Майкрософт компанийг үүсгэн байгуулагч Билл Гейтс тэрбумтны жагсаалтыг тэргүүлсэн талаар Блүүмбэрг агентлаг мэдээлжээ. Хоёр жил тэргүүн байраа алдаад байсан түүний одоогийн нийт хөрөнгө 110 тэрбум ам.доллар аж. Удаахь байрт онлайн худалдааны хамгийн том компани болох Amazon-ы тэргүүн Жефф Безос бичигдсэн агаад түүний хөрөнгө 109 тэрбум ам.доллар аж. Жагсаалтын гуравдугаарт, Францын тансаг хэрэглээний бараа бүтээгдэхүүний “Louis Vuitton Moet Hennessy” корпорацийн тэргүүн Бернар Арно 103 тэрбум ам.долларын хөрөнгөөрөө багтжээ.