Author: Админ

Categories
мэдээ нүүр-хуудасны-онцлох онцлох-нийтлэл үндэсний-бөx

Улстөрчид бөхчүүдийнхээ допингийн шинжилгээг аргалж өгсөн гэв үү DNN.mn

Допингийн асуудлаар Улсын аварга цолоо хураалгаад буй Э.Оюунболд БНСУ дахь допингийн шинжилгээний лабораторид хүсэлт гаргажээ. Тэрбээр өнгөрсөн хугацаанд өгсөн шинжилгээний хариуг нягтлуулах хүсэлт гаргаж ДНК шинжилгээнд хамрагджээ. Учир нь Э.Оюунболдоос ийм допинг илэрсэн гэх албан бичгийг түүний гарт өгөөгүй нь асуудал дагуулсан гэнэ. Э.Оюунболдын хүсэлт тун удахгүй шийдэгдэх талаар өөрөө хэлж байгаа юм. Шинжилгээний явцад ямар нэгэн алдаа гаргасан нь тогтоогдвол тэрбээр Улсын аварга цолоо буцаан, нөхөж авна. Үүний хажуугаар барилдах эрх нь сэргэнэ. Өнгөрсөн хугацаанд өрнөсөн үйл явдалтай холбоотойгоор нөхөн төлбөр авах боломж үүсэх гэнэ.

Энэ жилийн наадмын допингийн шинжилгээ араасаа мөн л дуулиан дагууллаа. Наадмын түрүү М.Бадарч шинжилгээнд бүдэрснийг Бөхийн салбар хорооны дарга П.Сайнзориг цаагуураа хэлчихсэн. М.Бадарч шинжилгээний хариутайгаа танилцсан. Түүнд хариуцлагын асуудал тооцох үеэр спортын арбитрт хандахаар төлөвлөөд байгаа гэнэ. Допингийн шинжилгээний хариуг зарлахад процессын алдаа гарсан гэж үзэж байгаа юм байна. Түүгээр ч барахгүй энэ жилийн наадамд зодоглосон хэд хэдэн бөх допингийн зөрчил гаргасан гэх асуудал үүний хажуугаар хөндөгдөж байна.

Ирэх сонгуулиар орон нутагт нэр дэвших улстөрчид шинжилгээнд бүдэрсэн нутгийн зарим бөхчүүдээ сугалаад үлдээчихсэн гэх. Өөрөөр хэлбэл шинжилгээний хариуг нь янзалсан гэх мэдээллийг ойрын эх сурвалж хэлж байгаа юм.

Энэ асуудлыг мухарлахаар бөхчүүд нийлж Монголын Үндэсний допингийн эсрэг байгууллагад хандахаар ярилцаж байгаа юм байна. Тэд допингийн шинжилгээнд хамрагдсан бөхчүүдийн хариуг ил гаргах шаардлага хүргүүлэх гэнэ.

Цаашлаад зарим бөхчүүд Дэлхийн допингийн эсрэг байгууллагад хандах, Монголын үндэсний допингийн эсрэг байгууллагад шалгалт оруулах хүсэлт гаргахаар төлөвлөж байгаа юм байна. Шалгалтаар зөрчил илэрвэл манай тамирчид ирэх олимпын наадамд оролцох эсэх хүртэл асуудал хөндөгдөж болно.

О.Билэгт

Categories
нийгэм цаг-үе

ЗУРХАЙ: Луу жилтнээ аливаа үйлийг хийхэд эерэг сайн DNN.mn

2023.9.3, НЯМ ГАРАГ / БИЛГИЙН ТООЛЛЫН: 19
НАМРЫН ТЭРГҮҮН ЦАГААН БИЧ САР
ДӨРВӨН НОГООН МЭНГЭТЭЙ ХӨХ ХУЛГАНА ӨДӨР
Аргын тооллын: 2023.9.3, Ням гараг
Наран ургах шингэх: 06.12-19.31
Үс засуулбал: Сайн нөхөртэй нөхөрлөнө
Барилдлага: Хүчин төгсөх
Шүтэн барилдлага: Хүрэлцэхүй
Тухайн өдөр луу жилтнээ аливаа үйлийг хийхэд эерэг сайн. Өдрийн сайн цаг нь хулгана, үхэр, туулай, морь, бич, тахиа болой. Эл өдөр буян үйл үйлдвээс өлзийтэй, өргөл хүндлэл, бурханд соёрхол тавих, амирлуулах, дэлгэрүүлэх, эрхшээх үйл нигууд бүтээхэд сайн, хараал дарах, гал мандал хий зэрэгт сайн. Баруун нүд татвал эд олох, баруун чих хангинавал аймшиг болох, зүүн чих жингэнэвэл жуулчин ирэх, хэрээ дуугарвал зочин ирэх, тагнай загатанал амгалан болох, бие татвал эцэг эх цочих, хөл татвал тэмцэл болно.

