Author: ДАВААДОРЖИЙН ОТГОНТУЯА

Categories
мэдээ нийгэм

Оны эхний найман сард 2850 аюулт үзэгдэл, ослын тохиолдол бүртгэгдэж, 197 хүн амиа алджээ DNN.mn

Гамшиг, аюулт үзэгдэл, ослын тохиолдол 24 хувиар өсчээ | News.MN

Аюулт үзэгдэл, ослын тохиолдол энэ оны эхний найман сарын байдлаар 2,850 болж, өмнөх оны мөн үеэс 251 буюу 9.7%-аар өсжээ.

Объектын түймэр энэ оны эхний найман сарын байдлаар 2,088 удаа бүртгэгдэж, өмнөх оноос 404 (24%)-өөр, биологийн гаралтай аюулт үзэгдэл 146 болж, өмнөх оны мөн үеэс 113 (4.4 дахин их)-аар тус тус өссөн байна.

Аюулт үзэгдэл, ослын улмаас тус сард нийт 197 хүн амь насаа алдаж, өмнөх оны мөн үеэс есөөр буюу 4.1%-аар буурсан байна. Мөн нийт 13.9 тэрбум төгрөгийн хохирол учирч, 6.6 тэрбум төгрөг зарцуулсан болохыг Үндэсний Статистикийн Хорооноос мэдээллээ.

Аюулт үзэгдэл: Хүчтэй цасан болон шороон шуурга, ган, зуд, үер, газар хөдлөлт, цөлжилт болох, гал түймэр, хүн, мал, амьтны болон ургамлын гоц халдварт өвчин гарах, хортон мэрэгчид тархах зэргийг ойлгоно.
Categories
мэдээ цаг-үе

НДШ-ийн 50 хувийг буцаан авах дансны дугаараа солих, засах боломжтой боллоо DNN.mn

НДШ-ийн 50 хувийг буцаан олгох эцсийн шийдвэр гарлаа

УИХ-ын шийдвэрийн дагуу нэг сая төгрөг ба түүнээс доош цалин хөлс, орлоготой иргэд нийгмийн даатгалын шимтгэлийнхээ өөрөө хариуцан төлсөн 50 хувийг буцаан авч буй.

Тэгвэл энэхүү үйлчилгээ цахимжиж, e-mongolia системд орсон байна. Тодруулбал, иргэн та “e-mongolia” системээр дамжуулан “Нийгмийн даатгалын шимтгэлийн 50 хувийн буцаан олголт авах дансны дугаараа холбох, засах” боломжтой болжээ.

Энэхүү үйлчилгээг www.e-mongolia.mn вебсайт болон гар утасны аппликейшнээс шууд авах боломжтой.

ҮЙЛЧИЛГЭЭ АВАХ ЗААВАР:

  1. e-mongolia.mn эсвэл гар утасны аппликейшн рүү нэвтрэх
  2. Үйлчилгээнүүд цэсээс НИЙГМИЙН ХАМГААЛАЛ гэсэн үйлчилгээг сонгох
  3. Нийгмийн хамгаалал үйлчилгээнээс ДААТГАЛ гэсэн цэсийг сонгоно
  4. Даатгал цэсээс Нийгмийн даатгалын шимтгэлийн 50 хувийн буцаан олголт авах дансны дугаар холбох, засах гэсэн үйлчилгээг сонгож, тус үйлчилгээг цахимаар шууд авах боломжтой юм.

“e-Mongolia” системээс өнөөдрийн байдлаар 63 байгууллагын 687 үйлчилгээ, 21 аймгийн 1,284 үйлчилгээ нэгтгэгдээд байгаа бөгөөд давхардсан тоогоор 14 сая гаруй үйлчилгээг амжилттай авчээ.

Эх сурвалж: ЦХХХЯ

Categories
мэдээ нийгэм цаг-үе

ТОО БАРИМТ: “Цахим бүслэлт ба Нийгмийн сэтгэлзүй” IV чуулганаар дурдагдсан тоо баримт DNN.mn

Дэлхийн Хэвлэлийн эрх чөлөөний өдрийг тохиолдуулан “Цахим бүслэлт ба Нийгмийн сэтгэлзүй” IV чуулган өчигдөр болж өндөрлөлөө.

Тус чуулганаар цахим орчин түүний нөлөөлөл, хүний эрх, хүүхэд хамгаалал, сэтгүүлчийн ёсзүйн код ба гэмт хэргийг мэдээлэх, цахим орчинд үйлдэгдэж байгаа гэмт хэрэг, хүүхдийн хүчирхийлэл зэрэг асуудлыг хөндөн хэлэлцүүлэг зохион байгуулсан юм.

ИНГЭЭД ХЭЛЭЛЦҮҮЛГИЙН ҮЕЭР ДУРДАГДСАН ТОО БАРИМТЫГ ХҮРГЭЖ БАЙНА

2021 оны байдлаар Монгол Улсын хүн амын 78.7 хувь нь сошиал медиа хэрэглэдэг гэсэн судалгаа гарчээ.

Үүнээс 18-40 насныхны буюу 93 хувь нь фэйсбүүк ашигладаг.

