“Амгалан” дулааны станц есдүгээр сарын 27-ны ням гаригаас эхлэн хэрэглэгчдээ дулаанаар хангаж эхэлсэн бөгөөд өнгөрсөн найм хоногийн хугацаанд ямар нэгэн доголдол, хүндрэл гараагүй гэдгийг холбогдох мэргэжилтнүүд хэлжээ. “Амгалан” дулааны станц ашиглалтад орсноор 1.3 сая гаруй хүн амтай Улаанбаатар хотын зүүн бүсийн айл өрх, аж ахуйн нэгжүүд найдвартай дулааны эх үүсвэрт холбогдож, 50 мянган айлын орон сууц шинээр барих боломж бүрдэж байна. Эндээс одоогоор Батлан хамгаалахын их сургууль, Баянзүрх дүүргийн 16 дугаар хороо, Соросын сангийн байр орчмын айлууд халаалтаа авчээ.
Тус станц энэ сарын 15-нд албан ёсны нээлтээ хийх гэнэ.