Author: Админ

Дөрвөн байршилд авто замын нүхэн гарц барина DNN.mn

Post author By Админ
Post date 2023-09-02
No Comments on Дөрвөн байршилд авто замын нүхэн гарц барина DNN.mn

Түгжрэлийн эсрэг цогц бодлогын хүрээнд авто замын хөдөлгөөний эрчмийг хязгаарлагчийг дөрвөн байршилд хийнэ.

Тодруулбал, Таван шарын төмөр зам, Геологийн төв лабораторийн уулзвар, Гермес төвийн төмөр замын зоорь, Нарны зам болон Их хүрээний гудамжны уулзвар буюу Нарантуул захын уулзвар зэрэг дөрвөн байршилд БНХАУ-ын Эксим банкны хөнгөлөлттэй зээлээр авто замын нүхэн гарц шинээр барих төслийн барилга угсралтын бэлтгэл ажлыг хийж байна.

Нүхэн гарцын бүтээн байгуулалтыг 2024 онд дуусгахаар төлөвлөжээ.

цаг-үе эдийн-засаг

Гашуунсухайт боомтоор 194.948 тонн нүүрс экспортолжээ DNN.mn

Post author By Админ
Post date 2023-09-02
No Comments on Гашуунсухайт боомтоор 194.948 тонн нүүрс экспортолжээ DNN.mn

Гашуунсухайт-Ганцмод боомтоор наймдугаар сарын 31-ний өдөр 1512 тээврийн хэрэгслээр 194 мянга 948 тонн нүүрс экспортолсон байна.

Энэ нь Монгол Улс нүүрс экспортод гаргаж эхэлснээс хойших 30 гаруй жилийн хугацаанд нэг өдөрт хилээр гаргасан нүүрсний экспортын дээд хэмжээ болж байгааг Гаалийн ерөнхий газар мэдээллээ.

2019 онд Гашуунсухайт боомтоор 20.5 сая тонн нүүрс экспортод гаргаж байсан нь түүхэн дээд үзүүлэлт болж байсан юм. 2023 оны нэгдүгээр сараас нэгнээс наймдугаар сарын 31-ний өдрийг хүртэлх хугацаанд Монгол Улс 23 сая тонн нүүрс экспортолж, түүхэн дээд хэмжээг давуулаад байна.

Засгийн газар 2023 онд Гашуунсухайт боомтоор 35-38 сая тонн нүүрс экспортод гаргах зорилт тавиад байгаа юм.

нүүр-хуудасны-онцлох онцлох-нийтлэл улс-төр

Гэгээн Ширээт Улсын төрийн тэргүүн Пап Францисын айлчлал эхэллээ DNN.mn

Post author By Админ
Post date 2023-09-02
No Comments on Гэгээн Ширээт Улсын төрийн тэргүүн Пап Францисын айлчлал эхэллээ DNN.mn

Гэгээн Ширээт Улсын төрийн тэргүүн Пап Францис Монгол Улсын Ерөнхийлөгч Ухнаагийн Хүрэлсүхийн урилгаар 2023 оны 08 дугаар сарын 31-ний өдрөөс 2023 оны 09 дүгээр сарын 04-ний өдрүүдэд төрийн айлчлал хийж байна.

Монгол Улсын Ерөнхийлөгч Ухнаагийн Хүрэлсүх Гэгээн Ширээт Улсын төрийн тэргүүн Пап Францисыг жанжин Д.Сүхбаатарын талбайд угтан авлаа.

Төрийн хүндэт харуулын захирагч айлтгал өргөсний дараа хөгжимд хоёр орны Төрийн дуулал эгшиглэв.

Гэгээн Ширээт Улсын төрийн тэргүүн Пап Францис Төрийн хүндэт харуулын цэргүүдтэй мэндчилсний дараа цэргүүд ёслолын хүндэтгэлийн жагсаалаар алхан өнгөрөв.

Монгол Улсын Ерөнхийлөгч У.Хүрэлсүх, Гэгээн Ширээт Улсын төрийн тэргүүн Пап Францис нар угтах ёслолд хүрэлцэн ирсэн хоёр улсын төлөөлөгчид, Дипломат төлөөлөгчийн газрын тэргүүн нар болон Олон улсын байгууллагын Суурин төлөөлөгчидтэй мэндчиллээ.

Төрийн тэргүүн нар Их эзэн Чингис хааны хөшөөнд хүндэтгэл үзүүлсний дараа Пап Францис Төрийн ордны Хүндэт зочны дэвтэрт гарын үсэг зурав.