Categories
нийгэм цаг-үе

Улаанбаатарт өдөртөө 25 хэм дулаан DNN.mn

Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн баруун, төв болон зүүн аймгуудын нутгийн хойд хэсгээр, өдөртөө төв болон зүүн аймгуудын нутгийн зарим газраар бороо, дуу цахилгаантай аадар бороо орно.

Салхи: Нутгийн хойд хэсгээр баруун өмнөөс хойш эргэж, бусад нутгаар баруун өмнөөс секундэд 5-10 метр, зарим газраар борооны өмнө түр зуур ширүүснэ.

Агаарын температур: Шөнөдөө Монгол-Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Тэрэлж голын хөндийгөөр +2…+7 градус, Их нууруудын хотгор, Сэлэнгэ, Хараа, Ерөө, Хэрлэн, Халх голын хөндий, говийн бүс нутгийн хойд хэсгээр +13…+18 градус, говийн бүс нутгийн өмнөд хэсгээр +17…+22 градус, бусад нутгаар +7…+12 градус, өдөртөө Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Эг-Үүр, Орхон, Тэрэлж, Онон, Улз голын хөндийгөөр +18…+23 градус, Их нууруудын хотгор болон говийн бүс нутгийн хойд хэсгээр +28…+33 градус, говийн бүс нутгийн өмнөд хэсгээр +32…+37 градус, бусад нутгаар +22…+27 градус дулаан байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 4-9 метр. Шөнөдөө +10…+12 градус, өдөртөө +23…+25 градус дулаан байна.

БАГАНУУР ОРЧМООР: Үүлшинэ. Шөнөдөө бага зэргийн бороо орно. Өдөртөө бороо орохгүй. Салхи баруун хойноос секундэд 5-10 метр. Шөнөдөө +7…+9 градус, өдөртөө +22…+24 градус дулаан байна.

ТЭРЭЛЖ ОРЧМООР: Үүлшинэ. Шөнөдөө бага зэргийн бороо орно. Өдөртөө бороо орохгүй. Салхи баруун хойноос секундэд 5-10 метр. Шөнөдөө +4…+6 градус, өдөртөө +21…+23 градус дулаан байна.

Categories
мэдээ нийгэм

Галуу судлаачид Өгий нуурын ус намгархаг газартай танилцав DNN.mn

Олон улсын байгаль хамгаалах холбооны дэргэдэх Галуу судлаачдын олон улсын 20-р хурлыг Улаанбаатар хотноо зохион байгуулсан.

Хуралд оролцогч 14 орны 50 гаруй судлаач Өгий нуурын Ус Намгархаг Газрын мэдээлэл сургалтын төв, Шувуу бөгжлөх суурин, Нүүдлийн шувуу ажиглах зэрэг хурлын дараах хээрийн ажиглалт аяллыг хийлээ.

Судлаачид дэлхийн бөмбөрцгийн хойд хагаст тархсан галуу болон усны шувуудын биологи, экологи тэр тусмаа тэдгээрийн халдварт өвчин, нүүдэл, зан төрх, тархалт, элбэгшил болон популяцийн хөдлөлзүйн талаар судалгаа, хамгааллын ажлуудыг хэлэлцэж, санал солилцов. Мөн Өгий нуурын хамгаалал, менежмент, цаашид хийх судалгааны ажил, хэрхэн хамтран ажиллах талаар сав газрын захиргааны дарга Ч.Отгонбаатартай хэлэлцлээ.

Тус үйл ажиллагааг Олон улсын галуу судлаачдын групп (GSG), Зэрлэг амьтан судлах хамгаалах төв болон Орхон-Чулуут голын сав газрын захиргаа хамтран зохион байгууллаа.

