Дорноговь аймгийн Замын-Үүд сум дахь Гаалийн газрын улсын ахлах байцаагчийг энэ сарын 26-ны өдөр авлига авсан хэргээр баривчилжээ. Бусдаас авлига авч байна гэх мэдээллийн дагуу АТГ-ын мөрдөн байцаагч нар тухайн байцаагчийг үйлдэл дээр нь баривчилсан байна.
Авлига авч байгаад үйлдэл дээрээ баригдсан улсын байцаагчийг ШШГЕГ-ын харьяа 461 дүгээр урьдчилсан хорих ангид саатуулаад байгаа аж.