Дараа нь Монгол Улсын Ерөнхийлөгч У.Хүрэлсүх, Гэгээн Ширээт Улсын төрийн тэргүүн Пап Францис нар ганцаарчилсан уулзалт хийв.

Пап нь дэлхийн 183 улстай дипломат харилцаатай Гэгээн Ширээт Улсын төрийн тэргүүн бөгөөд 1,3 тэрбум гаруй сүсэгтэнтэй католик шашны тэргүүн юм.

Тэр бээр Гэгээн Ширээт Улсын гадаад бодлого, дипломат үйл ажиллагааг өмнөх үеэс илүү идэвхтэй хэрэгжүүлж байгаа бөгөөд 2013-2023 онд 62 улсад, үүнээс Мьянмар, Арабын Нэгдсэн Эмират, Ирак, Бахрейн зэрэг улсад анх удаа айлчилжээ.

Гэгээн Ширээт Улсын төрийн тэргүүн Пап Францис

2013 оны 03 дугаар сарын 13-нд 266 дахь Пап-аар сонгогдсон. Европ бус тив болон Есүсийн нийгэмлэг буюу Иезуитын нийгэмлэгээс сонгогдсон анхны Пап. 1936 оны 12 дугаар сарын 17-нд Аргентин Улсын Буэнос Айрес хотноо төрсөн.

Боловсрол:

1986 онд ХБНГУ-ын Франкфурт хотын Гүн ухаан, шашны номлол судлалын Ариун Жоржийн Их сургуульд докторын зэрэг,
1970-1971 онд Испани Улсын Алкала дэ Энаресын Их сургуульд эрдмийн зэрэг,
1967-1970 онд Сан Хосегийн коллежид Шашны номлол судлалын эрдмийн зэрэг,
1963 онд Сан Мигель хотын Сан Хосегийн коллежид Гүн ухааны лиценциатын зэрэг,
1958-1960 онд Чили Улсад хүмүүнлэгийн чиглэлээр суралцсан,
1955-1958 онд Буэнос Айрес хотын Католик шашны Вилья-Девото сургууль,
Буэнос Айрес хотын Аж үйлдвэр, техникийн 27 дугаар дунд сургуулийг химийн технологич мэргэжлээр төгссөн.

Ажилласан байдал:

2013 оны 03 дугаар сарын 13-нд 266 дахь Пап-аар сонгогдсон,
2001-2013 онд Гэгээн Ширээт Улсын Кардиналаар томилогдож, Санваартны асуудал хариуцсан яам, Зан үйл ёслолын асуудал хариуцсан яам, Католик шашны байгууллагуудын асуудал хариуцсан яаманд ажилласан,
1998-2001 онд Буэнос Айресын тэргүүн хамба,
1992-1998 онд Буэнос Айресын хамба,
1986- 1992 онд Аргентины Кордода хотын тэргүүн хамбын газарт санваартан,
1980-1986 онд Сан Хосегийн коллежийн ректор,
1973-1979 онд Аргентин дахь Иезутын нийгэмлэгийн тэргүүн,
1969-1973 онд Аргентин дахь Иезутын нийгэмлэг,
1969 онд Сахил хүртсэн,
1964-1966 онд Санта Фе, Буэнос Айрес хотын Католик шашны коллежид утга зохиол, сэтгэл судлалын багш,
1958 онд Есүсийн нийгэмлэг буюу Иезутын нийгэмлэгт элссэн,
Испани, итали, герман хэлтэй.

story-news

Гэгээн Ширээт Улсын төрийн тэргүүн Пап Францисын айлчлал эхэллээ

Post author By Админ
Post date 2023-09-02
No Comments on Гэгээн Ширээт Улсын төрийн тэргүүн Пап Францисын айлчлал эхэллээ

Гэгээн Ширээт Улсын төрийн тэргүүн Пап Францисын айлчлал эхэллээ

нийгэм цаг-үе

ЗУРХАЙ: Хонь, туулай жилтнээ аливаа үйлийг хийхэд эерэг сайн DNN.mn

Post author By Админ
Post date 2023-09-02
No Comments on ЗУРХАЙ: Хонь, туулай жилтнээ аливаа үйлийг хийхэд эерэг сайн DNN.mn

Аргын тооллын есдүгээр сарын 2, Санчир гариг. Билгийн тооллын 18, Могойг хүлэгч одтой, харагчин гахай өдөр. Өдрийн наран 06:11 цагт мандан, 19:33 цагт жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу.

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Дашням өдөр.

Үс шинээр үргээлгэх буюу засуулахад тохиромжгүй.