Categories
гадаад мэдээ

Жозеп Боррел: ОХУ-ын эсрэг хориг арга хэмжээ үр дүнгээ өгч байна DNN.mn

ОХУ-аас Европын холбооны орнуудаас хийсэн импорт өнгөрсөн онд 58 хувиар буурсан бол энэ оны эхний улиралд 75 хувиар буурсан байна гэж Европын холбооны Гадаад харилцаа, аюулгүй байдлын бодлогын дээд төлөөлөгч Жозеп Боррел мэдэгдээд “Тийм ээ. ОХУ-ын эсрэг хориг арга хэмжээ үр дүн өгч байна” нийтлэлдээ дурджээ. Тэрбээр уг нийтлэлдээ “ОХУ-аас ЕХ-ны импортын хэмжээ бараг 60 хувиар буурсаныг “урьд өмнө байгаагүй зүйл” гэж нэрлэжээ. Түүний хэлснээр хамгийн их уналт төмөр, ган, үнэт металл, модны нийлүүлэлтэд гарсан байна. 2023 оны эхний улиралд эрчим хүчний бус барааны импорт 75 гаруй хувь, эрчим хүчний барааны импорт 80 хувиар буурсан гэж Боррелл тэмдэглэв.Өнгөрсөн онд ЕХ-ноос Орос руу экспортлох хэмжээ 52 хувиар буурсан гэдгийг Боррел тэмдэглээд Европын холбооноос дайны давхар хэрэглээний барааны экспорт 78 хувиар буурсан гэж Европын дипломат албаны тэргүүн мэдэгдэв. Үүний зэрэгцээ хориг арга хэмжээнд өртөөгүй салбар болох эм, хүнсний бүтээгдэхүүн, хөдөө аж ахуй зэрэг салбарт экспорт мөн дунджаар 10 хувиар буурсан гэжээ.

Харин хориг арга хэмжээний дараа хэвлэл мэдээллийнхэн Оросын барууны бараа, тэр дундаа байлдааны давхар хэрэглээний барааг авахад ашиглаж буй тойрч гарах схемийн талаар олон удаа мэдээлж байсан. Тухайлбал,өнгөрсөн оны тавдугаар сараас 2023 оны зургадугаар сарыг дуустал дор хаяж 1.2 тэрбум ам.долларын өртөгтэй баруунд үйлдвэрлэсэн онгоцны эд ангиудыг Орост нийлүүлсэн гэж “Ройтерс” агентлаг гаалийн мэдээллээс эш татан мэдээлж байсан.

“Нестка” хэвлэл Оросын гаалийн статистикийн нууц мэдээллийг судалж үзээд Орос улс бараг гадаадын бүх бараа бүтээгдэхүүнийг Хятад, Энэтхэг, Турк, Арабын нэгдсэн Эмират болон бусад орноор дамжуулан авдаг гэсэн дүгнэлтэд хүрч байсан.

Энэ оны зургадугаар сард Украины ерөнхийлөгч Владимир Зеленский Орос улсаас харваж буй пуужинд барууны орнуудын бүрэлдэхүүн хэсгүүд илэрсэн болохыг мэдэгдэж байсан юм. Гэсэн хэдий ч барууны эдийн засгийн хориг амжилттай хэрэгжиж байгаа нь сүүлийн үед Оросын мөнгөн тэмдэгтийн ханш түүхэнд байгаагүй уналт үзүүлж, энэ нь ард иргэдийн амьдралд төдийгүй Кремлийн хөлсний цэрэг элсүүлэх ажилд том саад болох нь тодорхой болсон билээ.

 

Г.АМАРСАНАА

Categories
мэдээ нийгэм

Энэ хичээлийн жилд 71 чиглэлд 72 хүүхдийн автобусаар үйлчилнэ DNN.mn

Нийслэлийн тээврийн газраас хичээлийн шинэ жил эхэлж байгаатай холбогдуулан 2023-2024 оны хичээлийн жилд хүүхдэд зориулагдсан сургуулийн автобусаар 70 сургуулийн 71 чиглэлд 72 автобусаар үйлчилгээ хүргэхээр төлөвлөн бэлтгэл ажлаа хангажээ.
2023 оны есдүгээр сарын 4-ний өдрөөс эхлэн сургуулийн автобусны үйлчилгээ маршрутын дагуу үйлчилж эхэлнэ. Үүнд:
  • Чингэлтэй дүүрэг- 6 чиглэлд 7 автобус
  • Сүхбаатар дүүрэг- 7 чиглэлд 7 автобус
  • Хан-Уул дүүрэг- 8 чиглэлд 8 автобус
  • Баянзүрх дүүрэг- 10 чиглэлд 10 автобус
  • Баянгол- дүүрэг 7 чиглэлд 7 автобус
  • Сонгинохайрхан- дүүрэг 16 чиглэлд 16 автобус
  • Налайх дүүрэг-2 чиглэлд 2 автобус
  • Багануур дүүрэг- 2 чиглэлд 2 автобус
  • Багахангай дүүрэг- 1 чиглэлд 1 автобусаар тус тус үйлчилнэ.
Categories
нийгэм цаг-үе

