Өвөрхангай аймгийн Тарагт сумын Их булаг багийн нутаг аймгийн төвөөс зүүн хойд 10 км, сумын төвөөс зүүн зүгт 45 км-т орших Их уул цэргийн хүрээ, Хонин цохио хэмээх газарт долоодугаар сарын 29-ний 17:00 цагийн орчим аянга бууж, мал хорогджээ.
Энэ тухай мэдээллийг мөн өдрийн 21:00 цагт Онцгой байдлын газар хүлээн авсан байна. Аянганд 17 бог мал /11 ямаа, 6 хонь/ цохиулж хорогдсон тухай мэдээллийг тус ангийн малын эмч Онцгой байдлын газарт мэдээлжээ.
Мэдээллийн дагуу тус аймгийн Онцгой байдлын газраас ажлын хэсэг мөн өдрийн 21:12 цагт очиж, нөхцөл байдалтай нь танилцсан. Долоодугаар сарын 30-ны өдөр сэг, зэмийг устгах ажлыг зохион байгуулна гэж ОБЕГ-аас мэдээллээ.