нийгэм цаг-үе

Улаанбаатарт өдөртөө 25 хэм дулаан байна DNN.mn

Post author By Админ
Post date 2023-09-02
No Comments on Улаанбаатарт өдөртөө 25 хэм дулаан байна DNN.mn

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун өмнөөс хойш эргэж секундэд 4-9 метр. Шөнөдөө +12…+14 градус, өдөртөө +24…+26 градус дулаан байна.

Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн хойд хэсэг, говийн аймгуудын нутгийн зүүн хэсгээр, өдөртөө төв болон зүүн аймгуудын нутгийн хойд хэсгээр бороо, дуу цахилгаантай аадар бороо орно.

Салхи: Баруун болон төвийн аймгуудын нутгаар баруун өмнөөс хойш эргэж, бусад нутгаар баруун өмнөөс секундэд 5-10 метр, борооны өмнө түр зуур ширүүснэ.

Агаарын температур: Шөнөдөө Монгол-Алтайн уулархаг нутаг, Хүрэнбэлчир орчмоор +1…+6 градус, Хангай, Хөвсгөлийн уулархаг нутаг, Завхан голын эх, Идэр, Тэс, Тэрэлж голын хөндийгөөр +4…+9 градус, Их нууруудын хотгор, говийн бүс нутгийн өмнөд хэсгээр +16…+21 градус, бусад нутгаар +9…+14 градус, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж, Хэрлэн голын хөндийгөөр +19…+24 градус, Их нууруудын хотгор болон говийн бүс нутгийн өмнөд хэсгээр +30…+35 градус, бусад нутгаар +24…+29 градус дулаан байна.

БАГАНУУР ОРЧМООР: Үүлшинэ. Шөнөдөө бороо орохгүй, өдөртөө бороо орно. Салхи баруун өмнөөс хойш эргэж секундэд 5-10 метр. Шөнөдөө +9…+11 градус, өдөртөө +22…+24 градус дулаан байна.

ТЭРЭЛЖ ОРЧМООР: Үүлшинэ. Шөнөдөө бороо орохгүй, өдөртөө бага зэргийн бороо орно. Салхи баруун өмнөөс хойш эргэж секундэд 5-10 метр. Шөнөдөө +4…+6 градус, өдөртөө +21…+23 градус дулаан байна.

гадаад мэдээ

Ромын Папын түүхэн айлчлалыг оросууд муулахгүй DNN.mn

Post author By Админ
Post date 2023-09-01
No Comments on Ромын Папын түүхэн айлчлалыг оросууд муулахгүй DNN.mn

Литва улс өөрийн улсад суугаа Ватиканы төлөөлөгчийг Оросын хаадын тухай Ромын Пап ламын мэдэгдэлтэй холбогдуулан “ярилцахаар” дуудав. Ромын Пап Францис Орост хийсэн цахим уулзалтаар “агуу эзэнт гүрний” тухай хэлсэн үгтэй нь холбогдуулан Литвийн Гадаад хэргийн яам Ватиканаас тус улсад суугаа албан ёсны төлөөлөгчийг дуудаж, яриа өрнүүлэх болсон нь энэ юм. Литвийн ГХЯ-ны хэвлэлийн төлөөлөгч Паулина Левиските “Энэ уулзалт ирэх сарын эхээр, хамба лам Петар Ражич амралтаасаа буцаж ирэхэд болно” гэж хэлснийг “BNS” агентлаг мэдээлэв.

Литва нь тусгай төрийн шашингүй боловч 2021 оны хүн амын тооллогоор тус улсын оршин суугчдын 74.2% нь Ромын католик шашинд харьяалагддаг болох нь тодорхой болсон билээ. Мөн Литва нь Украины хамгийн тууштай холбоотнуудын нэг юм.

Өнгөрсөн баасан гаригт Ромын Пап лам Францис Санкт-Петербургт болсон католик шашны арга хэмжээний үеэр цахимаар үг хэлэхдээ “ Бусдын газар нутгийг хүн амтай нь эзлэн түрэмгийлсэн Петр I болон II Екатерина хаадыг гэгээнтэн гээд Оросын эзэнт гүрнийг гэгээрсэн, агуу соёл, агуу их гүрэн” хэмээн Оросын өнөөгийн суртал ухуулгатай адил зүйл айлдсан нь Украины албаныхан төдийгүй Украины католик сүмийн удирдлагын уур бухимдлыг төрүүлээд байгаа билээ. Үүнтэй холбогдуулан Ватиканы Гадаад асуудал хариуцсан төлөөлөгчийн газраас “Ромын Пап лам Оросын эзэнт гүрнийг магтах гээгүй, харин түүхэн хүмүүсийг зөвхөн он цагийн тодруулга болгон дурдсан” гэж тайлбар тавиад байгаа юм. Харин барууны хэвлэлүүд хэлэх үгэндээ байгаагүй зүйлийг Пап лам дур мэдэн айлдсан хэмээн шуугиан тариад байна. Ийнхүү Санкт-Петербургт болсон Бүх Оросын католик шашны залуучуудын 10 дахь уулзалтын хүрээнд хийсэн Ромын Пап Францисын видео мессежийг тойрсон дуулиан намжихгүй байна.