Сошиал идэвхтэй хэрэглэхийн хэрээр цахим орчин дахь ялгаварлан гадуурхалт, бусдыг гүтгэн доромжилсон, хүчирхийллийг дэмжсэн ёс бус үйлдлүүд ихэссэнээс гадна хүүхдийн аюулгүй байдал нэн тулгамдсан асуудал болж буйг илтгэгчид дурдсан юм.

МОНГОЛ УЛСАД .MN ДОМЭЙН НЭРТЭЙ 17161 ХАЯГ БАЙГААГААС 10129 НЬ БУЮУ 60 ХУВЬ НЬ ИДЭВХТЭЙ БАЙНА

Үндсэн бүртгэгч байгууллага Датаком ХХК- 10236

Гэрээт бүртгэгч: 6 компани

Бүртгэл хийсэн: 7324

ДОМЭЙН НЭР:

  • Мэдээ, мэдээлэл-384
  • Цахим худалдаа-556
  • Цахим тоглоом-8
  • Цахим үйлчилгээ-1228
  • Хувийн байгууллага- 3236
  • Төрийн байгууллага- 271
  • Санхүү үйлчилгээ- 199
  • Мэргэжлийн холбоо- 200
  • ОУ-ын байгууллага- 55
  • Бусад- 3996 байна.

2022 ОНЫ ЭХНИЙ 4 САРД ЦАХИМ ОРЧИНД 3661 ГЭМТ ХЭРЭГ БҮРТГЭГДЖЭЭ

  • 2020 онд – 1107 гэмт хэрэг
  • 2021 онд – 5697 гэмт хэрэг
  • 2022 оны эхний 4 сард 3661 буюу нийт 10465 гэмт хэрэг бүртгэгдсэн байна.

Мөн энэ онд 1300 орчим хаяг хязгаарлажээ. /Мөрийтэй тоглоом-30, Садар самуун-3, Оюуны өмчийн 13/

2021 онд хандах эрхээ алдсан 4 тохиолдол байна.

Б.Сэмжидмаа: Цахим гэмт хэрэг сүүлийн жилүүдэд хил дамнасан байдлаар идэвхжиж эхэлсэн

Баянгол дүүргийн ИТХ-ын дарга, Дүүргийн гэмт хэргээс урьдчилан сэргийлэх ажлыг зохицуулах зөвлөлийн дарга Б.Сэмжидмаа “Сүүлийн жилүүдэд цахим орчинд залилах гэмт хэрэг өссөн. Цагдаагийн байгууллагын статистик мэдээллээр залилах гэмт хэрэг нь 2019 онд өмнөх оноосоо 12 хувиар өссөн бол 2020 онд 8 хувиар өссөн. Харин 2021 оны эхний гурван сарын байдлаар 6558 гэмт хэрэг бүртгэгдэж байв. Тэгвэл 2022 онд 28 хувиар өссөн үзүүлэлт гарлаа. Эдгээр гэмт хэргийн 4074 нь зөвхөн цахим орчинд үйлдэгдсэн. Баянгол дүүргийн хэмжээнд гэхэд 1065 цахим гэмт хэрэгт бүртгэгдсэн нь өмнөх оноос 55 хувиар өссөн үзүүлэлттэй байна. 2021 онд 17.5 хувь, 2022 онд харин буурсан ч гэсэн учруулсан хохирол нь асар их байгаа юм. Цахим гэмт хэрэг сүүлийн жилүүдэд хил дамнасан байдлаар идэвхжиж эхэллээ. Баянгол, Сүхбаатар, Чингэлтэй дүүрэгт залилах гэмт хэрэг хамгийн их бүртгэгдэж байна” гэлээ.

ЗАЛИЛАХ ХЭРГИЙН УЛМААС ХОХИРСОН ИРГЭДИЙН ТОО /Баянгол дүүргийн хэмжээнд авч үзэв/

Тоон үзүүлэлт:

  • 2019 онд 1315
  • 2020 онд 1192
  • 2021 онд 1412
  • 2022 оны нэгдүгээр улиралд 1062 иргэн хохирчээ.

Э.Баярбаясгалан: Тухайн үед охины нэр зургийг ил гаргаснаар насанд хүрээд тэр бичлэгээ устгуулъя гэж ЦЕГ-т удаа дараа хүсэлт гаргасан

Харин ЦЕГ-ын ГБХХЭГХТХ-ийн дарга, Цагдаагийн хошууч Э.Баярбаясгалан “Хүчирхийлэлд өртсөн хүүхдийн талаар сэтгүүлчид мэдээлэл бэлтгэхдээ охины нэр зургийг ил тод харуулж, охиныг нүцгэлэн эмчид үзүүлж буйг хүртэл тод харуулсан. Охин асрамжийн газарт өсөж байгаа бөгөөд насанд хүрэх үедээ энэ бичлэг өөрт нь сайн нөлөө авчрахгүйг мэдэх учраас энэ бичлэгийг устгаж өгөөч хэмээн ЦЕГ-аас удаа дараа хүсэлт гаргасан. Мөн үнэртүүлэгч зардаг хүүгийн тухай мэдээллийг сэтгүүлчид цензургүй тарааснаас үүдэн хүү амиа хорлосон бодит жишээ ч бий” хэмээн ярив.

