БНСУ-ын Газар, дэд бүтэц, тээврийн яамны хамтын ажиллагааны хүрээнд “К-Смарт авто замын менежментийн систем /RMS/-д суурилсан улсын чанартай авто замын дижитал тогтолцоог хөгжүүлэх төсөл” хэрэгжүүлэх гэж байгааг Зам, тээврийн яамнаас мэдээллээ.
Ингэснээр Монгол Улсын авто замын салбарт БНСУ-ын шинэ техник технологийг нэвтрүүлэн, ашиглах, хүний нөөц бэлтгэх, дадлагажуулахаас гадна цаг уурын онцгой нөхцөлд буюу өвлийн улиралд хийгдэх боломжтой засварыг нутагшуулах зэрэг ажил хийгдэх аж.
Төслийг энэ оны есдүгээр сараас эхлүүлж, 2028 он хүртэл буюу дөрвөн жилийн хугацаанд хэрэгжүүлэхээр төлөвлөжээ.