Дорнод аймгийн харъяат, “Алдар” спорт хороо, Үндэсний биеийн тамирын дээд сургуулийн тамирчин ОУХМ Б.Мөнхзаяа БНХАУ-ын Чэндү хотод болсон хөнгөн атлетикийн “Чэндү” марафон гүйлтийн олон улсын тэмцээнд амжилттай оролцож алтан медаль хүртсэн байна.
42 км-ын зайд болсон тус уралдаанд 30 мянга гаруй сонирхогч, мэргэжлийн 100 гаруй тамирчин өрсөлдсөнөөс ОУХМ Б.Мөнхзаяа 2:36:50 цагийн амжилт үзүүлжээ. Б.Мөнхзаяа өнгөрсөн жил урд хөршид болсон олон улсын марафонд түрүүлж, “Рио-2016” олимпийн наадамд оролцох эрхээ авсан юм.