Г.Гүнжидмаа: Сүүлийн долоон жилд сэтгүүлч ёсзүйн алдаа гаргасан гэх 500 гаруй гомдол хүлээн авсан

Хэвлэл мэдээллийн зөвлөлийн Гүйцэтгэх захирал Г.Гүнжидмаа “Хэвлэл мэдээллийн зөвлөлд сүүлийн долоон жилд сэтгүүлч ёсзүйн алдаа гаргасан гэх гомдол 500 гаруйг хүлээн авсан. Жилд 100 орчим ирдэг. Үүний 3/1 нь ялгаварлан гадуурхалт, хувийн амьдрал, гүтгэн доромжилсон агуулгатай байсан

Сэтгүүлзүй чанаржиж байгаа. Редакци ажилчдаа цалинжуулах, татвар нийгмийн даатгалаа төлөх зэргээр амьдрах хэрэгтэй. Орлогын олон янз байдлыг дэмжих боломж харамсалтай нь манайд гарч ирсэнгүй. Хараат бус мэргэжлийн редакцийг дэмжих асуудлыг дэлхий нийт гаргаж ирж байна. Та нар хичээгээд ёсзүйтэй мэдээлэл бэлтгэ гээд хаячихвал хэдэн редакци тунаж үлдэх вэ. Хэдэн жилийн өмнө 70-80 хувь нь эзний хамааралтай байсан. Одоо энэ байдал буурсан. Бие даасан редакциуд маш их гарч ирлээ. Эрхзүйн хязгаарлалтаас улбаалсан цензур Монгол Улсыг хараат, хагас эрх чөлөөтэй гэж ойлгуулж байгаа” гэв.

Ж.Гантулга: Хэн ч байсан хүүхдэд хүчирхийлэл гаргаж болохгүй

СЭМҮТ-ийн төсөл хөтөлбөр хариуцсан мэргэжилтэн, эмч Ж.Гантулга “Хүүхдээ сошиал орчинд хэр их цаг зарцуулж буйг мэдэхийн тулд доорх зургаан асуултад хариулаарай. Эдгээрээс гурваас дээшээ асуултад “тийм” гэж хариулж байвал эрсдэлтэй гэсэн үг.

  • Тэд ихэнх цагийг сошиал орчны тухай бодож, түүнийг хэрхэн ашиглах талаар бодож байна уу?
  • Сошиал орчны хэрэглээ улам л нэмэгдсээр байгаа юу?
  • Өөрсдөдөө тулгамдсан асуудлаа мартахын тулд сошиал медиа ашиглаж байна уу?
  • Сошиалд зарцуулж буй цагаа багасгах гэсэн бүтэлгүй оролдлого хийсэн үү?
  • Сошиал тэдний ажил сургууль, хичээлд нь сөргөөр нөлөөлж эхэлсэн үү? зэрэг асуултад “тийм” гэсэн хариулт өгвөо таны хүүхэд сошиалд хамааралтай болсон гэсэн үг юм.

Нөгөөтэйгүүр, сошиал замбараагүй хэрэглээ өсвөр насныханд ялгаварлан гадуурхалт, цахим дээрэлхэлтийг бий болгож байгаа учраас энэ чиглэлд хэвлэл мэдээлэл хамтран ажиллах ёстой. Мөн заавал Сэтгэцийн эрүүл мэндийн газарт очилгүйгээр 1800-2000 дугаарт залган зөвлөгөө мэдээлэл аваарай. Хэн ч байсан хүүхдэд хүчирхийлэл гаргаж болохгүй” гэлээ.

Монголын сайтын холбооноос “Цахим бүслэлт ба Нийгмийн сэтгэлзүй” сэдвийн хүрээнд уриалга гаргасан бөгөөд тухайн урилгыг сайжруулан бусад хэвлэл мэдээллийн салбарт хүргүүлсний дараагаар нийтэд ил болгоно.


Categories
мэдээ нийгэм онцлох-нийтлэл туслах-ангилал

DNN-ТОДРУУЛГА: Аймаг, сумдад ноолуурын ханш дунджаар 100-150 мянган төгрөг байна || DNN.mn


Ноолуурын үнэ, хаваржилтын талаар малчдаас болон холбогдох албаны хүмүүсээс тодрууллаа.

Дорнод аймгийн Баянтүмэн сумын малчин Б.Сумъяа:

-Манай сумаар хаваржилж гайгүй л байна. Ер нь хар байсан өчигдөр жаахан цас орж, малын амны цастай боллоо. Маргааш гэхэд хайлчих байх. Манайх ер нь энэ хавьдаа суурин байдаг айл. Одоогоор бог мал төллөж эхлээгүй. Ганц нэг бод мал төллөж байна. Энэ хавиар ноолуур гарсан. Айлууд ямаагаа самнаад л байна. Манайх хараахан самнаж эхлээгүй. Ноолуур 150 мянган төгрөгийн үнэтэй байгаа гэсэн.

Дорнод аймгийн Баянтүмэн сумын ЗДТГ-ын тасгийн мэргэжилтэн Д.Түмээ:

–Аймгийн хэмжээнд нийт 22.963 мянган толгой мал төллөөд байна. Үүнээс ингэ 24 толгой, гүү 1280 толгой, үнээ 3414 толгой, хонь 11530 толгой, ямаа 6715 толгой мал төллөсөн. Харин 44 толгой төл хорогдож 22919 толгой төл бойжиж төллөлт 1.8 хувьтай байна. Хаваржилтын хувьд өчигдөр жаахан цас орсон. Түүнээс бол гайгүй л байна. Ноолуур 140 мянган төгрөг байна.

