Оюуны өмчийн газарт 2024 оны эхний хагас жилд шинэ бүтээл болон бүтээгдэхүүний загварын патент авахаар 266 иргэн, хуулийн этгээд мэдүүлэг гаргасан байна.
Эхний хагас жилд иргэн, хуулийн этгээдээс ирүүлсэн 175 бүтээлд патент олгосны тухайд:
- 60 нь шинэ бүтээлийнх,
- 115 нь бүтээгдэхүүний загварынх байна,
Шинэ бүтээлийн патент 2023 оныхоос 19-өөр нэмэгджээ. Харин бүтээгдэхүүний загварын патент 13-аар буурчээ.
Шинэ бүтээлд олгосон патент (давхардсан тоогоор)-ыг олон улсын ангиллаар авч үзэхэд:
- 34 нь хүний хэрэгцээг хангах зүйл,
- 18 нь хими төмөрлөг,
- 5 нь механик, гэрэлтүүлэг, дулаан, шахуурга, хөдөлгүүр, зэвсэг, тэсрэх бодис болон технологийн төрөл бүрийн арга, цахилгаан,
- 4 нь физик, 3 нь барилга, уул уурхай,
- 1 нь нэхмэлийн ангилалд хамаарч байна
Улсын хэмжээнд эхний хагас жилд барааны тэмдгийн эрхийн хамгаалалт авахаар 2322 иргэн, хуулийн этгээд мэдүүлэг гаргасан байна. Иргэн, хуулийн этгээдийн ирүүлсэн 2149 барааны тэмдэгт эрхийн хамгаалалт олгосон нь 2023 оныхоос 288 нэмэгджээ. Улмаар 874 барааны тэмдгийг бүртгэхээс татгалзсан байна.
Бүтээлээ зохиогчийн эрхээр хамгаалуулахаар эхний хагас жилд 457 иргэн, хуулийн этгээд мэдүүлэг гаргажээ. Энэ бүх бүтээлд шинээр зохиогчийн эрхийн гэрчилгээ олгосон байна. Зохиогчийн эрхийн бүтээлийн төрөл, тоог авч үзвэл:
- Шинжлэх ухаан, утга зохиолын бүх төрлийн аман болон бичмэл бүтээл 247, Компьютерын программ 61,
- Материалыг нь сонгон түүвэрлэх, байршуулах зэргээр бүтээлч хөдөлмөрийн үр дүнд бий болсон, өөрийн бүтэц агуулгаараа оюуны бүтээлд тооцогдох тайлбар толь, лавлах, зохиолын цоморлог, түүвэр зохиол болон эмхэтгэл 54,
- Дүрслэх урлаг, уран баримал, график урлагийн бүх төрлийн бүтээл, эдгээрийн зураг төсөл 35,
- Хөгжмийн урлагийн үгтэй болон үггүй бүх төрлийн бүтээл 23,
- Кино урлагийн болон бусад дуу авиа бүхий дүрст бүтээл 13,
- Үүсмэл бүтээл 9,
- Газрын зураг, атлас болон архитектурын зураг төсөл, хар зураг, бүдүүвч, диаграм, гурван хэмжээст илэрхийлэл зэрэг шинжлэх ухаан техникийн шинжтэй тайлбар зураг 5,
- Гэрэл зургийн болон түүнтэй төсөөтэй аргаар туурвисан бүх төрлийн бүтээл 4,
- Уран барилга, цэцэрлэгт хүрээлэн, ногоон байгууламж, цогцолбор болон архитектурын бусад бүтээл 3,
- Чимэглэх болон хавсраг урлаг, тайз чимэглэлийн бүх төрлийн бүтээл, эдгээрийн зураг төсөл 3,
Барааны тэмдгийн 970 нь Мадридын хэлэлцээрийн дагуу Монгол Улсыг нэр зааж гаргасан олон улсын мэдүүлэг байжээ