ЗӨВЛӨМЖ: Хийн баллоныг дулаан үүсгэгчээс 1.5 метр, ил галаас таван метрээс доошгүй зайд байрлуулна DNN.mn

Нийслэлийн онцгой байдлын газраас дараах зөвлөмжийг хүргэж байна.

-Хийн баллоныг дулаан үүсгэгч буюу халаах хэрэгслээс 1.5 метр, ил галаас таван метрээс доошгүй зайд байрлуулах
-Хийн тоног төхөөрөмжийг ажиллуулж байх үед хараа хяналтгүй орхихгүй байх
-Агааржуулагч ажиллуулах эсвэл өрөөний салхивчийг нээлттэй байлгах
-Баллон солих үед ил гал гаргахгүй байх, цахилгаан тоног төхөөрөмжийг салгасан байх
-Хийн тулга /плитка/-н дээр болон түүний ойролцоо амархан шатах эд зүйлс байрлуулж болохгүй
-Хийн төхөөрөмжийг ажиллуулж дууссаны дараа баллоны хаалтыг заавал хаах
-Хийн плитканы хаалтыг зориулалтын бус зүйлээр /бахь, чимхлүүр, хөшүүрэг гэх мэт/ эргүүлж болохгүй
-Хийн хоолойноос уяа уяж юм хатааж болохгүй
-Бага насны хүүхэд болон хийн тоног төхөөрөмж ашиглах дүрмийг мэддэггүй хүнээр хийн тоног төхөөрөмжийг ажиллуулахгүй байх
-Хийн төхөөрөмжтэй газар унтаж болохгүй
-Хийн баллоныг нарны гэрлийн шууд тусгалаас хамгаалах буюу хэт халааж болохгүй
-Хангагч байгууллагаас олгосон хэрэглэгчийн дэвтэр, зааварчилгааг мөрдөж ажиллах
-Агуулах, амбаарт дүүрэн шингэрүүлсэн хийтэй баллон хадгалахыг хориглоно.
-Түүнчлэн өрөөнд 50 литрийн багтаамжтай нэг баллон, эсвэл 27 литрийн багтаамжтай хоёр баллон (нэг нь нөөц) байлгахыг хориглоно.
Categories
мэдээ нийгэм

Даатгуулагчид эмийн үнийн хөнгөлөлтийн тусламж үйлчилгээ үзүүлэх гэрээг зөрчсөн эмийн сангуудын гэрээг түдгэлзүүлжээ DNN.mn

2023 онд Эрүүл мэндийн даатгалын ерөнхий газартай Даатгуулагчид эмийн үнийн хөнгөлөлтийн тусламж үзүүлэх гэрээ байгуулсан Монос групп, Ундрам хан хангай ХХК-ийн Номин сендар, Өнөрплаза, Сансарклонк, Залуучууд, Зайсан цацрал, Хоумланд, УБ таун эмийн сангууд нь гэрээний үүргээ зөрчиж эрүүл мэндийн даатгалын сангаас хөнгөлөлттэй олгож байгаа эмийг онлайн захиалга авч, хүргэлтийн үйлчилгээ хийсэн зөрчил илэрчээ.

Гэрээт эмийн сангууд ЭМДЕГ-аас тогтоосон шаардлагад нийцүүлж цахим системээр мэдээллээ солилцох, эмзүйч, жор баригч нар эмчийн бичсэн жороор даатгуулагчийн иргэний үнэмлэхийг үндэслэн хөнгөлөлттэй эмийг олгох, хэрэглэх зааврыг ойлгомжтой тайлбарлан өгөх үүрэгтэй байдаг.