Хэнтий аймгийн статистикийн хэлтэс:

-Гуравдугаар сарын 23-ны байдлаар ноолуур 135 мянган төгрөг байсан.

ХЭНТИЙ АЙМГИЙН НООЛУУР ЧЕНЖ: Хэвлэлээр 160 мянган төгрөг гээд худлаа яриад л байх юм. Манай энд ноолуур 130-140 төгрөгийн хооронд байгаа.

Дорноговь аймгийн Өргөн сумын Засаг дарга Ч.Мөнхдаваа:

-Саяхан цас орж хайллаа. Сүүлийн хэд хоног салхи шуургатай байсан. Мал төлөлтийн хувьд сайхан байгаа шүү. Ер нь л давгүй сайн байна. Мөн малчид ямаагаа самнаад эхэлсэн, 120-125 мянган төгрөгийн үнэтэй байна. Өнөөдөр тэнгэр тогтож байх шиг байна. Тийм бол ямаагаа самнаж эхэлнэ. Тэгэхээр үнэ өсөж, хэлбэлзэж магадгүй.

Увс аймгийн Тэс сумын малчин Д.Балдорж:

-Сайхан хаваржиж байна. Тэнгэр хангай сайхан дулаахан байна. Ноднин жилийг бодвол их сайхан өнтэй байна. Өнгөрсөн жил гуравдугаар сард гэнэт цасаар дарчихсан. Мал бүрэн төллөж дуусаагүй байгаа. Манай нутаг цаг агаарын эрс, тэс уур амьсгалтай болохоор ямаагаа самнаж эхлээгүй тавдугаар сарын эхээр ямаагаа самнадаг. Ноолуурын үнэ дунджаар 100 мянган төгрөг байсан.

Сэлэнгэ аймгийн Алтан булаг сумын Хөдөө Аж ахуйн газрын дарга Б.Буян-Өлзий:

-Урд шөнө жаахан цас орлоо. Хоёрдугаар сард дулаахан гайгүй байсан ч энэ сард салхи шуургатай байна. Бусдаар бол хаваржилт сайн байгаа. Мал төллөлт 25-30 хувьтай байна. Айлууд ямаагаа самнаж эхлээгүй.

Говьсүмбэр аймгийн Шивээговь сумын Засаг даргын тамгын газрын дарга Ц.Цэрэндорж:

-Хаваржилт хүндрэлгүй сайхан байна. Хэд хоног жаахан шуурсан. Ноолуурын үнэ ханшийн хувьд манай сум ямаагаа арай самнаж эхлээгүй байгаа. Гэхдээ аймаг дээр 120-130 мянган төгрөгийн ханштай байсан. Манайх аймгийн төвөөсөө 32 километрын зайд байдаг л даа.

Увс аймгийн Өлгий сумын малчин Т.Энэбиш:

-Манайх одоо л ямаагаа самнаж эхэлж байна. Энэ жилийн хувьд ямаагаа хурдан самнах байх. Сургуулийн хүүхдүүд маань ирчихсэн байгаа болохоор санаа зовох юм алга. Урд нь хоёулаа л хаваржин самнаад дуусгадаг байлаа. Өглөө эрт босоод хэдэн ямаа барьж уяад л эхэлнэ шүү дээ. Өдөрт 10-20 ямаа самнаж байтал дуусдаг л юм. Ноолуурын үнэ энэ жил 100-120 мянган төгрөг хооронд байна гэж ярьсан бор, цагаан гээд ноолуурынхаа өнгөнөөс шалтгаалдаг юм аа.

Дундговь аймгийн Өндөршил сумын Засаг дарга У.Алтанхүү:

-Хаваржилт харьцангуй сайхан болж байна. Мал төллөлт 60 гаруй хувьтай. Ямаагаа дөрөвдүгээр сар гаргаж байгаад самнадаг. Гэхдээ зар харахад 100 мянган төгрөгийн үнэтэй байсан.

Дорноговь аймгийн Өргөн сумын малчин О.Энхцэцэг:

–Хаваржилт яахав дээ л байна. Идэш муу. Ер нь өмнөх хэд хэдэн удаагийн цас орсон. Өчигдөр шороо л шуурлаа. Айлууд ямаагаа самнаад эхэлчихсэн. Ноолуур 120-130 мянган төгрөгийн хооронд байх шиг байна. Манайх ямаагаа самнаад эхэлсэн ч сая хэд хоног хүйтрээд түр азначихлаа. Самнасан ноолуураа тушаагаагүй л байна даа. Одоогоор хонь төллөж байна. Бусад нь арай болоогүй ээ.

Төв аймгийн Сүмбэр сумын Засаг дарга Д.Батбилэг:

-Хаваржилт сайхан болж байна. Өчигдөр бага зэрэг салхилсан ч учиргүй хүндрэлтэй байгаа юм алга. Мал төллөлт 20 хувьтай байна. Ноолуурын үнэ тогтворжоогүй байна. Учир нь ямаа самналт эхлээд 10 хувьтай л явж байна. Өмнө долоо хоногт 52-ын давааны түүхий эд борлуулах цэг дээр аваачиж өгөхөд 150 мянган төгрөгийн ханштай байсан даа. Удахгүй жаахан буух байх гэж бодож байна.

