“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Өдрийн сонин”-ы сурвалжлах хэсэг Дархан-Уул аймагт томилолтоор ажиллаад ирлээ. “ХХААЯ зээл олгохгүй байгаагаас тариаланчид тариагаа тарьж чадахгүйд хүрчээ” хэмээх сурвалжлагыг бэлтгэн өнөөдрийн дугаартаа хүргэж байна.
Өнөөдрийн дугаарын “Улс төр” булангаас УИХ-ын Ц.Оюунгэрэлийн “Ганцхан толгойгоор хүний хувь заяа шийдэгддэгийг болиуллаа” ярилцлага, Сангийн асйд Б.Болорын “Эдийн засаг сэргэх нөхцөл байдал харагдаж байна” тодруулга зэргийг унших боломжтой. Харин “Өдрийн сонин”-ы нийтлэлийн бодлогыг тодорхойлж байдаг, нийгмийн үзэл санааны хамгийн том талбар, алдарт гуравдугаар нүүрт манай сонины Орлогч эрхлэгч, Төрийн шагналт зохиолч, нэрт нийтлэлч Б.Цэнддоогийн “Муу тусмаа үнэн, үнэн тусмаа эргэлзээтэй” нийтлэл хэвлэгдэн гараад байна.
“Баримт, үйл явдал” буланд “Хувьцаа худалдан авч байна гэсэн цуурхлыг тараасан хүнийг илрүүлэн шалгаж эхэлжээ”, “Төгсөх ангийн оюутан бүсгүй найз залуутайгаа муудалцаж улмаар нэгнийхээ аминд хүрчээ” зэрэг мэдээллүүдийг хэвлэв.
Мөн жүжигчин Д.Дэлгэрсайханы “Эх үрсийн баярт зориулж “Үзэсгэлэнт охин жонон хоёр” бүрэн хэмжээний хүүхдийн жүжиг тоглоно” ярилцлага, Монгол Улсын төрийн шагналт зохиолч Далхаагийн Норовын “Нутгийн хөгшчүүл намайг “Жиргээгийн хүү” л гэдэг байлаа” ярилцлага зэргийг өнөөдрийн дугаараас унших боломжтой. Зохиолч Далхаагийн Норов “Өнийн цэнхэр уулс”, “Уулсынхны туужис”, “Цэцгийн гурван сар”, “Хөх сайрын чулуу” туужийн түүврүүд, “Алтан богдын шил”, “Уулын хөх сүүдэр” романууд, “Yхлийн тухай өгүүллэгүүд”, “Хөх туужис”, “Yхэл хүлээх газар”, “Хүйтэн цуст” бүтээлүүд хэвлүүлсэн, Монголын хүүрнэл үгийн их мастер билээ. Түүний хэвлэлд ойрд өгөөгүй хуучийг 13 дугаар нүүрээс уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