Ази-Европын дээд түвшний 11 дүгээр уулзалтыг 2016 онд Монгол Улс зохион байгуулсан билээ. Энэ уулзалтын үеэр их хэмжээний мөнгийн хувьдаа завшсан байж болзошгүй, тухайн үед эрх барьж байсан албан тушаалтнуудын нэрс ил болж эхэллээ. Үүнд хотын дарга асан Э.Бат-Үүл 33 тэрбум, ГХЯ-ны ТНБД Д.Ганхуяг 784 сая, Ерөнхийлөгчийн зөвлөх асан А.Ганбаатар 765 сая төгрөг шамшигдуулсан гэх хэрэг байна. Уг нь Үндэсний аудитын газраас шалгалт хийж, ихээхэн хэмжээний зөрчил илрүүлсэн тухай өнгөрсөн 6-р сард олон нийтэд танилцуулж байсан.
Тухайн үед АСЕМ-г зохион байгуулахдаа их хэмжээний буюу 290,8 тэрбум төгрөгийг хувьдаа завшиж, үргүй зарцуулсан байх магадлалтай гэгдэх 17 албан тушаалтныг АТГ-т шалгуулахаар болсон гэж байсан боловч чухам хэн хэн байсныг нууцалсан.
АСЕМ-ийн нэрийдлээр их хэмжээний мөнгө шамшигдуулсан байж болзошгүй албан тушаалтнуудын нэрсийг уншигчдад хүргэе.
Үүнд:
- 1. Ерөнхий сайд асан Ч.Сайханбилэг
- 2. Нийслэлийн Өмчийн харилцааны газрын дарга Ч.Однасан
- 3. Ерөнхийлөгчийн зөвлөх А.Ганбаатар
- 4. ГХЯ-ны ТНБД, АСЕМ-ын БАА-ны дарга Д.Ганхуяг
- 5. Ерөнхийлөгчийн тамгын газрын дарга асан П.Цагаан
- 6. Хөдөлмөр сайд асан Г.Баярсайхан
- 7. ИНЕГ-ын дарга Г.Нямдаваа
- 8. Үнэлгээний хорооны дарга А.Дагвадорж
- 9. “Дулааны 2 дугаар цахилгаан станц” ТӨХК гүйцэтгэх захирал М.Баянмөнх
- 10. Цах-ДХХА цехийн дарга С.Батсайхан
- 11. ХААХ-н мэргэжилтэн М.Энхбат
- 12. “Дулааны 4 дүгээр цахилгаан станц” ТӨХК-ийн захирал
- 13. Улаанбаатар хотын захирагч асан Э.Бат-Үүл
- 14. НЗД-ын Тамгын газрын дарга Ё.Гэрэлчулуун
- 15. Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал
- 16. НХААГ-ын дарга С.Ганбаатар
- 17. Хан-Уул дүүргийн Засаг дарга Ж.Ганхуяг
нарын нэр бүхий 17 албан тушаалтан 290,8 тэрбум төгрөгийг хувьдаа завшсан байж болзошгүй хэргээр АТГ-т шалгагдаж байна.