АНУ-ын Техас мужийн Ювалд хотын бага сургуульд зэвсэгт халдлага гарсны улмаас 18 сурагч, насанд хүрсэн гурван хүн амиа алджээ. Халдлага үйлдсэн 18 настай Сальвадор Ромас гэгч этгээдийг хэргийн газар ирсэн цагдаагийнхан буудсан байна. Буудалцааны үеэр хоёр цагдаа хөнгөн шархаджээ.
Техас мужийн захирагч Грег Эбботт алуурчин сургуулийн хажууд машинаа зогсоогоод, сургууль руу гар буу болон винтовтой орсон гэж мэдээлсэн байна. Ювалд нь АНУ-д долоодугаарт ордог том хот бөгөөд зэвсэгт халдлага 7-10 насны хүүхдүүд суралцдаг “Робб” сургуульд болжээ.
Gun Violence Archive төрийн бус байгууллагаас мэдээлснээр АНУ-д тавдугаар сард л гэхэд 215 удаагийн зэвсэгт халдлага бүртгэгдсэн байна.