Билгийн тооллын 17 дугаар жарны гал бичин жилийн шинийн 1, 2, 3-н буюу ирэх хоёрдугаар сарын 9, 10, 11-ний өдөр хотын захын цэгт үйлчлэх нийтийн тээврийн хэрэгслийн тоог нэмэгдүүлж, үндсэн 62, хот орчмын 13 чиглэлд нийт 644 их болон дунд багтаамжийн автобус үйлчлэх аж.
Түүнчлэн хотын захын алслагдсан чиглэлд дөрвөн аж ахуйн нэгжийн 20 микроавтобусаар захиалгат үйлчилгээг зохион байгуулах юм байна. Нийслэл хотод такси үйлчилгээнд 14 аж ахуйн нэгжийн 497 тээврийн хэрэгсэл үйлчилгээ үзүүлэх гэнэ.