Нийслэлийн хэмжээнд он гарсаар шар өвс шатсан есөн удаагийн дуудлага бүртгэгдсэн байна.

Өнгөрсөн хоногт шар өвс шатсан хоёр дуудлагаар алба хаагчид шуурхай ажиллаж бүрэн унтраалаа.

Хуурайшилтын үед ой хээрийн түймрийн аюулаас урьдчилан сэргийлж

-Цогтой үнс нурмаа битүү тагтай саванд хийх

-Тамхи, шүдэнзний галыг ил задгай орхихгүй байх

-Ногоон бүсэд оч баригчгүй машинтай зорчихгүй байх

-Гэр сууц, хашааг тойруулж түймрээс хамгаалах зурвас татах

-Айл өрхүүд хашааны шар өвсийг шатаахгүй байх

-Шаардлагатай багаж хэрэгслийг бэлдэж ой, хээрийн түймрээс сэргийлж, аюулгүй байдлаа хангахыг Нийслэлийн Онцгой байдлын газраас зөвлөж байна.

Нийслэлийн нутаг дэвсгэр, ногоон бүс, зуслангийн чиглэлд хуурайшилт ихтэй байгааг мэргэжлийн байгууллагаас мэдээлж байна.

Жил бүрийн энэ хугацаанд хуурайшилтын үе тохиодог.

Иймд иргэд ногоон бүсэд зорчихдоо галын аюулгүй байдлыг ханган, ил задгай гал гаргахгүй байх, гэр хороолол, зуслангийн чиглэлд айл өрхүүд хашааны шар өвсийг шатаахгүй, халуун үнс нурмыг таглаатай төмөр саванд хийж галын аюулгүй байдлаа хангахыг Нийслэлийн Онцгой байдлын газраас зөвлөж байна.