Ховд аймгийн Мөст сумын малчин Ч.Төрбат:

-Манайх энэ жил 300-гаад ямаа самнана. Ноолуур 1кг нь 100 мянган төгрөг байх шиг байна. Ноолуур авч байгаа ченжүүд ч ховор байна. Манай эндхийнхэн ямаагаа самнаж дуусах үеэр хэд хүрэх бол мэдэхгүй л юм. Ер нь л өмнөх аймгуудыг бодвол килограмм тутамд 10, 20 мянган төгрөгөөр хямд өгдөг шүү.

Үндэсний статистикийн хорооноос гаргасан тоон мэдээллийг хүргэж байна

Үндэсний статистикийн хорооноос гаргасан мэдээллээр цагаан ноолуурын үнэ өнгөрсөн долоо хоногоос 7500 төгрөгөөр буурчээ

Аймаг

Ноолуур, кг

Ноолуур, кг

Ноолуур, кг

Ноолуур, кг

Ноолуур, кг

Ноолуур, кг

Цагаан

Бор

Цагаан

Бор

Цагаан

Бор

Цагаан

Бор

Цагаан

Бор

Цагаан

Бор

Код

Нэр

II.16

II.23

III.02

III.09

III.16

III.23

1

Архангай

–

–

–

–

–

–

–

–

–

–

–

–

2

Баян-Өлгий

115000

115000

115000

115000

115000

115000

110000

110000

110000

110000

110000

110000

3

Баянхонгор

–

–

–

–

–

–

–

–

–

–

–

–

4

Булган

55000

55000

55000

55000

55000

55000

105000

105000

105000

105000

105000

105000

5

Говь-Алтай

116000

116000

116000

116000

116000

116000

116000

116000

116000

116000

116000

116000

6

Дорноговь

100000

100000

100000

100000

100000

100000

100000

100000

100000

100000

110000

110000

7

Дорнод

–

–

–

–

150000

150000

150000

150000

150000

150000

142500

142500

8

Дундговь

100000

100000

100000

100000

100000

100000

100000

100000

100000

100000

100000

100000

9

Завхан

–

–

–

–

–

–

–

–

–

–

120000

120000

10

Өвөрхангай

106600

106600

106600

106600

100000

100000

100000

100000

125000

125000

125000

125000

11

Өмнөговь

100000

100000

100000

100000

100000

100000

80000

80000

80000

80000

80000

80000

12

Сүхбаатар

–

–

150000

150000

150000

150000

130000

130000

130000

130000

130000

130000

13

Сэлэнгэ

–

–

–

–

–

–

–

–

–

–

120000

110000

14

Төв

–

–

–

–

–

–

–

–

–

–

120000

115000

15

Увс

–

–

–

–

–

–

–

–

–

–

–

–

16

Ховд

95000

90000

95000

90000

95000

90000

95000

90000

95000

90000

95000

90000

17

Хөвсгөл

–

–

–

–

–

–

–

–

–

–

–

–

18

Хэнтий

–

–

–

–

–

–

–

140000

–

150000

–

135000

19

Дархан-Уул

–

–

–

–

–

–

–

–

–

–

–

–

20

Улаанбаатар

–

–

–

–

–

–

–

–

–

–

–

–

21

Орхон

110000

100000

110000

100000

110000

100000

130000

130000

130000

130000

130000

130000

22

Говьсүмбэр

–

–

–

–

–

–

–

–

130000

100000

130000

100000


WWW.DNN.MN

Д.БАТТОГТОХ

Д.ОТГОНТУЯА

М.САЙНЗАЯА

Categories
мэдээ энтертаймент-ертөнц

Интерьер дизайнд гаргадаг түгээмэл алдаа || DNN.mn

Байраа тохижуулахад тохиолддог хамгийн түгээмэл алдаануудыг хэрхэн шийдэх талаарх зөвлөгөөг хүргэж байна.

Сэтгэлд нийцсэн интерьер дизайныг гаргахын тулд юунд анхаарах ёстой вэ?

Гэрэлтүүлгийн ач холбогдлыг дутуу үнэлэхгүй байх

Тухайн орчинг хэрхэн хүлээж авах нь өрөөний гэрэлтүүлгээс ихээхэн хамаардаг. Гэрлээс шалтгаалан хана, тавилгын өнгө хувирдаг бөгөөд энэ нь хүний сэтгэл санаанд нөлөөлдөг билээ. Тус сэдвийн дагуу “Nicole Hollis Inc” компанийн дизайнер Николь Холлис “Гэрлийг мэргэжлийн хүний тусламжтай байршуулах хэрэгтэй. Харин таазны гэрэл, босоо гэрэл болон ширээний гэрэл гэсэн гурван гэрэлтүүлгийг байршуулаарай” гэж зөвлөжээ.

