Автомашины дугаарын хязгаарлалтаас үүдэн UBCab такси үйлчилгээний дуудлагын эрэлт огцом нэмэгдэж, үйлчлүүлэгч иргэд “Plus” буюу нэмэлт төлбөртэй цэсийг нь ихээр сонгох болжээ.
Тиймээс жолооч нар зөвхөн нэмэлт төлбөр санал болгосон дуудлагыг хүлээн авч, энгийн дуудлагыг орхих сөрөг үр дагавар гарсан байна.
Иймд тус компанийн зүгээс цаг үеийн хүнд нөхцөл байдлыг харгалзан үзэж, үнийн хөөрөгдөлтийг хязгаарлах үүднээс “Plus” цэсээ оргил цаг буюу 07:15-10:30, 17:15-21:30 цагийн хооронд хаажээ.
Харин бусад цагт нэмэлт төлбөртэй цэс нь хэвийн буюу дуудлагын хөлс нь 1000 төгрөг, нэмэлт төлбөр нь 3-15 мянган төгрөгийн хооронд байх аж.