Энэ оны эхний есөн сард бүх төрлийн тээврээр 106 сая зорчигч, 92 сая тонн ачаа тээвэрлэлээ. Үүнээс
- Авто тээврээр 103.7 сая зорчигч,
- Агаарын тээврээр 1.7 сая,
- Төмөр замаар 1.4 сая зорчигч тээвэрлэсэн байна.
Агаарын тээврээр зорчигчдын тоог өнгөрсөн оны мөн үетэй харьцуулахад 30 хувиар өссөн бол бүх төрлийн тээврээр зорчсон зорчигчдын тоо өмнөх оны мөн үетэй харьцуулахад 2.2 хувиар өсжээ.
Харин авто тээврээр 60.8 сая тонн ачаа, төмөр замаар 30.8 сая тонн, 7.4 мянган тонн ачааг агаараар тээвэрлэлээ. Бүх төрлийн тээврийн ачааг өнгөрсөн оны мөн үетэй харьцуулахад 20.7 хувиар өссөн үзүүлэлттэй байна.
Тодруулбал 2023 оны мөн үетэй харьцуулахад авто тээврээр тээвэрлэсэн ачаа 25.1 хувиар өссөн. Төмөр замаар тээвэрлэсэн ачаа 12.8 хувиар өсжээ гэж Зам тээврийн яамнаас мэдээлэв.