Засгийн газрын өнөөдрийн хуралдаанаас гарсан зарим шийдвэрийн талаар Боловсролын сайд П.Наранбаяр дараах мэдээллийг өглөө.
Тэрбээр “Албан ёсны статистик мэдээллээр энэ оны долдугаар сарын 20-ны байдлаар ЕБС-иудад 4217 багш дутагдалтай байна. Үүний 2429 нь Улаанбаатар хотод байна.
Харин цэцэрлэгт нийт 508 бүлгийн багшийн сул орон тоо үүссэний 304 нь Улаанбаатарт байна. Мөн энэ жил багш хөтөлбөрөөр бакалаврын зэрэгтэй 2805 төгсөгч төгсөж байгаа. Мөн 1077 багш тэтгэврээ тогтоолгосон байна” гэх мэдээллийг өгөв.
Т.УНДРАХБАЯР