АНУ-ын Ерөнхийлөгч Жо Байдены засаг захиргаа “COVID-19” халдварын тархалтад үнэлгээ хийж байгаатай холбоотойгоор нисэх онгоц, нийтийн тээврийн хэрэгсэлд амны хаалт зүүх журмыг 15 хоногоор сунгаж байгаагаа лхагва гарагт мэдээлжээ.
Өвчинд хяналт тавих, урьдчилан сэргийлэх төв /CDC/ АНУ-д давамгайлан тархах болоод буй коронавирусний “омикрон” хувилбарын “BA.2” дэд хувилбарыг судлахад хугацаа шаардлагатай байгааг харгалзан амны хаалт зүүх журмын хэрэгжих хугацааг ирэх тавдугаар сарын 3 хүртэл сунгасан байна.
“CDC”-ийн мэдэгдэлд дурдсанаар, өвчлөл нэмэгдсэн тохиолдолд хүнд өвчтөнүүд, эмнэлэгт хэвтэн эмчлүүлэгсдийн тоо, эрүүл мэндийн тогтолцооны чадавхид үзүүлж болзошгүй нөлөөллийг үнэлэхийн тулд амны хаалт зүүх журмын хэрэгжих хугацааг сунгахаар шийдвэрлэжээ.