Улаанбаатар хот, Хан-Уул дүүрэг 8 дугаар хорооны “Богд хан” ууланд иргэн Г 10.19-ний өдөр самар түүхээр яваад сураггүй болсон тухай дуудлагыг 10.24-ний өдрийн 13:46 цагт хүлээн авсан.
Нийслэлийн Аврах ангийн алба хаагчид, эрэлч нохой, Хан-Уул дүүрэг дэхь Цагдаагийн 2 дугаар хэлтсийн алба хаагч, ар гэрийнхэнтэй хамтран Хан-Уул дүүргийн 8 дугаар хорооны харьяат иргэн Г/41 настай, эрэгтэй/-ыг эрэн хайх ажиллагааг зохион байгуулж 19:30 цагт зогсоосон.
Дундговь аймаг, Дэлгэрхангай сум. Ар шавагтай багийн “Шашир” гэдэг газар тус сумын харьяат малчин Н-ийн нэг үхэр 10 дугаар сарын 05-ны өдөр мал, амьтны халдварт “Галзуу” өвчний шинж тэмдэгтэй өвчилсөн тул дээж авч аймгийн МЭЛ-д шинжлүүлжээ.
10 дугаар сарын 09-ний өдрийн 23-113 дугаар хариугаар онош тогтоогдсон. Тус сумын Засаг даргын А/112 дугаар захирамжаар хязгаарлалтын дэглэм тогтоож, хяналтын нэг цэгт тус аймгийн Онцгой байдлын газрын алба хаагчид малчин Н-ийн өвчилсөн нэг үхрийг зориудаар устгаж, 2500 м2 талбайд халдваргүйжүүлэлт хийн ажиллах хугацаанд дахин мал, амьтан өвчлөөгүй тул тус сумын Засаг даргын 10 дугаар сарын 23-ны өдрийн А/177 дугаар захирамжаар хязгаарлалтыг цуцалжээ.
МҮБХ-ноос 11 дүгээр сард зохион байгуулах барилдааны хуваарийг гаргажээ.
-11 дүгээр сарын 04-нд 13:00 цагаас
Завхан аймгийн Их-Уул сумын харьяат, улсын начин Доржсүрэнгийн Батбаярын нэрэмжит аймаг, цэргийн цолтой 256 бөхийн барилдаан,
-11 дүгээр сарын 05-нд 13:00 цагаас
Авто замын салбар үүсэж хөгжсөний 94 жилийн ой, Авто замчдын баярт зориулсан улс, аймгийн алдар цолтой 128 бөхийн барилдаан,
-11 дүгээр сарын 11-нд 13:00 цагаас
ТВ9 ТВ-ийн 20 жилийн ойд зориулсан улс, аймгийн алдар цолтой 128 бөхийн барилдаан,
-11 дүгээр сарын 12-нд 11:00 цагаас
Увс аймгийн Бөхмөрөн сумын харьяат, аймгийн арслан Норжингийн Баярмагнайн нэрэмжит аймаг, цэргийн цолтой 256 бөхийн барилдаан,
-11 дүгээр сарын 14-нд 13:00 цагаас
Их эзэн Чингис хааны мэндэлсний 861 жилийн ой, Өвлийн эхэн сарын шинийн нэгэн буюу “Монгол бахархлын өдөр”-т зориулсан улс, аймгийн алдар цолтой чансаа сайтай 128 бөхийн барилдаан,
-11 дүгээр сарын 18-нд 11:00 цагаас
“Нээлттэй Сэлэнгэ түмэн” өдөрлөгт зориулсан улс, аймгийн алдар цолтой 128 бөхийн барилдаан,
-11 дүгээр сарын 19-нд 11:00 цагаас
Сумын цолтон болон залуу бөхчүүдийн ээлжит барилдаан,
-11 дүгээр сарын 23-25-нд
Өсвөр үеийнхний улсын аварга шалгаруулах 60 дахь удаагийн барилдаан /Сэлэнгэ аймагт/,
-11 дүгээр сарын 26-нд 13:00 цагаас
Улс тунхагласны 99 жилийн ойн баярт зориулсан улс, аймгийн алдар цолтой 256 бөхийн барилдаан болно
Сургууль, дотуур байрны модон жорлонг халах ажлыг 2021 оноос эхлүүлсэн. Энэ ажлыг “Эрдэнэт” үйлдвэрийн 100 тэрбум төгрөгийн санхүүжилтээр эхлүүлж байлаа. Түүнээс хойш жил бүр төсөвт тодорхой хэмжээний санхүүжилтийг төсөвт суулгасаар ирсэн. Ирэх оны төсөвт уг санхүүжилт багтсан эсэх тухай Боловсрол, шинжлэх ухааны сайд Л.Энх-Амгалан мэдээлэл өглөө.
