Шүүхийн шийдвэр гүйцэтгэх ерөнхий газрын харьяа 427 дугаар нээлттэй, хаалттай хорих ангиас хоёр хоригдол галчаар ажиллаж байхдаа оргосон.
Тэдний нэгийг 2024 оны гуравдугаар сарын 04-ний шөнө Багануур дүүргийн нутаг дэвсгэрээс олж баривчилсан. Харин нөгөөг нь өнгөрсөн шөнө Хэрлэн голын гүүр орчмоос 02:00 цагийн үед олж, баривчилжээ. “Оргосон хоригдлуудад шийтгэл нэмэгдэнэ” хэмээн ШШГЕГ-аас мэдээлэв.
Уг хоригдлууд хорих ангийн уурын зууханд галчаар ажиллаж байх үедээ оргожээ.