Энэ оны нэгдүгээр улиралд хүүхдэд хохирол учруулсан 1,582 хэргийн мөрдөн шалгах ажиллагаанд прокурор хяналт тавьжээ.
Хүүхдэд хохирол учруулсан гэмт хэргийг 2023 оны мөн үетэй харьцуулахад 0.8 хувиар буурсан байна.
Хүүхдүүд эрүүл мэндийн халдашгүй байдлын эсрэг болон өмчлөх эрхийн эсрэг гэмт хэргийн улмаас хохирсон тохиолдол их гарчээ. Тодруулбал
- Хулгайлах 368
- Хүний эрүүл мэндэд хөнгөн хохирол санаатай учруулах 289
- Хүчиндэх 360
- Залилах 112
- Тээврийн хэрэгслийн хөдөлгөөний аюулгүй байдал, ашиглалтын журам зөрчих 95 гэмт хэрэгт, нийт 1,660 хүүхэд хохирогчоор тогтоогджээ.
Үүнээс 6.8 хувь нь найм хүртэлх, 27.3 хувь нь 8-13, 66.5 хувь нь 14-17 насны хүүхдүүд байгаа бол 780 нь эрэгтэй, 880 нь эмэгтэй хүүхэд байжээ.
Прокуророос хүүхдийн эсрэг гэмт хэрэг үйлдсэн 639 хүнд эрүүгийн хэрэг үүсгэж, яллагдагчаар татан, 250 хэргийг яллах дүгнэлт үйлдэн шүүхэд шилжүүлж, шийдвэрлүүлснийг мэдээлэв.