Вьетнам улс руу дипломат, албан болон энгийн гадаад паспорттой монгол иргэд 30 хүртэлх хоногийн хугацаанд визгүй зорчих хэлэлцээр 2024 оны гуравдугаар сарын 7-ны өдрөөс мөрдөгдөхөөр болсон билээ.
Харин 30-аас дээш хоногийн хугацаагаар Вьетнам улсад зорчих бол зохих ангиллын виз авах ёстой юм байна.
Тус улс руу визгүй зорчиход юуг анхаарах ёстойг ГХЯ-наас тодруулахад “Гадаад паспортын дуусах хугацааг сайн шалгах, Вьетнам улсад очсон хойноо хууль тогтоомжийг зөрчихгүй байх, визгүй зорчих 30 хоногийн хугацааг хэтрүүлэхгүй” байхыг зөвлөлөө.
Тус улсад зорчиход анхаарах зүйлс:
- Гадаад паспортын хүчинтэй хугацаагаа шалгах
- Гадаад паспорт нь визийн тамга дарах хоёроос доошгүй хуудастай байх
- Аяллын хоёр талын тийз бичүүлсэн байх
- Бүгд Найрамдах Социалист Вьетнам Улсад байх хугацаагаа паспорт дээрээсээ нягтлан шалгаж, тухайн хугацаанд буцаж гарах, хууль тогтоомж, дүрэм журмыг нь сахиж мөрдөх
- Хилээр нэтрүүлэхийг хориглосон эд зүйлс, бараа, бүтээгдэхүүнийг биедээ болон ачаа тээшиндээ авч явахгүй байх
- Хилээр 5,000-аас дээш ам.доллар бэлнээр, эсхүл түүнтэй тэнцэх бусад гадаад валют авч яваа бол энэ талаар гаалийн мэдүүлэгт заавал мэдүүлэх (хэрэв гаалийн мэдүүлэгт мэдүүлээгүй бол гаалийн хууль тогтоомж зөрчсөн гэж үзэн, торгууль ногдуулдаг болохыг анхаарна уу)
- Зохион байгуулалттай гэмт бүлэглэлийн хохирогч болохоос урьдчилан сэргийлж, хэн нэгний гуйлт, ятгалгаар бусдын ачаа тээш, эд зүйлс авч явахгүй байх
Монгол Улсын иргэд визгүй зорчих орнууд (2024.03.01-ний байдлаар)
| № | Улс орон | Зорчих нөхцөл, визгүй зорчих хугацаа, Хүчин төгөлдөр болсон огноо |
| 1 | Хятад |
Бүх төрлийн паспортоор 30 хоног хүртэл / 1989.03.30 |
| 2 | Филиппин | Бүх төрлийн паспортоор 21 хоног хүртэл / 1994.05.13 /Зөвхөн бизнес болон аялал жуулчлалын зорилгоор зорчих паспортын хугацаа 6 сараас доошгүй хүчинтэй хугацаатай, нутаг буцах эсвэл дараагийн улсад зорчих нислэгийн тийзтэй энгийн паспорт эзэмшигч иргэд 30 хүртэл хоногийн хугацаанд визгүй/ |
| 3 | Малайз | Бүх төрлийн паспортоор 30 хоног хүртэл / 1994.06.06 |
| 4 | Казахстан | Бүх төрлийн паспортоор 90 хоног хүртэл / 1994.12.02 |
| 5 | Израил | Бүх төрлийн паспортоор 30 хоног хүртэл / 1996.03.12 |
| 6 | Хонконг
/БНХАУ/ |
Бүх төрлийн паспортоор 14 хоног хүртэл / 1998.06.18 |
| 7 | Киргиз | Бүх төрлийн паспортоор 90 хоног хүртэл / 1999.12.04
/180 хоногт/ |
| 8 | Куба | Бүх төрлийн паспортоор 30 хоног хүртэл / 2001.10.08 |
| 9 | Макао/БНХАУ/ | Бүх төрлийн паспортоор 90 хоног хүртэл / 2004.07.03 |
| 10 | Лаос | Бүх төрлийн паспортоор 30 хоног хүртэл / 2007.10.14 |
| 11 | Tайланд | Бүх төрлийн паспортоор 30 хоног хүртэл / 2008.01.13 |
| 12 | Беларусь | Бүх төрлийн паспортоор 90 хоног хүртэл / 2013.09.04 |
| 13 | Турк | Бүх төрлийн паспортоор 30 хоног хүртэл / 2013.10.10 |
| 14 | Серби | Бүх төрлийн паспортоор 90 хоног хүртэл / 2013.11.08 |
| 15 | ОХУ | Бүх төрлийн паспортоор 30 хоног хүртэл / 2014.09.03 |
| 16 | Бразил | Бүх төрлийн паспортоор 90 хоног хүртэл / 2015.09.21 |
| 17 | Сингапур | Бүх төрлийн паспортоор 30 хоног хүртэл / 2017.06.08 |
| 18 | Украин * | /Албан ёсны урилгатай тохиолдолд/ Бүх төрлийн паспортоор 90 хоног хүртэл |
| 19 | Аргентин | Бүх төрлийн паспортоор 90 хоног хүртэл / 2018.02.19 |
| 20 | Уругвай | Бүх төрлийн паспортоор 30 хоног хүртэл / 2018.06.10 |
| 21 | Чили | Бүх төрлийн паспортоор 90 хоног хүртэл / 2018.12.29 |
| 22 | Эквадор | Бүх төрлийн паспортоор 90 хоног хүртэл / 2020.10.23 |
| 23 | Перу | Бүх төрлийн паспортоор 90 хоног хүртэл / 2021.10.01 |
| 24 | Узбекистан | Бүх төрлийн паспортоор 30 хоног хүртэл / 2022.06.03 |
| 25 | Барбадос | Бүх төрлийн паспортоор 90 хоног хүртэл / 2022.07.28 |
| 26 | Арабын Нэгдсэн Эмират Улс | Бүх төрлийн паспортоор 30 хоног хүртэл / 2023.12.28 |
| 27 | Мальдив | Бүх төрлийн паспортоор 30 хоног хүртэл / 2024.01.12 |
| 28 | Парагвай | Бүх төрлийн паспортоор 90 хоног хүртэл / 2024.01.17 |
| 29 | Вьетнам | Бүх төрлийн паспортоор 30 хоног хүртэл / 2024.03.07 |