Тэрээр “Энэ хичээлийн жилд 400 орчим цэцэрлэг, сургууль, дотуур байрны ариун цэврийн байгууламжийг барина. Шаардлагатай 160 тэрбумын хөрөнгө шийдэгдсэн. Нийт улсын хэмжээнд 940 ариун цэврийн байгууламж бүрэн байгуулж дуусч байна гэдгийг хариуцлагатайгаар хэлье” гэв.
Гадаад улсын тагнуулын албатай хамтран ажилласан гэж буруутгагдсан яруу найрагч Ц.Хулангийн давж заалдах шатны шүүх хурал өнөөдөр /2023.10.25/ нийслэлийн Давж заалдах шатны шүүхийн байранд боллоо.
Улмаар Ц.Хулан нь шинэ өмгөөлөгч авсантай холбогдуулан, шүүх хуралдааныг ирэх сарын 1 хүртэл хойшлуулсан байна.
Эргэн сануулахад, Сүхбаатар дүүргийн Эрүүгийн хэргийн анхан шатны шүүхээс түүнд /2023.07.25/ Монгол Улсын иргэн гадаад улсын тагнуулын албатай хамтран ажиллахаар тохиролцсон, хамтран ажилласан гэмт хэрэгт гүйцэтгэгчээр хамтран оролцсон гэмт хэргийг үйлдсэн гэм буруутайд тооцож, 9.6 жилийн хорих ял оноосон билээ.
Энэ гэмт хэргийг төрийн өндөр албан тушаалтан, төрийн нууцыг итгэмжлэгдэн хариуцсан, албан тушаал, ажил үүргийн хувьд мэдсэн этгээд үйлдсэн бол 12 жилээс 20 жил хүртэл хугацаагаар, эсхүл бүх насаар хорих ял шийтгэнэ.
Тайлбар нь гадаад улсын тагнуулын албатай хамтран ажиллахаар тохиролцсон боловч төрийн зохих байгууллагад сайн дураараа даруй мэдэгдсэн, учирч болзошгүй хохирлоос урьдчилан сэргийлэхэд туслалцаа үзүүлсэн иргэний үйлдэл нь өөр гэмт хэргийн шинжгүй бол ялаас чөлөөлнө” гэж заасан.
Авлигатай Тэмцэх Газраас хэвлэлийн хурал зохион байгуулж, сүүлийн үеийн мөрдөн шалгах ажлын үр дүнгийн талаар мэдээлэл өгч байна.
АТГ-ын Мөрдөн шалгах хэлтсийн албаны дарга, ахлах комиссар Б.Батбилэг нүүрсний гэх хэргийн талаар мэдээлэл өгсөн юм.
Тэрбээр “Өмнөговь аймгийн Цогтцэций сумын нутаг дэвсгэрт байрлах бүлэг орд газраас төрийн өмчит “Эрдэнэс Тавантолгой” ХК болон орон нутгийн өмчит “Тавантолгой ХК” нь нүүрс олборлох, борлуулах, тээвэрлэх, улсын хилээр нэвтрүүлэх, төмөр замын бүтээн байгуулалтын ажил, дээрх үйл ажиллагаануудыг хэвийн явуулах зорилгоор төрийн өмчийн хөрөнгөөр бараа, ажил үйлчилгээ худалдан авах зэрэг үйл ажиллагаанд гэмт хэргийн шинж байгаа эсэхийг тогтоолгохоор улсын Ерөнхий прокурорын тогтоолоор эрх бүхий байгууллагуудаас ажлын хэсэг томилон шалгаж байгаа.
АТГ-аас нүүрсний гэх хэрэгт авлига, албан тушаалын гэмт хэрэг үйлдсэн нөхцөл байдлыг тогтоох чиглэлээр мөрдөн шалгах үйл ажиллагааг үргэлжлүүлж байна.
Нүүрстэй холбоотой гэгдэх 30 хэрэг АТГ-ын мөрдөн шалгах ажиллагаанд байсан. Хэрэг бүртгэлийн тоо нэмэгдэж, 42 эрүүгийн хэрэгт хэрэг бүртгэлтийн хэрэг нээсэн. Нийт 72 хэргийг шалгалаа. Одоогоор
Шүүхэд шилжүүлсэн 93 хүн, хоёр хуулийн этгээдэд холбогдох 10 хэргээс зургаа нь аймаг, нийслэлийн анхан шатны шүүхээр шийдвэрлэгдсэн бол дөрвөн хэрэг шүүхэд хянагдаж байна.