Хамба лам “Оросын түүхийг мэддэг” гэдгийг Москва сайшааж, энэ тухай залуучуудад сануулах нь чухал гээд үүний зэрэгцээ Оросын түүхэн өв “зөвхөн Петр эсвэл Екатеринагаар хязгаарлагдахгүй, илүү эртний зүйл юм” гэж мэдэгдэв. Харин Украины ГХЯ-ны албан ёсны төлөөлөгч Олег Николенко “Оросын архагшсан түрэмгийллийн гол шалтгаан болдог Орос агуу гүрэн гэсэн хийрхэл Ромын Пап ламын амнаас ухамсартай ч бай, ухамсаргүйгээр ч бай гарч байгаа нь үнэхээр харамсмаар явдал” гэж мэдэгдсэн билээ.

Оросын “Нет худа без добра” буюу “Сайн талгүй муу зүйл байдаггүй” гэсэн хэлц үг бий. Энэхүү шуугианы сайн тал нь юу ч гэж сурталдаж магадгүй “найдвар үгүй түнш” болох Оросын төрийн хэвлэл мэдээллийн хэрэгслүүд Монголд хийх Ромын Пап ламын тав хоногийн түүхэн айлчлалын талаар ямарваа нэгэн муу зүйл ярихгүй гэдэг нь тодорхой болж буй явдал юм. Учир нь Ромын Папын Монголд хийх айлчлалын бэлгэдэл дүрсийг Ватикан урьдчилан танилцуулсан бөгөөд энэхүү айлчлалын уриа үг нь “Hoping Together” буюу “Хамтдаа найдацгаая” байх юм. Ватиканы хэвлэлийн алба “Итгэл найдвар бол зөвхөн загалмайн шашнаар хязгаарлагдахгүй ойлголт. “Хамт” гэсэн үг нь Ватикан, Монголын хамтын ажиллагаа ямар чухал болохыг онцолж байгаа хэрэг. Энэ хоёр үг нийлээд Папын айлчлалын нийтлэг үзэл санаа, өвөрмөц байдлыг илэрхийлнэ” гэж тайлбарласан билээ.

Г.АМАРСАНАА

story-news

Гэгээн Ширээт Улсын төрийн тэргүүн Пап Францис хүрэлцэн ирлээ

Post author By Админ
Post date 2023-09-01
No Comments on Гэгээн Ширээт Улсын төрийн тэргүүн Пап Францис хүрэлцэн ирлээ

Гэгээн Ширээт Улсын төрийн тэргүүн Пап Францис хүрэлцэн ирлээ

нийгэм цаг-үе

Нийтийн тээврийн үйлчилгээнд Ч:3А, Ч:16 чиглэл нэмэгджээ DNN.mn

Post author By Админ
Post date 2023-09-01
No Comments on Нийтийн тээврийн үйлчилгээнд Ч:3А, Ч:16 чиглэл нэмэгджээ DNN.mn

Хичээлийн шинэ жил эхэлж байгаатай холбоотойгоор замын хөдөлгөөний ачаалал болон нийтийн тээврээр үйлчлүүлэх зорчигчдын урсгал ихсэж байна. Иймд Нийслэлийн Нийтийн тээврийн газраас шинэ чиглэл болон зарим нэг чиглэлд өөрчлөлт оруулаад байна. Тодруулбал өнөөдрөөс буюу есдүгээр сарын 1-нээс эхлэх шинэ чиглэл:

Ч:3А “Зүүн салааны шинэ эцэс-Халдвартын эмнэлэг” чиглэл үйлчилгээнд нэмэлтээр явуулж эхэлнэ.

Түүнчлэн

Ч:16 “Баруун салаа-Далангийн зам- 10р хороолол” чиглэлийг
Ч:16 “Баруун салаа Нумтын ам-Далангийн зам-10р хороолол” болгон шинэ эцсийн зогсоол руу сунгаж маршрутад өөрчлөлт оруулаад байна.

Тухайн чиглэлийг өнөөдрөөс /2023.09.01/ явуулж эхэлнэ. Иймд иргэд та бүхэн доорх зураглалын дагуу зорчино уу.