Испани улсын Барселон хотноо Дэлхийн нэрт сопрано “MONTSERRAT CABALLE” нэрэмжит олон улсын дуурийн дуулаачдын XVI тэмцээн болжээ. Олон улсын тэмцээнд 58 орны 117 дуучин гурван үе шаттай өрсөлдсөн бөгөөд Монгол Улсыг төлөөлөн дөрвөн дуучин амжилттай оролцжээ.
Тэмцээний финалд 13 дуучин шалгарч Б.Монголхүү финалист болж Дэлхийн алдартай театр “Liceu opera house”-н тайзнаа дуулсандаа баяртай байгаагаа цахим хуудастаа бичжээ. Дуурийн залуу дуучин Б.Монголхүү нь 2007-2009 онд Соёл урлагийн их сургуулийг Хөдөлмөрийн баатар, Ардын жүжигчин Г.Хайдав багшийн удирдлага дор Дуурийн дуулаач мэргэжлээр суралцаж төгсчээ.
Тэрбээр 2014 онд ОХУ-ын Москва хотын Соёл урлагийн их сургуулийг профессор Л.О.Зимненкогийн удирдлага дор төгссөн. 2016 онд Москва хотын П.И.Чайковскийн нэрэмжит Консерваторийг профессор А.С.Ворошилогийн удирдлага дор тус тус суралцаж төгссөн байна.