Улс орон даяар өвөлжилтийн нөхцөл байдал хүндэрч, зудын гамшиг нүүрлэсэнтэй холбогдуулан 21 аймагт малчдадаа тусламж үзүүлэх шуурхай штаб байгуулан ажиллахаар шийдвэрлэлээ.
21 аймаг дахь Ардчилсан намын удирдлагуудтай шуурхай хуралдаж зудын нөхцөл байдлын мэдээллийг авч, малчдад хэрхэн тусламж, дэмжлэг үзүүлэх талаар санал солилцлоо.
Тухайлбал, Говьсүмбэр аймагт гэхэд л 800 гаруй тоо толгой малтай байсан малчин өрх нэг зуднаар 50 хүрэхгүй тооны малтай болсон талаар онцолж байна. Тиймд зуу, зуугаар нь малаа алдсан малчдадаа дэмжлэг үзүүлэх шаардлагатай байгааг онцолж байна.
2023 оны 11-р сараас 2024 оны 2-р сарыг хүртэл орон даяар нийт 8 сая гаруй мал хорогдсон талаар Засгийн газраас мэдээлж байна. Өнөөдрийн байдлаар Монгол Улсын 5 аймгийн 21 суманд төмөр буюу шилэн зуд, 17 аймгийн 89 суманд цагаан зуд, 17 аймгийн 82 суманд зудархуу төлөвтэй байна.
Ардчилсан нам малчдадаа өвөлжилт, зудын гамшгийг даван гарахад туслахаар шуурхай штаб байгуулан ажиллах шийдвэрийг гарлаа.