Лев Толстойн “Анна Каренина” роман хүн төрөлхтний хамгийн шилдэг түүхэн романуудын жагсаалтад гуравт бичигдлээ. Их Британий Daily Telegraph сонин уг чансааг гарган өөрийн сайтад нийтэлсэн байна.
Сонины урилгаар чансаа гаргасан шинжээчид хамгийн эхэнд Английн зохиолч Жорж Элиотын “Миддлмарч” романыг нэрлэжээ. Тэрчлэн Америкийн зохиолч Герман Мелвиллын “Моби Дик” роман хоёрт багтсан байна. Генри Жеймсын “Эмэгтэйн хөрөг”, Жозеф Конрадын “Харанхуйн зүрх” романууд дөрөв, тавд бичигдлээ.
Марсель Прустын “Алдагдсан цагийн эрэлд”, Шарлотта Бронтегийн “Жейн Эйр”, Жон Максвелл Кутзейн “Ёсоо алдсан нь”, Мигель де Сервантесийн “Кихот ноён” романууд шилдэг аравт нэрлэгджээ.