Гэтэл нэр бүхий эмийн сангууд emonos цахим системийг ашиглаж байгаа онлайн захиалга авч, хүргэлт хийж байсан үйлдлийг зогсоож, Даатгуулагчид эмийн үнийн хөнгөлөлтийн тусламж үзүүлэх гэрээг 2023 оны наймдугаар сарын 31-ний өдрөөс түдгэлзүүлэх арга хэмжээ авлаа.

Иймд иргэддээ анхааруулахад ЭМДЕГ-тай гэрээтэй эмийн сангуудаас хөнгөлөлттэй эмийг авч үйлчлүүлэх нь зүйтэй гэж ЭМДЕГ-аас мэдээллээ. 

Categories
нийгэм цаг-үе

Улсын хэмжээнд 370 цэцэрлэгийн багш дутагдалтай байна DNN.mn

Улсын хэмжээнд 370 шахам цэцэрлэгийн багш дутагдалтай.

Харин11 мянга гаруй багш сургуулийн өмнөх боловсролыг 2-5 насны хүүхдэд олгож байна.

Жил бүр 75-80 мянган хүүхэд шинээр мэндэлдэг.

Categories
мэдээ улс-төр

“Шинэ сэргэлтийн таван тойрог” төслийг баталлаа DNN.mn

Монгол Улсын Засгийн газраас аймаг орон нутгуудын онцлогт нь тохирсон хөгжлийг дэмжих замаар Хот, хөдөөгийн сэргэлтийг бүрэн хангаж, Улаанбаатар хотын төвлөрлийг сааруулах, иргэдэд амьдрах таатай орчныг бүрдүүлэх, орон нутгийн дэд бүтцийн хөгжлийг дэмжихэд чиглэсэн санхүү, татварын боломжийг бүрдүүлэх, хөрөнгө оруулалтыг урамшуулах, ажлын байрыг нэмэгдүүлэх, иргэдийн хөдөө амьдрах сэдлийг төрүүлэх, эрх зүйн орчныг бүрдүүлэхээр зорин ажиллаж байна. Аймаг тус бүрийн урт хугацааны хөгжлийг тэтгэх, хязгаарлагч хүчин зүйлүүдийг арилгах зорилготой “Шинэ сэргэлтийн таван тойрог” төслийг өнөөдрийн хуралдаанаар баталлаа.

Монгол Улсын сайд, ЗГХЭГ-ын дарга Д.Амарбаясгалан “Төслийн хүрээнд авто замын сүлжээний шинэ үеийг эхлүүлж аймаг хоорондыг холбосон, хилийн боомтуудыг холбосон, аялал жуулчлалын гол чиглэлүүдийг холбосон нэгдсэн төслүүдийг хэрэгжүүлнэ.
Аймгуудын дулаан хангамжийг бүрэн шийдвэрлэх төслүүдийг хэрэгжүүлнэ. Одоогоор хэрэгжиж байгаа 10 аймгийн төвийн дулааны станцын төсөл, түүний дагалдах хоёрдугаар хэлхээний төслүүд мөн бусад аймгуудын дулаан хангамжийн асуудлыг бүрэн шийдвэрлэнэ.
Аймгууд болон томоохон суурин газруудын цахилгааны эх үүсвэрийн чадлыг нэмэгдүүлж, орон сууцжуулахад шаардлагатай эх үүсвэрийг бүрэн шийдвэрлэнэ.
Аймаг тус бүрийн хүн амын тоо, томоохон суурин газруудын нягтаршил зэргийг харгалзан үзэж орон сууцжуулах бодлогыг хэрэгжүүлнэ” гэж мэдээллээ.
Зам, тээврийн хөгжлийн сайд С.Бямбацогт “Шинэ сэргэлтийн таван тойрог” төслийн хүрээнд бүх аймгийн төвүүдийг өөр хооронд нь холбоно.
Мөн хилийн боомтуудыг холбох авто замын таван босоо коридортой болно. Тухайлбал, одоогоор Алтанбулаг-Замын-Үүд, баруун босоо чиглэлд Булган-Цагааннуур чиглэлийн авто замын хоёр коридортой байна. Тэгвэл энэ төслийн хүрээнд Бага Илэнх-Шивээхүрэн, Бургастай-Арцсуурь, Эрээнцав-Бичигт гэсэн авто замын гурван коридор нэмж барина. Мөн хэвтээ чиглэлд Цагааннуур-Сүмбэр-Цагааннуур-Ульхан боомтыг холбосон хэвтээ чиглэлийн хоёр коридортой болно” гэлээ.