Интерьер дизайнд гаргадаг түгээмэл алдаанууд: Хэрхэн гэрээ зөв тохижуулах вэ? (фото 1)

Хэт том эсвэл хэт жижиг тавилга сонгохгүй байх

Тавилга эсвэл декорын хэмжээ тухайн орон зайн гоо зүй болон зориулалтыг эвдэхгүй байх шаардлагатай юм. Жишээлбэл, том буйдан авсан ч доор нь тавих хивс стандарт 200×300 хэмжээтэй бол энэ нь яг л захидал дээр наасан шуудангийн марк шиг хэмжээний хувьд зохимжгүй харагдах болно. Тиймээс буйдан тавьсан ч дөрвөн талдаа дор хаяж 30см илүү зай гарах хивсийг сонгоорой.

Интерьер дизайнд гаргадаг түгээмэл алдаанууд: Хэрхэн гэрээ зөв тохижуулах вэ? (фото 2)

Уран зургийг зөв байршуулах

Гэрийн орчинг илүү амьд, үзэсгэлэнтэй болгодог декоруудын нэг болох уран зургийг хэт өндөрт биш, харин харааны түвшинтэй ижил өндөрт байршуулах нь тохиромжтой. Ингэснээр уран зураг дан ганц гэрийн тань ханыг чимээд зогсохгүй сэтгэл санааг дээшлүүлэх дулаан хэсэг нь болдог. Үүнээс гадна интерьерийг хэт энгийн, уйтгартай болгохгүйн тулд уран зургийг нэг хананд хэт олноор нь өлгөхгүй байхыг мэргэжилтнүүд анхааруулдаг аж.

Интерьер дизайнд гаргадаг түгээмэл алдаанууд: Хэрхэн гэрээ зөв тохижуулах вэ? (фото 3)

Нэг газарт хэт их декор байршуулахгүй байх

Аливаа декор, тавилгыг их хэмжээгээр эсвэл зай, завсаргүй шахаж байршуулах нь интерьер дизайныг нураадаг бас нэгэн хүчин зүйл юм. Тухайлбал, нэг том ширээний оронд гурван жижиг ширээ тавьж эсвэл тавиур дээр хэт их жаазтай зураг байршуулахаас зайлсхийгээрэй.

Интерьер дизайнд гаргадаг түгээмэл алдаанууд: Хэрхэн гэрээ зөв тохижуулах вэ? (фото 4)

Бүх тавилгуудаа хананд нааж тавихгүй байх

Бүх тавилгуудаа ханатай ойрхон байршуулах нь гэрийн уур амьсгалыг маш уйтгартай болгодог. Иймээс илүү сонирхолтой орчныг бүрдүүлэхийн тулд гэрийнхээ орон зайг боломжоороо ашиглах шаардлагатай. “Young Huh Interior Design” компанийн захирал Янг Ха “Тавилгуудаа шууд байршуулж эхлэхээсээ өмнө цаасан дээр санаануудаа буулгаад ерөнхий төсөөллөө бий болго. Хэрэв та юу ч бодож олж чадаагүй бол өрөөний төв хэсэгт хэд хэдэн сандал тавих арга байдаг” хэмээн зөвлөжээ.

Интерьер дизайнд гаргадаг түгээмэл алдаанууд: Хэрхэн гэрээ зөв тохижуулах вэ? (фото 5)


Эх сурвалж: Buro247

Categories
мэдээ нийгэм онцлох-нийтлэл туслах-ангилал

ЗГ: Украинаас бүх иргэдээ татаж авлаа || DNN.mn

Засгийн газрын хуралдаанаас гаргасан шийдвэрийг танилцуулж байна.

Гадаад харилцааны сайд Б.Батцэцэг “Хоёрдугаар сарын 25-наас Монгол Улс Украин дахь иргэдээ татаж эхэлсэн.

Өнөөдрийн байдлаар хүсэлт гаргасан иргэдээ бүгдийг нь татаж авлаа. Харьковт байсан 15 оюутан энэ мөчид Польш улсын хилээр орж ирж байна. 15 минутын өмнө Украинаас гарсан гэсэн үг. Нийт 58 иргэнийг Польшийн хилээр татаж авч эх оронд нь ирүүлэх ажиллагааг ГХЯ, Польш дахь Элчин сайдын яам амжилттай зохион байгууллаа.

Польш улсын хил нэвтэрсэн нийт иргэдээс 18 нь Монгол руу ниссэн, гурав нь Монголд ирсэн. Харин 15 нь Истанбулд байгаа. Маргааш эх орондоо ирнэ.

Киев хотоос хүсэлтээ гаргасан бүх иргэд ирсэн. Нэмээд иргэд эх орондоо ирэх хүсэлтээ өгч байна. Одоогоор Киев хотоос дахиад гурван иргэн эх орондоо ирэх хүсэлтээ гаргасан бөгөөд нэг нь Киргиз улсын иргэн юм. Эдгээр иргэнийг татаж авна” гэлээ.

Categories
мэдээ энтертаймент-ертөнц

“Walt Disney” болон “Warner Bros” компани өөрсдийн киног ОХУ-д гаргахыг хориглов || DNN.mn

Украинд үүсээд буй нөхцөл байдалтай холбогдуулан Америкийн “The Walt Disney” компани кинонуудаа ОХУ-ын нутаг дэвсгэрт гаргахыг хориглосон талаар CNBC мэдээлжээ.

