Зам засварын ажлыг зогсоохыг иргэдийн 90 хувь нь дэмжихгүй гэв DNN.mn

Нийслэлд энэ жил 77 тэрбум төгрөгөөр замын бүтээн байгуулалт хийхээр төлөвлөсөн бөгөөд нийт авто замын 70 хувийг шинэчлэх юм. Мөн ирэх жил нийслэлийн гэр хорооллын явган хүний замыг шинэчлэхээр болсон. Иргэдийн зүгээс хичээл сургуультай зэрэгцэн зам засч буйд бухимдалтай байгаа.

Тиймээс Хотын дарга Х.Нямбаатар “Шинээр хийгдэх зам засварын ажлуудыг ирэх жил хүртэл хойшлуулж, төсөв хөрөнгийг нь хуулийн байгууллагаар шалгуулъя. Ингэхдээ иргэдээс санал асуулга авна” гэж мэдэгдээд, санал асуулгыг эхлүүлсэн.

Өнөөдөр /2024.09.13/ 09:30 цагийн байдлаар уг санал асуулгад 1529 хүн оролцсоноос 90 хувь нь зам засварын ажлыг зогсоож, хойшлуулахыг дэмжихгүй гэсэн бол 10 хувь нь дэмжинэ гэх санал өгчээ.

Санал асуулга үргэлжилж байна. Та ЭНД дарж санал асуулгад оролцох боломжтой юм.