Авлигатай тэмцэх газар он гарсаар нэгдүгээр сарын 5-10-ны өдрүүдэд шинээр гэмт хэргийн шинжтэй 17 гомдол, мэдээлэл хүлээн авч, нийт 26 гомдол, мэдээллийг шалгажээ. Үүнээс нэг гомдол, мэдээлэлд эрүүгийн хэрэг үүсгэж, гурван гомдол, мэдээллийг эрүүгийн хэрэг үүсгэхээс татгалзах, нэг гомдол, мэдээллийг харьяаллын дагуу прокурорт шилжүүлсэн байна.
Тухайн долоо хоногт эрүүгийн 2 хэрэг хүлээн авч, шинээр эрүүгийн 1 хэрэг үүсгэсэн байна. Нийт эрүүгийн 41 хэрэгт мөрдөн байцаалтын ажиллагаа явуулснаас эрүүгийн 2 хэргийг хэрэгсэхгүй болгох саналтайгаар прокурорт шилжүүлж, одоогийн байдлаар эрүүгийн 39 хэрэгт мөрдөн байцаалтын ажиллагаа явуулж байна.