Нийслэлийн Онцгой байдлын газрын даргын 2024 оны зургаадугаар сарын 13-ны өдрийн А/41 дугаар тушаалаар батлагдсан үер усны ослоос урьдчилан сэргийлэх “Сэргийлье-Сэрэмжилье” мэдээлэл сурталчилгааны аяны хүрээнд иргэдийг гол, мөрөн, нуур, тогтоол усны орчимд амрах, зугаалах үедээ бага насны хүүхдэд тавих хараа хяналтыг сайжруулах, иргэдийн сонор сэрэмжийг дээшлүүлэх, усанд осолдохоос урьдчилан сэргийлэх зорилгоор ажиллаж байна.
Энэ хүрээнд Багануур, Налайх, Сүхбаатар, Сонгинохайрхан, Чингэлтэй дүүрэг, Аврах ангийн нийт 42 алба хаагч, Цагдаагийн хэлтсээс 4 алба хаагч, Хүүхэд, гэр бүл хөгжил хамгааллын хэлтсээс 2 ажилтан, 8 автомашин, 4 завьтай Туул, Хэрлэн, Тэрэлж гол дагуу иргэдийн амарч байгаа байршлуудад урьдчилан сэргийлэх ажлыг зохион байгууллаа.