-ын Шуурхай штабын дарга, ОБЕГ-ын дэд дарга, хурандаа Б.Ууганбаяр өнөөдрийн хэвлэлийн хурлын үеэр мэдээллээ. Ингэснээр Монгол Улс гадны улс орнуудаас нийт 9068 иргэнээ татан авчээ. Иргэдийг татан авахад хэвлэл мэдээлэл, төмөр зам, гааль, хил, онцгой байдал, мэргэжлийн хяналтын байгууллагын 799 хүн оролцон, олон улсын зорчигч тээврийн галт тэргийг дайчилжээ. Мөн нэг хүнийг 170 мянган төгрөгөөр тээвэрлэх байсныг холбогдох газартай тохиролцсоны үндсэн дээр 27 мянган төгрөгөөр тээвэрлэсэн байна.