Даатгалын хураамжийн орлого 2021 онд 243.3 тэрбум төгрөгт хүрч, даатгалын нөхөн төлбөрт 68.9 тэрбум төгрөг олгосон нь өмнөх оны мөн үеийнхээс даатгалын хураамжийн орлого 41.8 (20.8%) тэрбум төгрөгөөр, даатгалын нөхөн төлбөр 9.1 (15.2%) тэрбум төгрөгөөр тус тус өсжээ.
Даатгалын хураамжийн орлого 2021 оны 4 дүгээр улиралд 54.8 тэрбум төгрөг болж, өмнөх улирлаас 22.5 (29.1%) тэрбум төгрөгөөр буурчээ. Даатгалын нөхөн төлбөрт 2021 оны 4 дүгээр улиралд 24.0 тэрбум төгрөг олгосон нь өмнөх улирлаас 8.1 (50.5%) тэрбум төгрөгөөр өсжээ.
Даатгалын хураамжийн орлого 2021 онд өмнөх оныхоос 41.8 тэрбум төгрөгөөр өсөхөд хөрөнгийн даатгалын хураамжийн орлого 16.0 (32.2%) тэрбум төгрөгөөр, авто тээврийн хэрэгслийн даатгалын хураамжийн орлого 14.1 (40.5%) тэрбум төгрөгөөр, агаарын хөлгийн даатгалын хураамжийн орлого 4.8 (73.9%) тэрбум төгрөгөөр тус тус өссөн нь нөлөөлжээ.
Даатгалын хураамжийн нийт орлогын 26.9 хувийг хөрөнгийн даатгал, 20.1 хувийг авто тээврийн хэрэгслийн даатгал, 15.3 хувийг жолоочийн хариуцлагын даатгал эзэлж байна. Даатгалын нөхөн төлбөр 2021 онд өмнөх оныхоос 9.1 (15.2%) тэрбум төгрөгөөр өсөхөд гэнэтийн осол, эмчилгээний даатгалын нөхөн төлбөр 2.7 (25.6%) тэрбум төгрөгөөр, мал амьтдын нөхөн төлбөр 1.5 (3.4 дахин) тэрбум төгрөгөөр, эрүүл мэндийн даатгалын нөхөн төлбөр 1.0 (3.4 дахин) тэрбум төгрөгөөр тус тус өссөн нь нөлөөлжээ.
Даатгалын нийт нөхөн төлбөрийн 19.0 хувийг гэнэтийн ослын даатгал, 27.1 хувийг жолоочийн хариуцлагын даатгал, 27.6 хувийг авто тээврийн хэрэгслийн даатгал тус тус эзэлж байна. Даатгуулагчид 2021 онд 1.2 сая болж, өмнөх оныхоос 107.8 (9.8%) мянгаар өсжээ. Даатгуулагчдын 82.8 хувь нь иргэн, 17.2 хувь нь хуулийн этгээд буюу аж ахуйн нэгж, байгууллага байна.