“The Walt Disney” компанийн төлөөлөгч “ОХУ Украин руу үндэслэлгүйгээр халдан довтолж улсын аюулгүй байдалд халдлаа. Иймээс бид ОХУ-ын кино театруудад өөрийн киног гаргахыг хориглож байна. Цаашид Украин дахь нөхцөл байдал хэрхэн өрнөхөөс хамаарч дараа дараагийн шийдвэр гарна” гэв.

Харин “The Walt Disney” мэдэгдэл гаргасны дараа Warner Bros компани “The Batman” киноны ОХУ дахь нээлтийг хойшлуулж байгаагаа мэдээлэв.

Categories
мэдээ нийгэм

“Хөх Монгол” бүлгэм, “Даяар Монгол” хөдөлгөөнөөс “No War” жагсаалыг эсэргүүцсэн шалтгаанаа тайлбарлав

“Хөх Монгол” бүлгэм, “Даяар Монгол” хөдөлгөөнөөс мэдээлэл хийлээ.

“Хөх Монгол” бүлгэмийн тэргүүн Д.Гансүрэн: Дэлхийн хэмжээний дайн болж болзошгүй аюултай нөхцөл байдал хүн төрөлхтний өмнө тулгараад байна. Тэр дундаа манай улс ОХУ-тай шууд хиллэдэг.

Гэтэл санаатайгаар залуусыг өдөөн турхирсан үйлдлийг нэр бүхий хүмүүс гаргаж байна. Тухайлбал, Монгол Улсын Ерөнхийлөгч байсан хүн хүртэл мэдэгдэл гаргалаа. Үүнийг өөхшүүлж No War гэдэг уриатай Украины далбааг барьсан хүмүүс Төв талбайд жагслаа.

Үүнийг бид үндэсний аюулгүй байдалд заналхийлж байгаа үйлдэл гэж харж байгаа. Монгол Улсын аюулгүй байдалд заналхийлсэн үйлдэл гэж үзсэн учраас бид хүч хэрэглэн Украины далбааг булааж, тэр үйлдлийг таслан зогсоосон. Зөвхөн тэр хэдхэн болчимгүй залуугийн хэм хэмжээнд Монгол Улсыг авч үзэх вий гэдэг үүднээс харах вий гэж үзсэн.

Өчигдрийн жагсаалтай бараг зэрэгцээд Монгол Улсын Ерөнхийлөгч асан Ц.Элбэгдорж мэдэгдэл хийсэн. Тэрхүү мэдэгдэлд маш ноцтой зүйл дурдсан байсан. Тухайлбал, “Эрх чөлөөнд хайртай Монголын ард түмэн Украинтай хамт. Бидний дунд ганцхан улс бий. Бусад нь бүгд бидэнтэй хамт” гэсэн байсан. Ингэж болохгүй. Нэг хүний үзэл бодлоор бүхэл бүтэн улс орныг төлөөлж болчимгүй мэдэгдэл хийлээ гэж үзэж байна.

Яг энэ мэдэгдэлтэй давхцаж “No double standart”, “No naadam” гэхчлэн бүхнийг үгүйсгэдэг нөхөд талбайд гарч жагссан. Тэдгээр нөхдийг талбай дээр байхад ОХУ-ын Элчин сайдын яамны машин хажуугаас нь ажиглаад байж байсан. Тиймээс бид энэ үйлдэлд хариуг нь барьсан.

Ийм нөхцөл байдалд бид хэн нэгний талд орох ёсгүй. Дайныг хүсдэг нэг ч ард түмэн байхгүй байх” гэв.

“Даяар Монгол” хөдөлгөөний тэргүүн Г.Бямбатулга: Украиныг илт дэмжиж, далбааг нь барьж жагсаж байгаа нь Оросыг шууд буруутгаж байгаа хэрэг юм. Ц.Элбэгдорж болон Ардчилсан намынхан Украины ард түмэнтэй үзэл санаа нэг гээд байгаа.

ОХУ-ын Ерөнхийлөгч “Энэ бол зөвхөн Орос болон Украины хоорондын асуудал. Хэрэв өөр улсууд оролцвол бид тохирох хариуг нь барина” гэсэн. Өчигдрийн жагсаалын тухай мэдээлэл ОХУ-ын Элчин сайдын яамаар дамжаад хүрчихсэн байгаа. ОХУ Монголтой байлдана гэж байхгүй. Тохирох хариу нь бензин, эрчим хүчний нийлүүлэлтэй зогсооно гэсэн үг. Үүний уршгийг бид үүрнэ” гэлээ.

Categories
мэдээ нийгэм

ХӨСҮТ: “Covid-19”-тэй ч антибиотик их хэрэглэвэл хордоно || DNN.mn

Цар тахлын үед антибиотик их хэрэглэснээс хордож эмнэлгийн тусламж авах нь нэмэгдсэн талаар ХӨСҮТ-өөс анхаарууллаа.

Халдварт өвчин судлалын үндэсний төвөөс “Covid-19”-ийн омикрон хувилбарын үед мэдрэхүйн шинж тэмдэг дельта болон бусад хувилбартай харьцуулахад бага илэрч байна. Харин булчин өвдөх, халуурах, толгой эргэх, огиудас хүрэх шинж тэмдэг түлхүү илэрч байна.

