Архангай аймагт 30 мегаваттын хүчин чадал бүхий төвлөрсөн дулааны станцын шав тавих ёслолын ажиллагаа өчигдөр боллоо. Ёслолд Засгийн газрын гишүүн, Эрчим хүчний сайд М.Сонопил, ҮХААЯ-ны дэд сайд Ч.Цогтгэрэл тэргүүтэй төлөөлөл, аймгийн ИТХ-ын дарга Ч.Мөнхбат, Засаг дарга Д.Бат-Эрдэнэ болоод албаны бусад хүмүүс оролцсон юм.
Энэхүү станцыг төр, хувийн хэвшлийн түншлэлийн хүрээнд гүйцэтгэхээр Эрчим хүчний яаманд тендер зарлан гүйцэтгэгчээр “Эх голомтын элч” компани шалгараад байгаа аж. Станцыг ирэх жил ашиглалтад оруулах зорилготой бөгөөд түлхүүр гардуулах гэрээний нөхцөлөөр ажлыг эхлүүлж буй нь энэ гэнэ.
Дашрамд дуулгахад Архангай аймагт энэ онд онцлох олон бүтээн байгуулалтууд хийгдэж байгаагаас дурдвал “Гудамж” төсөл, “Булган хангай” шинэ хороолол, орон сууцны 9,10 давхар барилгууд, барилгын лаборатор, зочид буудал, спортын сургууль зэргийг нэрлэх байна.