Энэ хугацаанд мөрдөн шалгах ажиллагаагаар нийт 155 иргэн, албан тушаалтан, гурван хуулийн этгээдэд эрүүгийн хэрэг үүсгэн яллагдагчаар татсан” хэмээлээ.
Нүүрстэй холбоотой хэрэг олон жилийн хугацаанд явагдсан, өргөн цар хүрээтэй тул мөрдөн шалгах ажиллагаанд цаг хугацаа шаардагдаж байгаа. Үүнээс гадна шүүх шинжилгээний дүгнэлт гаргуулах, гадаад улсын эрх бүхий байгууллагууд хамтран ажиллахаар хандсан хариуг хүлээх, оролцогчдын зүгээс гаргаж буй санал хүсэлтийг шийдвэрлэх зэргээс шалтгаалан цаг хугацаа орж байгаа гэдгийг тодотгосон юм.
Иргэдэд хялбархан, шимтгэлгүй татвараа төлөх боломж олгох, төр талдаа татвар хураах зардлыг бууруулах зорилгоор 2021 оноос НӨАТ-ын урамшууллын буцаан олголтоосоо хөрөнгийн татвараа төлөх санал асуулгыг авдаг болсон.
Сангийн сайдын 2020 оны 14-р тушаалын дагуу иргэдийн НӨАТ-ын урамшууллын буцаан олголтыг аравдугаар сардаа багтаан олгоно.
Үндэсний Статистикийн Хорооноос нийслэл хотод болон хөдөө орон нутагт 2023 оны 10 сарын 23-ны байдлаарх зарим гол нэрийн барааны дундаж үнэ ханш ямар байгааг тогтоожээ. Тодруулбал, Улаанбаатар хотод хүнсний гол нэрийн барааны дундаж үнэ өмнөх сараас 1.8, өмнөх 7 хоногоос 0.1 хувиар тус тус буурсан байна.
Хөдөө орон нутагт болон аймгийн төвүүдэд зарагдаж байгаа хүнсний зарим гол нэрийн барааны дундаж үнийг танилцуулж байна.
Өнгөрсөн долоо хоногт Парис хотын Грэвин Музей үзмэрийн танхимдаа АНУ- ын кино од Дуэйн Жонсоны лааны тосон баримлыг шинээр байрлуулсан юм. Тэгвэл баримлын арьсны өнгө хэтэрхий цайвар байгаа талаар хүмүүс нийтийн сүлжээгээр шүүмжилж эхэлжээ. Нэрт комедиан Жэймс Андре Жефферсон уг баримлыг бүтээгчид ядаж жүжигчний гэрэл зургийг “Гүүглдэж” болоогүй юм болов уу хэмээн хошигносон байна. Тэгвэл Жонсон өөрийн инстаграм хуудсандаа “Би өөрийн багийнхныг Грэвин Музей дэх найзуудтайгаа баримлын өнгөний талаар яриулахаар боллоо. Дараа Парист очихдоо би тус музейгээр зочилж, өөртэйгөө хундага тулгах болно” гэж бичжээ. “The Rock” хочтой жүжигчин Жонсон АНУ-ын Калифорни мужид төрсөн бөгөөд эцэг нь африк гаралтай, эх нь Номхон далайн Самоа арлаас гаралтай юм. Түүний аав Уэйд Даглас Боулз бас “Роки Жонсон” нэрээр алдаршсан мэргэжлийн бөх байсан гэж BBC мэдээлжээ.
Г.АМАРСАНАА
Т.Бадамжунай нарт холбогдох эрүүгийн хэргийн урьдчилсан шатны хэлэлцүүлэг өнөөдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд эхэлсэн.
Эрүүгийн хэргийн урьдчилсан хэлэлцүүлгийг арваннэгдүгээр сарын 3-ныг хүртэл хойшлууллаа.
Энэ талаар өмгөөлөгч Н.Цэцэгмаа “Шүүх хэрэг хүлээн авснаас хойш 45 хоногийн дотор урьдчилсан хэлэлцүүлэг хийдэг хуулийн заалттай. Уг хуулийн заалтад баригдаад арваннэгдүгээр сарын 3-нд зарласан гэж өмгөөлөгчийн хувьд харж байна.
Үйлчлүүлэгч маань урьдчилсан хэлэлцүүлэгт өөрийн биеэр оролцох хүсэлтэй байгаа боловч арваннэгдүгээр сарын 3-н хүртэл биеийн байдал нь ямар байхыг хэлж мэдэхгүй байна” гэлээ.