Насанд хүрсэн хүний тухайд 38-аас дээш хэмтэй халуурч, захын судасны хүчилтөрөгчийн хангамж муудвал өрхийн эмнэлэгтээ хурдан хандахыг зөвлөж байгаа. Гэрийн хяналтад байгаа хүмүүсийн хувьд эм ууж байгаа хэрнээ биеийн байдал хүндэрвэл өөр эм бэлдмэл нэмж хэрэглэхгүйгээр эмнэлэгт хэвтэх, тандалтын баг дуудаж үзүүлэх шатлалд шилжинэ. Харин хүүхдийн хувьд өндөр халуурч, шинж тэмдэг илэрвэл шууд эмнэлэгт хэвтэх зохицуулалт хийж байна.

Түлхүү хүндэрч байгаа иргэдийн дийлэнх хувийг суурь өвчтэй хүмүүс эзэлж байна. Тухайлбал, хорт хавдар, бөөрний архаг өвчин, дархлаа дарангуйлах эм хэрэглэж байгаа хүмүүс зэрэг хэд хэдэн заалтад хамаарах хүмүүсийг хавсарсан эмгэгтэй гэж үзэж, эмнэлэгт хэвтүүлэх арга хэмжээ яаралтай авч ажиллах үүрэг өгсөн гэсэн юм.

Гэрийн эмчилгээний багц тухайн хүний биеийн байдлаас шалтгаалж харилцан адилгүй байгаа нь үнэн. Тухайн багцыг өвчтөнүүдийн эрэмбэлэн ангилалтыг үндэслэн олгож байна. Хавсарсан суурь өвчтэй эсэх болон биеийн байдал хэр хүнд байгаагаас хамаарч дархлаа дэмжих, вирусийн эмийн багц олгож байна. Өрхийн эмч шинж тэмдэгт тулгуурлан үзлэг оношилгоо хийснээр ямар багц олгохыг шийднэ. Халдвар авсны дараа тандалтын баг үзэж, шинж тэмдэг нэмэгдээгүй, биеийн байдал хэвийн бол гэрийн тусгаарлалтаас долоо хоногийн дараа гарч болно.

Гэрийн эмчилгээнд байгаа хүмүүс шинж тэмдэг нь буурахгүй, зовиур нэмэгдвэл яаралтай эмчид хандах хэрэгтэй. Дур мэдэж цэр ховхлох эм, антибиотик хэрэглэж байна. Үүнээс болоод эмийн хордлогод орж ирэх тохиолдол нэмэгдсэн. Тиймээс гэрийн хяналтад байгаа хүмүүс биеэ сайн анхаарах хэрэгтэй.

Орны нөөц, тандалтын багийн хүртээмж дээр иргэд санаа зовохгүй байж болно. Өрхийн эрүүл мэндийн төв бүр дээр “Covid-19”-ийн тусгайлан гаргасан цэг ажиллаж байна. Хөнгөнөөс бусад ангилал руу орвол эмнэлэгт хэвтүүлэх хэлбэр рүү орж байна. Бүх хүнд багцын эм олгох боломжгүйг иргэд ойлгох хэрэгтэй. Эмч юу гэж зөвлөнө түүнийг л дагах нь зөв гэдгийг мэдээллээ.

Categories
мэдээ нийгэм

Зэсийн баяжмалаас төсөвт төвлөрүүлсэн орлого 4.1 дахин өсчээ || DNN.mn

Зэсийн баяжмалаас төсөвт төвлөрүүлсэн орлого 4.1 дахин өсжээ

2022 оны 1 сарын байдлаар уул уурхайн салбараас улсын төсөвт 299.1 тэрбум төгрөгийг татвар, хураамж хэлбэрээр төвлөрүүлсэн байна. Ашигт малтмалын төрлөөр нь ангилан харвал:

  • Зэс 238.7 тэрбум төгрөг,
  • Алт 16.0 тэрбум төгрөг,
  • Нүүрс 15.8 тэрбум төгрөг,
  • Цайр 14.1 тэрбум төгрөг,
  • Хайлуур жонш 7.2 тэрбум төгрөг,
  • Төмөр 3.1 тэрбум төгрөг,
  • Бусад ашигт малтмал 4.1 тэрбум төгрөг.

Уул уурхай, олборлох салбараас улсын төсөвт төвлөрүүлсэн орлого өнгөрсөн оны мөн үеэс 158.7 тэрбум төгрөг буюу 2.1 хувиар өссөн байна. Дараах ашигт малтмалын улсын төсөвт төвлөрүүлсэн орлого өмнөх оны мөн үеэс өссөн үзүүлэлттэй гарсан байна. Үүнд:

  • Зэс 180.9 (4.1 дахин) тэрбум төгрөг,
  • Цайр 9.4 (3.0 дахин) тэрбум төгрөг,
  • Алт 8.9 (2.3 дахин) тэрбум төгрөг,
  • Бусад 2.8 (3.1 дахин) тэрбум төгрөг.

Харин дараах ашигт малтмалын улсын төсөвт төвлөрүүлсэн орлого өмнөх оны мөн үеэс буурсан үзүүлэлттэй гарсан байна. Үүнд:

  • Нүүрс 33.1 (67.7%) тэрбум төгрөг,
  • Төмөр 9.6 (75.6%) тэрбум төгрөг,
  • Хайлуур жонш 0.6 (8.2%) тэрбум төгрөг.