Ардчилсан намын Дотоод сонгуулийн хорооны дарга И.Мөнхжаргал бодлогын зөвлөлийн дарга сонгох сонгуулийн дүнг Ардчилсан намын дарга, Бодлогын ерөнхий зөвлөлийн дарга С.Эрдэнэд өргөн мэдүүллээ.
Дотоод сонгуулийн хорооны дарга И.Мөнхжаргал: “Ардчилсан намын Үндсэн дүрмийн дагуу ҮБХ-ны гишүүд 16 Бодлогын зөвлөлд хуваагдан ажиллаж байна. Үндсэн дүрмийн хүрээнд Бодлогын зөвлөлийн дарга сонгох сонгуулийг 2019 оны зургадугаар сарын 26-ны өдөр зохион байгуулж, нууц санал хураалт явуулсан. Тус сонгуульд нийт 22 нэр дэвшигч өрсөлдсөн. Сонгуулийн дүнг бид Ардчилсан намын дарга, Бодлогын ерөнхий зөвлөлийн дарга С.Эрдэнэд өргөн мэдүүлэх журамтай. Журмын хүрээнд өнөөдөр сонгуулийн дүнг нэгтгэж, Ардчилсан намын дарга, Бодлогын ерөнхий зөвлөлийн дарга С.Эрдэнэд өргөн мэдүүллээ. Бодлогын зөвлөлийн дарга нар 2020 оны УИХ-ын сонгуульд Ардчилсан намаас дэвшүүлэх мөрийн хөтөлбөрийг боловсруулахад түүчээлэн ажиллана” гэлээ.
Ардчилсан намын дэргэдэх 16 Бодлогын зөвлөлийг Засгийн газрын бүтцийн дагуу байгуулсан бөгөөд салбар, чиглэлийн дагуу бодлогын баримт бичиг боловсруулах, судалгаа хийх зэргээр өргөн хүрээнд үйл ажиллагаа явуулж байна.
Бодлогын зөвлөлийн даргаар сонгогдсон нэр дэвшигчид:
1. Байгаль орчны бодлогын зөвлөл-Т.Энхсайхан
2. Батлан хамгаалахын бодлогын зөвлөл-Ш.Түвдэндорж
3. Бүс нутгийн хөгжил, хот байгуулалт, барилгын бодлогын зөвлөл-Д.Пүрэвдаваа
4. Боловсрол, хөдөлмөр эрхлэлтийн бодлогын зөвлөл- Б.Түвшин
5. Шинжлэх ухаан, технологи, мэдээлэл, харилцааны бодлогын зөвлөл-Д.Алтангэрэл
6. Хууль зүйн бодлогын зөвлөл-Д.Оросоо
7. Зам тээврийн бодлогын зөвлөл- Т.Болдбаатар
8. Мал аж ахуй, газар тариалан, хүнсний бодлогын зөвлөл- Б.Баянмөнх
9. Санхүүгийн бодлогын зөвлөл- Д.Ганбаяр
10. Соёл, спорт, аялал жуулчлалын бодлогын зөвлөл- С.Од-Эрдэнэ
11. Түлш, эрчим хүчний бодлогын зөвлөл- Ж.Осгонбаатар
12. Хүн амын хөгжил, хүүхэд, залуучууд, ахмат настан, гэр бүлийн бодлогын зөвлөл- Д.Үүрийнтуяа
13. Гадаад хэргийн бодлогын зөвлөл- Ц.Сүхбаатар
14. Геологи, уул уурхай, газрын тосны бодлогын зөвлөл- Б.Ариунболд
15. Эдийн засгийн хөгжил, төлөвлөлтийн бодлогын зөвлөл- О.Эрдэнэ-Өрнөх
16. Эрүүл мэнд, нийгмийн үйлчилгээний бодлогын зөвлөл- Ж.Амарсанаа